Is-snin Ewropej indirizzaw suġġetti speċifiċi biex iħeġġu d-dibattitu u d-djalogu fi ħdan u bejn il-pajjiżi.

Għaliex is-Snin Ewropej?

L-għan hu li jiżdied l-għarfien dwar ċerti temi, jitħeġġeġ id-dibattitu u jinbidlu l-attitudnijiet. Matul bosta snin Ewropej, aktar fondi huma pprovduti għall-proġetti lokali, nazzjonali u bejn il-fruntieri li jindirizzaw it-tema speċifika tas-sena.

Is-sena Ewropea tista' wkoll tibgħat sinjal politku u ta' impenn b'saħħtu mill-istituzzjonijiet u mill-membri tal-gvernijiet tal-UE li t-tema se tkun ikkunsidrata fit-tfassil tal-politika futura. F'ċerti każijiet, il-Kummissjoni Ewropea tista' tipproponi leġiżlazzjoni ġdida dwar it-tema.

Kif tintgħażel it-tema ta' sena Ewropea?

Din tiġi proponuta mill-Kummissjoni u adottata mill-Parlament Ewropew u mill-gvernijiet membri tal-UE.

Lista ta' snin Ewropej

• 2018 - Is-Sena Ewropea għall-Wirt Kulturali
• 2017 - Ebda sena Ewropea
• 2016 - Ebda sena Ewropea
• 2015 - Is-Sena Ewropea għall-Iżvilupp
• 2013-2014 - Is-sena Ewropea taċ-ċittadini
• 2012 - Is-sena Ewropea għall-anzjanità attiva
• 2011 - Is-sena Ewropea tal-volontarjat
• 2010 - Is-sena Ewropea għall-ġlieda kontra l-faqar u l-esklużjoni soċjali
• 2009 - Is-sena Ewropea tal-kreattività u l-innovazzjoni
• 2008 - Is-sena Ewropea tad-djalogu interkulturali
• 2007 - Is-sena Ewropea ta' opportunitajiet ugwali għal kulħadd
• 2006 - Is-sena Ewropea għall-mobilità tal-ħaddiema
• 2005 - Is-sena Ewropea taċ-ċittadinanza permezz tal-edukazzjoni
• 2004 - Is-sena Ewropea tal-edukazzjoni permezz tal-isport
• 2003 - Is-sena Ewropea tal-persuni b'diżabbiltajiet
• 2001 - Is-sena Ewropea tal-lingwi
• 1999 - Is-sena Ewropea tal-azzjoni biex tiġi miġġielda l-vjolenza kontra n-nisa
• 1998 - Is-sena Ewropea tad-demokrazija lokali u reġjonali
• 1997 - Is-sena Ewropea kontra r-razziżmu u l-ksenofobija
• 1996 - Is-sena Ewropea tat-tagħlim tul il-ħajja
• 1995 - Is-sena Ewropea tas-sikurezza tat-toroq u tas-sewwieqa żgħażagħ
• 1994 - Is-sena Ewropea tan-nutrizzjoni u tas-saħħa
• 1993 - Is-sena Ewropea tal-anzjani u tas-solidarjetà bejn il-ġenerazzjonijiet
• 1992 - Is-sena Ewropea tas-sikurezza, l-iġjene u l-protezzjoni tas-saħħa fil-post tax-xogħol
• 1990 - Is-sena Ewropea tat-turiżmu
• 1989 - Is-sena Ewropea tal-informazzjoni dwar il-kanċer
• 1988 - Is-sena Ewropea taċ-ċinema u tat-televiżjoni
• 1987 - Is-sena Ewropea tal-ambjent
• 1986 - Is-sena Ewropea tas-sikurezza fit-toroq
• 1985 - Is-sena Ewropea tal-mużika
• 1984 - Is-sena Ewropea għal Ewropa tal-poplu
• 1983 - Is-sena Ewropea tal-SMEs u tal-industrija tas-snajja'