Evrópska ungmennagáttin

Upplýsingar og tækifæri fyrir ungt fólk vítt og breitt í Evrópu.

A picture
© iStockphoto.com - skynesher

Starfsþjálfunartækifæri

Starfsþjálfun er líklega besta leiðin fyrir þig til þess að kynnast vinnuumhverfinu og öðlast jafnframt hagnýta reynslu og færni sem þér mun gagnast vegna eigin starfsferils.

Með starfsþjálfun er átt við tímabundið lærlingstímabil, allt frá 3 mánuðum til eins árs, oftast nær eftir útskrift en áður en þú ræður þig í þína fyrstu vinnu. Í sumum tilfellum er þér þó gert skylt að ljúka við starfsþjálfun áður en þú getur útskrifast.

Tíminn sem fer í þetta gagnast þér til þess að beita þeirri þekkingu sem þú öðlaðist í náminu í umhverfi raunverulegs vinnustaðar. Hver svo sem starfsþjálfunin er, þá ætti hún að bjóða þér upp á kynni af starfi, iðn eða starfsgrein með augljósum áherslum og skýrt afmörkuðu verkefni sem þér ber að ljúka við. Verkefnin og væntanlegan árangur af námsferlinum ber að setja niður á blað í skriflegum starfsþjálfunarsamningi.

 

En því miður, þá er því ekki að heilsa að allar starfsþjálfanir fylgi þessum viðmiðunarreglum – og því er það að Evrópski ungmennavettvangurinn hefur látið gera uppkast að sáttmála sem lýtur að góðri starfsþjálfun og námi á námssamningi. Skjali þessu er ætlað að koma á fót gæðakröfum að lögum um allt það sem lýtur að starfsþjálfun og hvetur skipuleggjendur til þess að skuldbinda sig við gæðastaðla.

Fjölmörg starfsþjálfunartækifæri eru í boði, bæði á heimaslóðum og erlendis, hjá alþjóðastofnunum, opinberum stofnunum eða einkafyrirtækjum, jafnt innan Evrópu sem utan. Eurodesk útvegar uppfærðan lista yfir slík starfsþjálfunartækifæri.