Iż-żgħażagħ li huma ħerqana jxandru l-opinjonijiet tagħhom dwar kwistjonijiet Ewropej jistgħu jagħmlu dan permezz tas-sit Radju Web Ewropa 
li tnieda dan l-aħħar, fejn dawn jistgħu jaqsmu il-filmati tagħhom bejniethom. L-utenti jistgħu jitfgħu l-materjal tagħhom, bħal vidjows, intervisti, logħob jew cartoons, u jiddiskutu suġġetti jaħarqu, bħall-iżvilupp sostenibbli u l-moviment ħieles madwar il-kontinent.
L-inizjattiva ffinanzjata mill-UE għandha l-għan li tqajjem dibattitu dwar l-Ewropa fost iż-żgħażagħ u, aktar importanti minn hekk hu li tagħtihom leħen. Għandha l-għan li tuża mezzi ġodda ta' komunikazzjoni, bħal per eżempju podcasts awdjoviżivi u radjofoniċi, sabiex l-UE ttiddakkar mill-enerġija tal-ġenerazzjoni żgħażugħa Ewropea.
Radju Web Ewropa ġie ppreżentat mill-organizzazzjoni Taljana Cenasca Cisl bi sħubija ma' seba' organizzazzjonijiet minn seba' pajjiżi ta' l-UE. Dan huwa wieħed mill-proġetti magħżula mill-UE taħt il-pjanijiet tagħha sabiex ittejjeb id-djalogu mal-pubbliku. Proġetti oħra jinkludu:
- Ewropa, Tkellem! (Moviment Internazzjonali Ewropew, Brussell)
- Konsultazzjonijiet taċ-ċittadini Ewropej (Fondazzjoni King Baudouin, Brussell)
- Il-messaġġ tagħna lill-Ewropa (Deutsche Gesellschaft, Berlin)
.
Wara il-voti negattivi ta' Franza u l-Olanda fir-referenda dwar il-kostituzzjoni, l-UE tinsab ħerqana li tisma' aktar mill-qrib l-opinjonijiet tal-poplu fuq firxa wiesgħa ta' kwistjonijiet Ewropej.
Għandek xi opinjoni dwar l-Ewropa?
