50 sena ta' riċerka

Biex jikkompetu mal-bqija tad-dinja, il-pajjiżi ta' l-UE għamlu użu mill-vantaġġi li jgħaqdu l-potenzjal tagħhom – biex b'hekk iwittu t-triq għax-xjenzjati f'pajjiżi differenti sabiex jaħdmu flimkien.

L-Ewropa għandha storja li hija kburija biha ta' skoperti u invenzjonijiet, bi prodotti rivoluzzjonarji, bħal per eżempju l-world wide web, li ġie żviluppat fiċ-Ċentru Ewropew għar-Riċerka Nukleari (CERN)  li huwa bbażat f'Ġinevra.  L-aktar proġetti prolifiċi ta' l-UE jinkludu Galileo - sistema ta' navigazzjoni satellitari li tassigura l-indipendenza Ewropea minn sistemi statali oħra bħal per eżempju l-GPS ta' l-Amerika – u l-proġett tat-teffiegħa tar-rokits Ariane, li mis-snin 70 taw lill-Ewropa aċċess ħieles lejn l-ispazju.

Il-proġett ta' prominenza għall-attivitajiet ta' riċerka ta' l-UE, il-programm ta' qafas għar-riċerka (li issa jinsab fis-seba' verżjoni) jipprovdi fondi għar-riċerka u l-attivitajiet għall-iżvilupp f'bosta oqsma tax-xjenza. Fost prijoritajiet oħra insibu li l-Ewropej għandhom jiġu mħeġġa sabiex jibdew karriera fix-xjenza u jqajmu kuxjenza dwar 'x'tista' tagħmel ix-xjenza għalik'. Eżempji ta' proġetti li rnexxew finanzjati mill-UE huma Lejliet ir-riċerkaturi – fl-avveniment ta' din is-sena kien hemm aktar minn 150 belt involuta madwar l-Ewropa kollha - u l-konkors għax-xjenzjati żgħazagħ.

Aktar taghrif dwar ir-ricerka fl-UE

50 sena ta' ricerka Ewropea