DiscoverEU


DiscoverEU


Aktar aġġornamenti

Int wieħed mir-rebbieħa tal-ivvjaġġar tagħna ta’ DiscoverEU minn Novembru 2019? Jekk ipposponejt il-vjaġġ tiegħek minħabba l-COVID-19, tinkwetax, estendejna l-perjodu tal-ivvjaġġar sal-31 ta’ Awwissu 2021. Stenna sakemm it-tim tagħna jikkuntattjak biex jiggwidak matul il-passi li jmiss! Xorta tista’ Tiskopri l-UE tagħna!
Għal aktar informazzjoni, ikklikkja hawnhekk.

Qed taħseb dwar ir-round ta’ applikazzjonijiet li jmiss? Jekk il-kundizzjonijiet fl-Ewropa kollha jippermettu, se nagħmlu l-aħjar li nistgħu biex DiscoverEU terġa’ taqbad triqtha f’Ottubru 2021 u noffru opportunitajiet ġodda biex jintrebaħ pass tal-ivvjaġġar! Sadanittant kompli segwi l-mezzi tal-media soċjali tagħna, b’mod partikolari l-Grupp tal-Facebook tagħna #DiscoverEU Offficial - se nżommuk informat! 

- - -

Għandek 18-il sena u int ċittadin tal-Unjoni Ewropea? Ipprepara ruħek biex tesplora l-Ewropa!

 

X’inhi DiscoverEU?

DiscoverEU hi inizjattiva tal-Unjoni Ewropea li tagħtik l-opportunità li tiskopri l-Ewropa permezz ta’ esperjenzi ta’ tagħlim. Meta tivvjaġġa prinċipalment bil-ferrovija (hemm eċċezzjonijiet biex dawk li jgħixu fuq gżejjer jew f’żoni remoti jkunu jistgħu jieħdu sehem), se tiskopri l-pajsaġġi impressjonanti u l-varjetà bla tmiem tal-ibliet u l-irħula tal-Ewropa. Tista’ tapplika matul iż-żewġ rounds ta’ applikazzjonijiet li jsiru kull sena. L-applikanti magħżulin jingħataw pass tal-ivvjaġġar.

Bħala żagħżugħ ta’ 18-il sena tal-Unjoni Ewropea, DiscoverEU toffrilek l-opportunità li tieħu sehem f’esperjenza ta’ vvjaġġar li tippermettilek tieħu vantaġġ mil-libertà tal-moviment fl-Unjoni Ewropea, tiskopri d-diversità tal-Ewropa, titgħallem dwar il-wirt kulturali u l-istorja, u tagħmel kuntatt ma’ nies mill-kontinent kollu. Barra minn hekk, DiscoverEU tippermettilek, bħala persuna żagħżugħa, li tiżviluppa ħiliet ta’ ħajja ta’ valur għall-futur tiegħek, bħall-indipendenza, il-fiduċja, u l-ftuħ għal kulturi oħrajn.

Interessat fir-rounds preċedenti ta’ applikazzjonijiet? Iċċekkja l-iskeda informattiva ta’ DiscoverEU biex taqra aktar dwar l-inizjattiva u l-esperjenzi ta’ xi wħud miż-żgħażagħ vjaġġaturi tagħna.

 

Video TedX ta’ ispirazzjoni minn Vincent-Immanuel Herr