Bíonn na blianta Eorpacha dírithe ar ábhair ar leith atá ceaptha chun díospóireacht agus comhphlé a spreagadh i dtíortha na hEorpa agus idir tíortha na hEorpa.

Cad chuige na blianta Eorpacha?

Feasacht a ardú i leith ábhair áirithe, díospóireachtaí a spreagadh agus dearcadh daoine a athrú, sin é is aidhm dóibh. I gcás roinnt mhaith de na blianta Eorpacha cuirtear maoiniú breise ar fáil le haghaidh tionscadail áitiúla, náisiúnta agus trasteorann a bhaineann le téama speisialta na bliana sin.

Is féidir le hinstitiúidí an Aontais agus rialtais na mBallstát leas a bhaint as an mbliain Eorpach freisin le comhartha láidir polaitiúil a thabhairt agus tiomantais a léiriú go gcuirfear an téama sin san áireamh i gcinntí faoi bheartais amach anseo. Uaireanta cinneann an Coimisiún Eorpach reachtaíocht nua a bheartú a bhaineann leis an téama sin.

Conas a roghnaítear téama na bliana Eorpaí?

Is é an Coimisiún a mholann an téama agus is iad Parlaimint na hEorpa agus rialtais Bhallstáit an Aontais a ghlacann é.

Liosta na mBlianta Eorpacha

• 2018 – Bliain Eorpach na hOidhreachta Cultúrtha
• 2017 – Níor reáchtáladh bliain Eorpach
• 2016 – Níor reáchtáladh bliain Eorpach
• 2015 – Bliain Eorpach na Forbartha
• 2013 – 2014 – Bliain Eorpach na Saoránach
• 2012 – An Bhliain Eorpach um Aosú Gníomhach
• 2011 – Bliain Eorpach na hOibre Deonaí
• 2010 – An Bhliain Eorpach chun an Bhochtaineacht agus an tEisiamh Sóisialta a Chomhrac
• 2009 – Bliain Eorpach na Cruthaitheachta agus na Nuálaíochta
• 2008 – Bliain Eorpach an Chomhphlé Idirchultúrtha
• 2007 – An Bhliain Eorpach um Chomhdheiseanna do Chách
• 2006 – An Bhliain Eorpach um Shoghluaisteacht an Lucht Saothair
• 2005 – Bliain Eorpach na Saoránachta trí Oideachas
• 2004 – Bliain Eorpach an Oideachais trí Spórt
• 2003 – Bliain Eorpach na nDaoine faoi Mhíchumas
• 2001 – Bliain Eorpach na dTeangacha
• 1999 – An Bhliain Eorpach Gníomhaíochta chun Foréigean in aghaidh na mBan a Chomhrac
• 1998 – Bliain Eorpach an Daonlathais Áitiúil agus Réigiúnaigh
• 1997 – An Bhliain Eorpach in aghaidh an Chiníochais agus na Seineafóibe
• 1996 – An Bhliain Eorpach um Fhoghlaim ar feadh an tSaoil
• 1995 – An Bhliain Eorpach um Shábháilteacht ar Bhóithre agus um Thiománaithe Óga
• 1994 – An Bhliain Eorpach um Chothú agus Sláinte
• 1993 – Bliain Eorpach na nDaoine Scothaosta agus na Dlúthpháirtíochta idir na Glúine
• 1992 – An Bhliain Eorpach um Shábháilteacht, Sláinteachas agus Cosaint Sláinte ar an Láthair Oibre
• 1990 – Bliain Eorpach na Turasóireachta
• 1989 – Bliain Eorpach na Faisnéise faoi Ailse
• 1988 – An Bhliain Eorpach um an bPictiúrlann agus an Teilifís
• 1987 – Bliain Eorpach an Chomhshaoil
• 1986 – An Bhliain Eorpach um Shábháilteacht ar Bhóithre
• 1985 – Bliain Eorpach an Cheoil
• 1984 – An Bhliain Eorpach ar son Eoraip na nDaoine
• 1983 – Bliain Eorpach na bhFiontar Beag agus Meánmhéide agus an Cheardtionscail