Evrópska ungmennagáttin
Upplýsingar og tækifæri fyrir ungt fólk vítt og breitt í Evrópu.

Námsstyrkir frá stéttarfélögum

Námsstyrkir frá stéttarfélögum
Stéttarfélög veita félagsmönnum sínum oft styrki til endurmenntunnar, aukinna bifvélaréttinda eða tómstundanáms.

Hvað eru námsstyrkir frá stéttarfélögum?

Stéttarfélög veita félagsmönnum sínum gjarnan styrki til náms. Oftast eru þetta styrkir til endurmenntunnar, aukinna bifvélaréttinda eða tómstundanáms. Reglur og úthlutanir eru þó mismunandi eftir stéttarfélögum og er því best að hafa samband við sitt stéttarfélag til að fá frekari upplýsingar.

 

Hverjir eiga rétt á námsstyrk frá stéttarfélagi?

Þumalputtareglan er sú að fólk sem hefur unnið 6 mánuði af síðustu 12 mánuðum í 100% starfi eigi rétt á námsstyrk. Upphæð styrksins er í ákveðnum tilfellum háð því hversu lengi viðkomandi hefur greitt félagsgjöld í stéttarfélagið.

 

Hvaða nám styrkja stéttarfélögin?

Eins og fyrr sagði eru úthlutunarreglur ólíkar eftir stéttarfélögum. Því er best að hafa samband við sitt stéttarfélag og sjá hvort það bjóði upp á styrki til þess náms sem fólk hefur hug á að fara í.

 

Hvernig er sótt um námsstyrk hjá stéttarfélagi?

Hvert stéttarfélag á aðild að ákveðnum menntasjóð, en menntasjóðirnir eru nokkrir. Þeir helstu eru: Landsmennt, Ríkismennt, Sjómennt, Sveitamennt, Starfsafl og Starfsmenntasjóður verslunar- og skrifstofufólks. Því þarft þú að finna út hvaða sjóð þitt séttarfélag á aðild að, því næst er sótt er um styrki á heimasíðum viðkomandi menntasjóðs.

Þessi grein er unnin í samstarfi við Áttavitann

Útgefið efni: Þri, 14/05/2013 - 18:10


Tweet Button: 


Info for young people in the western balkans

Vantar þig ráðgjöf sérfræðings?

Ask us!