A ndéanann sé

• An Córas Eorpach um Fhaireachas (TESSy) a úsáid le sonraí as Ballstáit an Aontais Eorpaigh a anailísiú agus a léamh maidir le 52 ghalar ionfhabhtaíocha.
• Comhairle eolaíoch a chur ar fáil do rialtais agus d'institiúidí an Aontais Eorpaigh.
• A chinntiú go mbraitear bagairtí go luath agus anailís a dhéanamh ar na bagairtí atá ag teacht chun cinn san Aontas.
• An Clár Eorpach um Oiliúint san Eipidéimeolaíocht Idirghabhála (EPIET) agus an Clár Eorpach um Oiliúint sa Mhicribhitheolaíocht don tSláinte Phoiblí (EUPHEM) a chomhordú.
• Cabhrú le rialtais na mBallstát ullmhú do ráigeanna galar.
• ESCAIDE, an Chomhdháil Eolaíoch Eorpach maidir leis an Eipidéimeolaíocht Fheidhmeach i nGalair Ionfhabhtaíocha, comhdháil bhliantúil trí lá, a eagrú.

Struchtúr

Is é atá in ECDC:

• an Bord Bainistíochta
• an Fóram Comhairleach
• an Stiúrthóir agus an fhoireann.

Tá 5 aonad i struchtúr na heagraíochta:

• Oifig an Phríomheolaí
• Tacaíocht Faireachais agus Freagartha
• Acmhainní agus Cumarsáid sa tSláinte Phoiblí
• Bainistiú agus Comhordú Acmhainní
• Teicneolaíochtaí Faisnéise agus Cumarsáide

An chaoi a bhfeidhmíonn sé

Cuireann ECDC sonraí i dtaobh faireachais agus comhairle eolaíoch ar fáil maidir leis na 52 ghalar ionfhabhtaíocha is gá fógra a thabhairt ina leith, ráigeanna de na galair sin agus bagairtí uathu don tsláinte phoiblí san áireamh. Tá saineolas ag foireann ECDC féin, ach faightear eolas agus saineolas freisin ó líonraí Eorpacha galar agus ó chomhlachtaí náisiúnta sláinte poiblí.

Tá 3 chóras thábhachtacha ag ECDC. Baineann gach córas ar leith le réimse éagsúil den rialú galar:

• EWRS (rabhaidh i dtaobh galair a bhraitear)
• EPIS (faisnéis eipidéimeach)
• TESSy (faireachas galar).

Oibríonn an Lárionad go dlúth le gníomhaireachtaí eile Eorpacha agus le heagraíochtaí nach bhfuil san Aontas, m.sh.:

• an Ghníomhaireacht Leigheasra Eorpach (EMA)
• an tÚdarás Eorpach um Shábháilteacht Bia
• an Eagraíocht Dhomhanda Sláinte (oifig na hEorpa)
• comhpháirtithe idirnáisiúnta eile.

Iad sin a bhaineann leas as

• lucht sláinte poiblí san Eoraip, go háirithe
  • comhlachtaí sláinte poiblí náisiúnta agus fo-náisiúnta san Aontas/LEE
  • institiúidí an Aontais Eorpaigh
  • daoine eile a cheapann beartais san Eoraip
• gairmithe sláinte poiblí, taighdeoirí, eagraíochtaí idirnáisiúnta agus údaráis náisiúnta lasmuigh den Eoraip.