An mian leat bheith páirteach i gceapadh bheartais na hEorpa? Tá roinnt rudaí is féidir leat a dhéanamh:

Tionscnamh ó na Saoránaigh

Ar chóir don Aontas reachtaíocht a rith maidir le ceist is cás leatsa? D'fhéadfá tús a chur le Tionscnamh ó na Saoránaigh ina n-iarrfaí ar an gCoimisiún gníomh dlí a mholadh. Ní mór a léiriú go mbeadh tacaíocht fhorleathan ag do thionscnamh. Chuige sin, caithfidh milliún saoránach den Aontas, ó aon cheathrú den na Ballstáit ar a laghad (sin 7 as 27), é a shíniú.

• Tuilleadh eolais faoin Tionscnamh ó na Saoránaigh
• An chaoi a n-oibríonn an Coimisiún Eorpach

Tá athbhreithniú á dhéanamh i láthair na huaire ar an Rialachán maidir leis an Tionscnamh ó na Saoránaigh — tuilleadh eolais.

Achainí ar Pharlaimint na hEorpa

Féadann saoránaigh den Aontas agus daoine a bhfuil cónaí orthu san Aontas achainí a dhéanamh ar an bParlaimint i dtaca le ceisteanna a bhaineann le beartais de chuid an Aontais a bhfuil tionchar díreach acu orthu. Is féidir le cuideachtaí agus eagraíochtaí eile a bhfuil a gceannáras san Aontas achainí a dhéanamh ar an bParlaimint freisin.

• Tuilleadh eolais faoi achainí ar Pharlaimint na hEorpa.
• Conas a oibríonn an Pharlaimint
• Teagmháil le d'fheisire féin i bParlaimint na hEorpa

Comhairliúcháin phoiblí agus bealaí eile le tuairimí a nochtadh

De thoradh chlár oibre an Choimisiún maidir le rialáil níos fearr tá tuilleadh deiseanna ann le bheith páirteach sa cheapadh beartais ar leibhéal an Aontais. Cloisimis uait:

• comhairliúcháin phoiblí — liostáil le haghaidh fógraí.
• sásraí aiseolais éagsúla feadh an timthriall beartais ( ó chéim an ullmhúcháin go dtí céim na dtograí le haghaidh dlíthe nua) — liostáil le haghaidh fógraí.

An féidir dlí de chuid an Aontais a dhéanamh níos éifeachtaí? Cuir do mholadh isteach trí Rómhaorlathas a laghdú.

Bealach iad na ríomhphobail SINAPSE do shaineolaithe tuairimí a léiriú faoin gceapadh beartais ar leibhéal an Aontais.

Comhphlé leis na Saoránaigh

Reáchtáltar na Comhphléite leis na Saoránaigh i gcathracha ar fud an Aontais. Deis iad chun na ceisteanna is cás leat a phlé le hionadaithe Pharlaimint na hEorpa, an Choimisiúin agus comhlachtaí eile de chuid an Aontais.

Do thuairimí ar Thodhchaí na hEorpa

Tá comhairliúchán ar líne speisialta ar bun freisin. Trí pháirt a ghlacadh ann beidh tú ag cuidiú todhchaí na hEorpa a mhúnlú.

Gearáin fhoirmiúla

Is féidir leat:

• gearán a dhéanamh leis an gCoimisiún Eorpach – más dóigh leat nach bhfuil Ballstát ar leith ag cur dhlí an Aontais chun feidhme i gceart.
• gearán a dhéanamh leis an Ombudsman Eorpach – más dóigh leat go bhfuil ceann d'institiúidí an Aontais tar éis gníomhú go mídhleathach nó tar éis earráid riaracháin a dhéanamh.
• calaois i dtaca le maoiniú ón Aontas nó i dtaca le foireann an Aontais a thuairisciú chuig an Oifig Eorpach Frith-Chalaoise (OLAF).
• Déan teagmháil le Europe Direct mura bhfuil a fhios agat cé chuige is ceart do ghearán a chur.

An Clár Trédhearcachta

An ionadaí eagraíochta thú nó an duine féinfhostaithe thú agus baint agat le gníomhaíochtaí a imríonn tionchar ar phróisis ceaptha beartais agus ar phróisis cinnteoireachta institiúidí an Aontais?

Más ea, liostáil le haghaidh Clár Trédhearcachta an Aontais Eorpaigh.