Tacú le hoideachas, oiliúint agus comhtháthú sóisialta ar ardchaighdeán

Tacaíonn an tAontas Eorpach le hiarrachtaí na mBallstát an caighdeán is airde oideachais agus oiliúna a chur ar fáil dá saoránaigh. Cuireann sé an t-ilteangachas chun cinn san Eoraip freisin, trí chabhrú le teagasc agus foghlaim teangacha, trí shoghluaisteacht mac léinn, oiliúnaithe, múinteoirí agus daoine óga a spreagadh, agus trí mhalartú faisnéise agus taithí a éascú.

• Achoimrí ar reachtaíocht an Aontais i réimse an oideachais, na hoiliúna agus na hóige

Tá an creat á chur ar fáil ag an Aontas do thíortha an Aontais chun dea-chleachtais a chomhroinnt agus chun foghlaim óna chéile, agus é mar aidhm aige:

• foghlaim ar feadh an tsaoil agus soghluaisteacht a chur i bhfeidhm i ndáiríre
• feabhas a chur ar cháilíocht agus éifeachtúlacht oideachais agus oiliúna
• cothromas, comhtháthú sóisialta agus saoránacht ghníomhach a chur chun cinn
• cruthaitheacht, nuálaíocht agus fiontraíocht a fheabhsú

Chun na spriocanna atá leagtha amach sa chreat oideachais agus oiliúna a bhaint amach, cuireann an tAontas beartais i bhfeidhm in earnálacha éagsúla, cuir i gcás:

• oideachas agus cúram na luath-óige
• scoileanna
• gairmoideachas agus gairmoiliúint
• ardoideachas
• oideachas aosach

I réimse na hóige, tá creat á leagan amach ag an Aontas le haghaidh comhar idir na Ballstáit trí Straitéis AE i leith na hÓige.

Tríd an gclár Erasmus+, cuireann an tAontas Eorpach maoiniú, uirlisí agus acmhainní ar fáil freisin do dhaoine aonair, d’eagraíochtaí agus le haghaidh athchóiriú beartas, i réimsí éagsúla, cuir i gcás:

• staidéar, oiliúint agus forbairt do mhic léinn, d’oiliúnaithe agus do ghairmithe oideachais i dtíortha eile
• deiseanna i dtíortha eile do dhaoine óga agus d’oibrithe óige
• deiseanna d’eagraíochtaí comhpháirtíochtaí a fhorbairt ar mhaithe le nuálaíocht i réimsí an oideachais, na hoiliúna agus na hóige
• malartú eolais agus athchóiriú beartas chun tacú le fás geilleagrach, poist, cothromas agus cuimsiú sóisialta san Eoraip

• Tuilleadh faoi chlár Erasmus+

Cruthaíonn an Cór Dlúthpháirtíochta Eorpach deiseanna do dhaoine óga obair a dhéanamh, nó obair dheonach a dhéanamh, i dtionscadail ina dtír féin nó i dtíortha eile, tionscadail a théann chun tairbhe do phobail agus do dhaoine ar fud na hEorpa.