Trid tinvolvi ruħek fit-tfassil tal-politiki Ewropej? Hemm diversi għażliet miftuħin għalik:

L-Inizjattiva taċ-Ċittadini Ewropej

L-UE għandha tilleġiżla dwar xi kwistjoni importanti għalik? Ikkunsidra tibda inizjattiva taċ-ċittadini Ewropej li jitolbu lill-Kummissjoni Ewropea biex tipproponi att legali. L-inizjattiva tiegħek trid turi appoġġ mifrux. Dan ifisser li din għandha tiġi ffirmata minn miljun ċittadin tal-UE, minn mill-inqas kwart tal-pajjiżi tal-UE (7 minn 27).

• Aktar dwar l-inizjattiva Ewropea taċ-ċittadini
• Kif taħdem l-Unjoni Ewropea

Ir-Regolament dwar l-inizjattivi taċ-ċittadini bħalissa qed jiġi rivedut — aktar tagħrif.

Petizzjoni lill-Parlament Ewropew

Iċ-ċittadini tal-UE u l-persuni li jgħixu fl-UE jistgħu jagħmlu petizzjoni lill-Parlament dwar kwistjonijiet li għandhom x’jaqsmu ma’ xi politika tal-UE li tolqothom direttament, bħalma jistgħu jagħmlu wkoll il-kumpaniji u l-organizzazzjonijiet oħra li għandhom l-uffiċċji prinċipali tagħhom fl-UE.

• Aktar tagħrif dwar il-petizzjonijiet lill-Parlament Ewropew
• Kif jaħdem il-Parlament
• Ikkuntattja l-Membru tal-Parlament Ewropew tiegħek

Konsultazzjonijiet pubbliċi & modi oħra biex tagħti feedback

L-aġenda għal regolamentazzjoni aħjar tal-Kummissjoni Ewropea, pereżempju, fetħet aktar opportunitajiet biex tikkontribwixxi għat-tfassil tal-politika tal-UE. Għid tiegħek permezz ta’:

• il-konsultazzjonijiet pubbliċi — inkiteb biex tirċievi notifiki.
• diversi mekkaniżmi ta’ feedback matul iċ-ċiklu tal-politika (mill-fażi tal-preparazzjoni sal-proposti għal liġijiet ġodda) — inkiteb biex tirċievi notifiki.

Il-liġi tal-UE tista’ ssir aktar effettiva u effiċjenti? Ibgħat l-idea tiegħek permezz ta’ Ħaffef il-piż.

SINAPSE e-communities huma mod kif esperti jagħtu kontribut għat-tfassil tal-politika tal-UE.

Id-Djalogi taċ-Ċittadini

Id-Djalogi taċ-Ċittadini huma miżmuma f’ibliet madwar l-UE. Dawn joffrulek opportunitajiet biex tiddiskuti kwistjonijiet li tinsab imħasseb dwarhom mar-rappreżentanti tal-Parlament Ewropew, il-Kummissjoni u korpi oħra tal-UE.

L-opinjonijiet tiegħek dwar il-futur tal-Ewropa

Għaddejja konsultazzjoni online ukoll. Billi tipparteċipa tista' tinvolvi ruħek biex tgħin issawwar il-futur tal-UE.

Ilmenti formali

Tista':

• tagħmel ilment lill-Kummissjoni Ewropea - jekk taħseb li pajjiż partikolari tal-UE mhux qed jimplimenta l-liġi tal-UE kif suppost.
• tagħmel ilment lill-Ombudsman Ewropew - jekk taħseb li xi waħda mill-istituzzjonijiet tal-UE aġixxiet b'mod illegali jew għamlet xi żball amministrattiv.
• irrapporta frodi dwar il-finanzjament tal-UE/l-impjegati tal-UE lill-Uffiċċju Ewropew ta' Kontra l-Frodi (OLAF).
• ikkuntattja lil Europe Direct jekk m’intix ċert lil min għandek tibgħat l-ilment tiegħek.

Ir-Reġistru tat-Trasparenza

Inti tirrappreżenta organizzazzjoni jew taħdem għal rasek f’attivitajiet li jinfluwenzaw it-tfassil tal-politika tal-istituzzjonijiet tal-UE u l-proċessi tat-teħid tad-deċiżjonijiet?

Jekk iva, abbona fir-Reġistru tat-Trasparenza tal-UE.