European Youth Portal

Information and opportunities for young people across Europe.

AUS alþjóðleg ungmennakipti
Alþjóðleg ungmennaskipti

Alþjóðleg ungmennaskipti (AUS)

Gerðu eitthvað magnað! Að fara í sjálfboðastarf er svo miklu meira en að gefa vinnu sína, það er líka tækifæri til að skemmta sér, læra, ferðast, kynnast nýrri menningu og lifa í núinu.

Alþjóðleg ungmennaskipti (AUS) eru frjáls félagasamtök rekin án hagnaðarsjónarmiða af heimkomnum sjálfboðaliðum. Samtökin bjóða upp á fjölbreytt sjálfboðastörf í sex heimsálfum. AUS hefur yfir 50 ára reynslu í að senda áhugasama Íslendinga í sjálfboðastörf á erlendum vettvangi.
 

Fyrir hverja er AUS ? 

Allir á aldrinum 18-30 ára  hafa tækifæri til að fara í sjálfboðastarf á vegum AUS. Engar kröfur eru gerðar um menntun eða reynslu, aðeins að þú hafir ævintýraþrá og vilja til að leggja þitt af mörkum til samfélagsins og kynnast nýjum siðum og venjum. Allir ættu að geta fundið spennandi verkefni við sitt hæfi. Ekki bara láta þig dreyma - Gerðu eitthvað magnað!
 

Sjálfboðastarf utan Evrópu.

AUS er meðlimur í alþjóðlegu samtökunum ICYE (International Cultural Youth Exchange). Í gegnum þau getur AUS boðið upp á sjálfboðastörf í 3-16 vikur með ICYE STEPS og ICYE Long Term í 6 eða 12 mánuði. Sjá á heimasíðu AUS og heimasíðu ICYE
 

Sjálfboðastarf innan Evrópu.

AUS tekur þátt í sjálfboðahluta ungmennaáætlunar ESB sem gengur undir nafninu EVS (European Voluntary Service) en hlutverk AUS er sem sendi og móttökusamtök fyrir ungmenni sem sækja um verkefni í gegnum þessa áætlun. Hægt er að skoða EVS verkefni á vef ungmennaátlunar ESB,  en AUS hefur verið að senda flesta sjálfboðaliða frá Íslandi í EVS verkefni.
 

Hvernig hef ég samband við Alþjóðleg ungmennaskipti (AUS) ? 

Pósthússtræti 3-5
3. hæð í Hinu Húsinu
101 Reykjavík
Sími: 516-7008
Netfang: aus@aus.is