Europos jaunimo portalas
Informacija ir galimybės visos Europos jaunimui.

Námslán

Námslán
Lánasjóður íslenskra námsmanna
Lánasjóður íslenskra námsmanna veitir lán til náms í fjöldanum öllum af framhalds- og háskólum hérlendis og erlendis.

Hvernig námslán eru í boði?

Algengast er að námsmenn sæki um framfærslulán (þ.e. lán fyrir uppihaldi) og skólagjaldalán hjá LÍN. Einnig eru þó fleiri lán í boði, s.s. bókalán, lán fyrir efniskostnaði, ferðalán og lán vegna sjúkratrygginga.

 

Hvaða nám er lánshæft?

LÍN veitir lán til náms í fjöldanum öllum af framhalds- og háskólum hérlendis og erlendis.

  • Allt háskólanám á Íslandi er lánshæft
  • Nám á háskólastigi erlendis sem gerir sambærilegar kröfur og háskólar á Íslandi er yfirleitt lánshæft.
  • Starfs-, iðn- og tækninám á Íslandi er margt lánshæft.


Á heimasíðu LÍN má finna lista yfir lánshæfa skóla á Íslandi og erlendis.

 

Hvernig er sótt um námslán?

Sótt er um námslán á Mínu svæði hjá LÍN. Gott er að kynna sér ábyrgðina sem fylgir því að taka námslán og úthlutunarreglur.

 

Bankinn lánar fyrir framfærslu þar til greiðsla berst frá LÍN

LÍN borgar ekki út námslán fyrr en námsmaður hefur staðið skil á ákveðnum einingafjölda (18 ECTS-einingar). Þurfi fólk hinsvegar að fá framfærslu áður en önninni líkur verður að leita til bankanna. Þá er farið með lánsyfirlýsinguna í þann banka sem fólk á viðskipti við og bankinn lánar fyrir framfærslunni. Oftast eru þau framfærslulán í formi yfirdráttar. LÍN greiðir svo út lánið í lok annar: nái námsmaðurinn öllum einingum getur hann þannig borgað yfirdráttarlánið upp með greiðslunni frá LÍN.

 

Hvenær rennur umsóknarfrestur út?

Sækja verður um námslán fyrir 1. desember fyrir haustönn. Hægt að sækja um námslán fyrir vorönn fram til 1. maí. Umsóknarfrestur fyrir nám á sumarönn rennur út 1. júlí.

 

Hvað fá nemendur mikið í námslán?

Grunnframfærsla á  Íslandi er 132.792 kr. á mánuði fyrir fullt nám eða 19.919 kr. fyrir hverja ECTS-einingu sem námsmaður lýkur. Lánsupphæðin er þó tengd námslandi, umfangi náms, tekjum, fjölda barna, húsnæði og fleiru og getur því verið skert eða hækkuð. Námsmaður má hafa 750.000 krónur í tekjur án þess að lánið skerðist. Ef umsækjandi er að koma af vinnumarkaði, eða úr námshléi mega tekjurnar hafa verið  3.750.000 kr. án þess að lánið skerðist.

Í reiknivél á heimasíðu LÍN má gróflega reikna út lánsupphæðina.

 

Hvenær eru námslán greidd út?

Námslánin er greidd út eftir hverja önn. Til að fólk fái greidd full námslán gerir LÍN kröfu um að fólk standist öll próf og áfanga. Ef fólk gerir það ekki fær það skert námslán. Námsmaður þarf þó að ljúka minnst 18 ECTS-einingum á önn til að eiga rétt á námslánum.

 

Hvað kostar að taka námslán?

Námslán eru sennilega hagstæðustu lán sem fólki bjóðast. Vextirnir á þeim eru 1% á ári. Lögum samkvæmt mega þeir vera 3%. Auk þess er dregið 1,2% af öllum lánum sem borguð eru út í lántökugjald. Þegar maður fær lánað hjá bankanum í formi yfirdráttar borgar fólk vexti af því láni líkt og um venjulegan yfirdrátt væri að ræða. Oft bjóða bankarnir námsmönnum þó aðeins hagstæðari lánakjör í þessum tilvikum.

Þessi grein er unnin í samstarfi við Áttavitann

Paskelbta: A, 14/05/2013 - 18:26


Tweet Button: 

Susijusios nuorodos


Info for young people in the western balkans

Reikia specialisto pagalbos ar patarimo?

Teiraukitės mūsų!