L-UE ma kinitx kbira daqs kemm hi kbira llum. Meta l-pajjiżi Ewropej bdew jikkooperaw b'mod ekonomiku fl-1951, kienu qed jipparteċipaw biss il-Belġju, il-Ġermanja, Franza, l-Italja, il-Lussemburgu u n-Netherlands.

Maż-żmien, aktar u aktar pajjiżi ddeċidew li jissieħbu.Bħalissa fl-Unjoni hemm 27 pajjiż tal-UE. Ir-Renju Unit ħareġ mill-Unjoni Ewropea fil-31 ta’ Jannar 2020.

27 pajjiż membru tal-UE

Skont l-ordni Alfabetika

Pajjiżi
L-Awstrija	Il-Kroazja
Il-Belġju	Il-Latvja
Il-Bulgarija	Il-Litwanja
Iċ-Ċekja	Il-Lussemburgu
Ċipru	Malta
Id-Danimarka	In-Netherlands
L-Estonja	Il-Polonja
Il-Finlandja	Il-Portugall
Franza	Ir-Rumanija
Il-Ġermanja	Is-Slovakkja
Il-Ġreċja	Is-Slovenja
L-Irlanda	Spanja
L-Italja	L-Ungerija
L-Iżvezja

 

 

Skont is-sena tad-dħul

Sena tad-dħul	Pajjiżi
01/01/1958	Il-Belġju
	Franza
	Il-Ġermanja
	L-Italja
	Il-Lussemburgu
	In-Netherlands
01/01/1973	Id-Danimarka
	L-Irlanda
	Ir-Renju Unit (ħareġ fil-31 ta’ Jannar 2020)
01/01/1981	Il-Ġreċja
01/01/1986	Il-Portugall
	Spanja
01/01/1995	L-Awstrija
	Il-Finlandja
	L-Isvezja
01/05/2004	Iċ-Ċekja
	Ċipru
	L-Estonja
	Il-Latvja
	Il-Litwanja
	Malta
	Il-Polonja
	Is-Slovakkja
	Is-Slovenja
	L-Ungerija
01/01/2007	Il-Bulgarija
	Ir-Rumanija
01/07/2013	Il-Kroazja

Il-pajjiżi kollha tal-UE fil-qosor

Pajjiżi li jużaw l-ewro

L-ewro (€) hu l-munita uffiċjali ta' 19 minn 27 pajjiż membru tal-UE. Dawn il-pajjiżi huma magħrufa kollettivament bħala ż-żona tal-ewro.

Liema pajjiżi jużaw l-ewro?

Membri taż-żona mingħajr fruntieri ta’ Schengen

Iż-Żona Schengen hi waħda mill-akbar kisbiet tal-UE. Hi żona mingħajr fruntieri interni, żona li fiha ċ-ċittadini, bosta ċittadini mhux tal-UE, negozjanti u turisti jistgħu jiċċirkulaw b’mod ħieles mingħajr ma jkunu suġġetti għal iċċekkjar mal-fruntieri. Mill-1985 'l hawn, din iż-żona kompliet tikber gradwalment u llum il-ġurnata tkopri kważi l-Istati kollha tal-UE u xi pajjiżi assoċjati li mhux tal-UE.

Huma u jabolixxu l-fruntieri interni tagħhom, l-Istati ta’ Schengen issikkaw ukoll il-kontrolli mal-fruntiera esterna komuni tagħhom abbażi tar-regoli ta’ Schengen biex jiżguraw is-sigurtà ta’ dawk li jgħixu jew jivvjaġġaw fiż-Żona Schengen.

Lista ta’ pajjiżi fiż-Żona Schengen

Aktar dwar iż-żona Schengen

Sħubija mal-UE

Biex issir membru tal-UE trid tgħaddi minn proċedura kumplessa li ma ssirx f’daqqa waħda. Ladarba l-pajjiż applikant jilħaq il-kundizzjonijiet għas-sħubija, għandu jimplimenta r-regoli u r-regolamenti tal-UE fl-oqsma kollha.

Kwalunkwe pajjiż li jissodisfa l-kundizzjonijiet għas-sħubija jista' japplika. Dawn il-kundizzjonijiet huma magħrufa bħala l-"kriterji ta' Kopenħagen" u jinkludu ekonomija ta' suq ħieles, demokrazija stabbli u stat tad-dritt, u l-aċċettazzjoni tal-leġiżlazzjoni kollha tal-UE, inkluż l-ewro.

Pajjiż li jixtieq jissieħeb mal-UE jissottometti applikazzjoni lill-Kunsill, li jistaqsi lill-Kummissjoni biex tevalwa l-kapaċità tal-applikant biex jilħaq il-kriterji ta' Kopenħagen. Jekk il-Kummissjoni toħroġ opinjoni pożittiva, il-Kunsill imbagħad irid jaqbel fuq mandat ta' negozjar. In-negozjati mbagħad jinfetħu formalment fuq bażi ta' suġġett suġġett.

Minħabba l-volum kbir tar-regoli u r-regolamenti tal-UE li kull pajjiż kandidat għandu jadotta bħala liġi nazzjonali, in-negozjati jieħdu ħafna żmien. Il-kandidati huma appoġġati finanzjarjament, amministrattivament u teknikament matul dan il-perjodu ta' qabel l-adeżjoni.

Pajjiżi kandidati

Dawn il-pajjiżi huma fil-proċess ta’ “traspożizzjoni” (jew ta’ integrazzjoni) tal-leġiżlazzjoni tal-UE fil-liġi nazzjonali:

• L-Albanija
• Il-Maċedonja ta’ Fuq
• Il-Montenegro
• Is-Serbja
• It-Turkija

Kandidati potenzjali

Pajjiżi kandidati potenzjali li għadhom ma jissodisfawx ir-rekwiżiti għas-sħubija tal-UE:

• Il-Bożnja-Ħerzegovina
• Il-Kosovo*
  * Din id-deżinjazzjoni hi mingħajr preġudizzju għall-pożizzjonijiet dwar l-istatus, u hi konformi mal-UNSCR 1244/99 u mal-Opinjoni tal-QIĠ dwar id-dikjarazzjoni tal-indipendenza tal-Kosovo.

Aktar dwar it-tkabbir

Pajjiżi Ewropej oħrajn

Mappa