Deżertifikazzjoni, nixfa, degradazzjoni tal-ħamrija, qerda tal-bijodiversità, propragazzjoni tal-mard, spostament tal-popolazzjonijiet: il-pajjiżi li qed jiżviluppaw se jkunu l-aktar negattivament milquta mit- tisħin fil-klima
.
Il-Jiem Ewropej ta' l-Iżvilupp
se jinżammu f'Liżbona mis-7 sad-9 ta' Novembru li ġej bit-tema "Il-Klima u l-Iżvilupp: x'tibdiliet?" Se jippermettu lir-rappreżentanti ta' l-Unjoni Ewropea, tan-Nazzjonijiet Uniti, ta' l-Istati ta' l-Afrika, tal-Karibew u tal-Paċifiku u lil xi organizzazzjonijiet non-governattivi jiltaqgħu matul wirjiet u gruppi ta' diskussjoni, sabiex flimkien isibu xi soluzzjonijiet.
Li jiġi żgurat ambjent sostenibbli
huwa wieħed mit-tmien għanijiet tal-Millennju għall-Iżvilupp , li l-pajjiżi Membri tal-ĠM impenjaw irwieħhom li jilħqu minn issa sa l-2015. L-Unjoni Ewropea, li qiegħda fuq quddiem fil-ġlieda kontra t-tibdil fil-klima u fl-għajnuna għall-iżvilupp, għamlet mill-ambjent u l-bijodiversità l-elementi fundamentali tal-politika tagħha ta' kooperazzjoni fl-iżvilupp .
F'Settembru li għadda, il-Kummissjoni pproponiet li tagħmel alleanza dinjija għall-ġlieda kontra t-tibdil fil-klima
bejn l-Unjoni Ewropea u l-pajjiżi li qed jiżviluppaw. Din l-alleanza għandha tippermetti lill-aktar pajjiżi li huma bla difiża kontra t-tibdil fil-klima biex iħejju rwieħhom aħjar kontra l-katastrofri naturali. Il-Jiem Ewropej ta' l-Iżvilupp se jkunu l-ewwel okkażjoni biex ikun hemm diskussjoni dwar din l-alleanza mal-pajjiżi sħab ewlenin.
Sabiex tkun taf aktar dwar l-azzjoni barranija ta' l-Unjoni Ewropea, żur is-sit tad-DĠ Żvilupp .
