Jum l-Ewropa
Jum l-Ewropa
Avveniment mhux ta' min jitilfu!
- Brussell: il-5 ta' Mejju 2018
- Il-Lussemburgu: id-9 ta' Mejju 2018
- Strasburgu: l-10 ta' Ġunju 2018
Biex jiċċelebraw Jum l-Ewropa, l-istituzzjonijiet tal-UE jiftħu l-bibien tagħhom għall-pubbliku. Ingħaqad fiċ-ċelebrazzjonijiet u tgħallem aktar dwar l-Unjoni Ewropea b'avvenimenti u attivitajiet għall-etajiet kollha.
Dalwaqt ikollna aktar informazzjoni.
Kull sena fid-9 ta' Mejju Jum l-Ewropa jiċċelebra l-paċi u l-għaqda fl-Ewropa. Id-data timmarka l-anniversarju tad-"dikjarazzjoni ta' Schuman". F'diskors f'Pariġi fl-1950, Robert Schuman, li dak iż-żmien kien il-Ministru tal-Affarijiet Barranin Franċiż, stabbilixxa l-ħsieb tiegħu għal forma ġdida ta' kooperazzjoni politika għall-Ewropa, li tagħmel il-gwerra bejn in-nazzjonijiet Ewropej xi ħaġa inkonċepibbli.
Il-viżjoni tiegħu kienet li tinħoloq istituzzjoni Ewropea li tgħaqqad u timmaniġġja l-produzzjoni tal-faħam u l-azzar. Ftit inqas minn sena wara ġie ffirmat trattat li ħoloq korp bħal dan. Il-proposta ta' Schuman hi meqjusa bħala l-bidu ta' dik li llum hi l-Unjoni Ewropea.
L-istituzzjonijiet Ewropej jiċċelebraw Jum l-Ewropa
Biex jiċċelebraw Jum l-Ewropa, l-istituzzjonijiet tal-UE se jiftħu l-bibien tagħhom għall-pubbliku f'Mejju fi Brussell u Strasburgu. L-uffiċċji lokali tal-UE fl-Ewropa u madwar id-dinja kollha jorganizzaw varjetà ta' attivitajiet u avvenimenti għall-etajiet kollha.
Kull sena eluf ta' nies jieħdu sehem fiż-żjarat, id-dibattiti, il-kunċerti u avvenimenti oħra biex ifakkru l-jum u jsiru jafu aktar dwar l-UE.
Jum l-Ewropa 2017 f'immaġnijiet
Ħarsa lura lejn iċ-ċelebrazzjonijiet ta' Jum l-Ewropa 2017. Ara l-gallariji tar-ritratti tal-istituzzjonijiet parteċipanti tal-UE
Jum l-Ewropa - Ritratti
Powsters ta’ Jum l-Ewropa, 1996–2014
Ta' kull sena, il-powster li jirnexxilu jesprimi bl-aħjar mod l-idea tal-UE jiġi magħżul biex jirrappreżenta Jum l-Ewropa. Qalleb fil-powsters hawn taħt biex tara r-rebbieħa tal-imgħoddi.
