Ní raibh an tAontas Eorpach chomh mór i gcónaí agus atá sé anois. Nuair a cuireadh tús le comhar eacnamaíoch idir tíortha na hEorpa i 1951, ní raibh ach an Bheilg, an Ghearmáin, an Fhrainc, an Iodáil, Lucsamburg agus an Ísiltír páirteach ann.

Le himeacht aimsire, chinn níos mó tíortha ballraíocht a fháil. 27 mBallstát atá san Aontas faoi láthair. Tharraing an Ríocht Aontaithe siar ón Aontas Eorpach an 31 Eanáir 2020.

Is iad seo a leanas na 27 mBallstát de chuid an Aontais

In ord aibítre

Tíortha
An Bheilg	An Liotuáin
An Bhulgáir	Lucsamburg
An Chipir	Málta
An Chróit	An Ostair
An Danmhairg	An Pholainn
An Eastóin	An Phortaingéil
Éire	An Rómáin
An Fhionlainn	An tSeicia
An Fhrainc	An tSlóivéin
An Ghearmáin	An tSlóvaic
An Ghréig	An Spáinn
An Iodáil	An tSualainn
An Ísiltír	An Ungáir
An Laitvia

 

De réir bhliain an aontachais

Bliain an aontachais	Tíortha
01/01/1958	An Bheilg
	An Fhrainc
	An Ghearmáin
	An Iodáil
	An Ísiltír
	Lucsamburg
01/01/1973	An Danmhairg
	Éire
	An Ríocht Aontaithe (d’imigh as an Aontas an 31 Eanáir 2020)
01/01/1981	An Ghréig
01/01/1986	An Phortaingéil
	An Spáinn
01/01/1995	An Fhionlainn
	An Ostair
	An tSualainn
01/05/2004	An Chipir
	An Eastóin
	An Laitvia
	An Liotuáin
	Málta
	An Pholainn
	An tSeicia
	An tSlóivéin
	An tSlóvaic
	An Ungáir
01/01/2007	An Bhulgáir
	An Rómáin
01/07/2013	An Chróit

Tuairisc ghonta ar Bhallstáit uile an Aontais Eorpaigh

Na tíortha ina n-úsáidtear an euro

Is é an euro (€) airgeadra oifigiúil 19 as 27 mBallstát de chuid an Aontais. Glaoitear an Limistéar Euro ar an ngrúpa tíortha sin.

Cad iad na tíortha ina n-úsáidtear an euro?

Schengen: limistéar gan teorainneacha

Tá Limistéar Schengen ar cheann de na héachtaí is mó atá bainte amach ag an Aontas Eorpach. Is limistéar é gan teorainneacha inmheánacha, limistéar inar féidir le saoránaigh, go leor daoine nach náisiúnaigh de chuid an Aontais Eorpaigh iad, lucht gnó agus turasóirí, gluaiseacht gan srian agus gan a bheith faoi réir seiceálacha teorann. Ó 1985 i leith, tháinig méadú ar an limistéar de réir a chéile agus cuimsíonn sé anois nach mór gach Ballstát agus roinnt tíortha comhlachaithe nach Ballstáit iad.

Cé gur cuireadh deireadh leis na teorainneacha inmheánacha i Limistéar Schengen, déantar rialú níos géire anois ag an teorainn choiteann sheachtrach ar bhonn rialacha Schengen chun slándáil na ndaoine atá ina gcónaí sa limistéar sin agus iad siúd a bhíonn ag taisteal ann a áirithiú.

Liosta na dtíortha i limistéar Schengen

Tuilleadh eolais faoi limistéar Schengen

Ballraíocht san Aontas Eorpach

Is próiseas casta nach féidir a chur i gcrích thar oíche é ballraíocht a bhaint amach san Aontas Eorpach. Nuair a chomhlíonann tír is iarrthóir na coinníollacha ballraíochta, is gá di rialacha agus rialacháin an Aontais a chur chun feidhme i ngach réimse.

Féadfaidh aon tír a shásaíonn na coinníollacha ballraíochta iarratas a dhéanamh. Ar na coinníollacha sin a dtugtar ‘critéir Chóbanhávan’ orthu, áirítear geilleagar saoriomaíochta, daonlathas cobhsaí agus riail an dlí mar aon le glacadh le gach cuid de reachtaíocht an Aontais, an euro san áireamh.

Cuireann tír a dteastaíonn uaithi teacht isteach san Aontas iarratas ballraíochta faoi bhráid na Comhairle; iarrann an Chomhairle ar an gCoimisiún measúnú a dhéanamh ar chumas na tíre is iarrthóir critéir Chóbanhávan a chomhlíonadh. Más dearfach í tuairim an Choimisiúin, ní mór don Chomhairle sainordú caibidlíochta a aontú ansin. Cuirtear tús foirmiúil ansin le caibidlíochtaí ar bhonn ábhar i ndiaidh ábhair.

Is gá do gach tír is iarrthóir líon mór rialacha agus rialacháin de chuid an Aontais a ghlacadh mar dhlí náisiúnta agus, i ngeall air sin, tógann sé roinnt mhaith ama na caibidlíochtaí a chur i gcrích. Tugtar tacaíocht airgeadais, riaracháin agus theicniúil do na tíortha is iarrthóirí le linn na tréimhse réamh-aontachais seo.

Tíortha is iarrthóirí

Tá reachtaíocht an Aontais Eorpaigh á ‘trasuí’ (nó á comhtháthú) ina ndlí náisiúnta ag na tíortha seo a leanas:

• An Albáin
• an Mhacadóin Thuaidh
• Montainéagró
• An tSeirbia
• An Tuirc

Tíortha is iarrthóirí ionchasacha

Ní chomhlíonann na tíortha is iarrthóirí ionchasacha na ceanglais le haghaidh ballraíocht san Aontas Eorpach fós.

• An Bhoisnia agus an Heirseagaivéin
• An Chosaiv*
  * Tá an t-ainmniú seo gan dochar do sheasaimh maidir le stádas, agus tá sé i gcomhréir le UNSCR 1244/99 agus Tuairim CBI ar dhearbhú neamhspleáchais na Cosaive.

Tuilleadh i dtaobh mhéadú an Aontais Eorpaigh

Tíortha Eorpacha eile

Léarscáil