Evrópska ungmennagáttin

Upplýsingar og tækifæri fyrir ungt fólk vítt og breitt í Evrópu.

A picture
© fotolia.com - Alexander Raths

Vísindin eru líka fyrir stúlkur!

Stúlkur eru ennþá ekki nægilega fjölmennar í vísindum, tækni- og rannsóknargreinum í Evrópu, enda þótt þær nái jafn góðum námsárangri í vísindagreinum og stærðfræði í skóla. Ekki láta hæfileika þína fara til spillis: vísindin vantar stúlkur!

Með því að ganga menntabrautina í vísindum, tækni eða verkfræði, þá getur þú, sem stúlka, ef til vill orðið sú sem mun standa á bak við næstu stóru uppgötvunina í vísindum. Til þess að hjálpa þér til þess að glöggva þig á draumastarfi þínu í vísindum, þá hefur framkvæmdastjórn Evrópusambandsins hleypt af stokkunum herferðinni Vísindi: það er stelpnagrein!

 

Hvert er þitt hlutverk í vísindunum?

Farðu í spurningaleikinn til þess að komast að hvert er draumastarf þitt í vísindum. Ef þú vilt svo kafa dýpra, athugaðu þá hvenær farandsýningin frá Vísindi: það er stelpnagrein verður sett upp í þínu landi. Breyttu staðalímyndinni og sýndu umheiminum að vísindin eru fyrir stelpur í raun og veru.

Með því að starfa í vísindagreinum þá getur maður haft bætandi áhrif á líf fólks. Getur þú gert þér í hugarlund hvernig það er að vernda umhverfið eða færa matvæli upp í hendurnar á fólki eða berjast gegn fátækt? Með vísindin að vopni, þá getur þú beitt ímyndunarafli þínu og frumleika til þess að hugleiða eitthvað sem enginn hefur látið sér detta í hug áður
– hugsaðu um að spyrja spurninga og leita svo svara og byggja upp þekkingu

Með sínum fjöldamörgu greinum, þá geta vísindin orðið undirstaðan að bjartri framtíð fyrir þig. Starfsframi á sviði vísindarannsókna getur orðið til þess að þér gefist miklir möguleikar til þess að ferðast um heiminn og starfa með fjölþjóðlegu teymi.

 

New Technology - Iris Slootheer, young student in applied physics

 

 

Bakgrunnsupplýsingar

Enda þótt að fyrir hendi sé hafsjór af hæfileikaríkum konum í Evrópu og að meirihluti þeirra sem útskrifast úr háskólum sé nú konur, þá er hlutfall þeirra kvenna sem sitja í toppstöðum á sviði vísinda í Evrópu enn mjög lágt. Konur útskrifaðar með háskólapróf eru enn það kynið sem er í miklum minnihluta á sviði verkfræði, framleiðslu, byggingariðnaðar, vísinda, í stærðfræði og tölvugeiranum. Þetta á sér stað þrátt fyrir að drengir og stúlkur sýni sama áhuga á vísindalegum fögum í skóla, en hærra hlutfall stúlkna hættir námi í vísindum, verkfræði og tæknigreinum til þess að snúa sér frekar að öðrum greinum.