Dwar
Int għandek bejn 18 u 30 sena u qed tfittex opportunità biex tgħin lill-komunità usa', fl-Ewropa jew lil hinn minnha?
Tista’ tagħmel dan bil-finanzjament u bl-appoġġ mill-Korp Ewropew ta’ Solidarjetà li jgħin liż-żgħażagħ jieħdu sehem fi proġetti li huma ta’ benefiċċju għall-komunitajiet, jew f'pajjiż barrani jew f’pajjiżhom stess.
Dawn il-proġetti joffru esperjenza ta’ ispirazzjoni u ta’ kontroll kif ukoll jagħtuk iċ-ċans li ġġib bidla filwaqt li tiżviluppa l-ħiliet u l-kompetenzi tiegħek.
Allura x’tista’ tagħmel?
B’mod ġenerali tista’ tinvolvi ruħek f'wieħed minn dawn l-oqsma:
- volontarjat
- Proġetti lokali ta’ Solidarjetà
- Volontarjat fil-qasam tal-għajnuna umanitarja (Korp Volontarju Ewropew ta’ Għajnuna Umanitarja)*
Dawn jistgħu jkunu f’firxa wiesgħa ta’ oqsma - edukazzjoni u taħriġ, ċittadinanza u parteċipazzjoni demokratika, protezzjoni ambjentali u naturali, migrazzjoni, kultura, għajnuna umanitarja u ħafna oħrajn.
Kif jaħdem?
Il-finanzjament tal-Korp Ewropew ta’ Solidarjetà jingħata fil-forma ta’ għotjiet lill-organizzazzjonijiet permezz ta' sejħa għal-proposti.
Żgħażagħ li jixtiequ li jinvolvu ruħhom f’dawn l-attivitajiet għandhom bżonn jirreġistraw fil-portal tal-Korp Ewropew ta’ Solidarjetà. Il-portal tal-Korp Ewropew ta’ Solidarjetà joffri post lil dawk iż-żgħażagħ u organizzazzjonijiet li jkollhom għotja biex jimplimentaw l-attivitajiet u jsibu lil xulxin.
Min imexxi l-Korp?
Il-Korp Ewropew ta’ Solidarjetà jitmexxa mill-Kummissjoni Ewropea.
Jiġi implimentat fil-post minn varjetà ta’ korpi: