We noticed that you are using an older version of Microsoft Internet Explorer. This website is optimised for Internet Explorer version 9 and later, so please consider upgrading your browser so that you can enjoy all of this website's features. Visit the Microsoft website http://www.microsoft.com to download a newer version of Internet Explorer.

Evrópska ungmennagáttin

Upplýsingar og tækifæri fyrir ungt fólk vítt og breitt í Evrópu.


flag

Réttur þinn

Neytendaréttindi
Neytendaréttindi

Neytendaréttindi

Öllum er mikilvægt að þekkja réttindi sín þegar kemur að kaupum, sölu og leigu á vörum og þjónustu.

Hvað eru neytendaréttindi?

Öllum er mikilvægt að þekkja réttindi sín þegar kemur að kaupum, sölu og leigu á vörum og þjónustu. Það segir sig sjálft að auðveldast er að svindla á þeim sem eru illa að sér í lögum og réttindum - og hætt er við að ungmenni og ungt fólk sé í þessum hópi. Því er um að gera að kynna sér þessi mál vel.
 

Hverjir fara með réttindi neytenda?

Þónokkur embætti og stofnanir verja hagsmuni og réttindi neytenda. Fyrst mætti nefna Neytendastofu. Neytendastofa gætir öryggis og réttar neytenda í viðskiptum, fylgist með lagalegum framkvæmdum, miðlar upplýsingum og heldur uppi virku eftirliti. Neytendastofa tekur einnig á móti fyrirspurnum og nafnlausum ábendingum frá almenningi. Neytendasamtökin standa líka vörð um réttindi neytenda, en þau eru frjáls félagasamtök. Að lokum má nefna Samkeppniseftirlitið en það gætir þess að samkeppni á markaðnum sé sanngjörn og virk.
 

Hvar er hægt að finna upplýsingar um réttindi neytenda?

Þónokkrar síður halda úti upplýsingum um réttindi neytenda. Mætti þar nefna:
  • Netsíðan Neytandi.is hefur að geyma greinargóðar upplýsingar um réttindi neytenda í 15 málaflokkum. Þar má finna svör við algengum spurningum og góða fræðslu um neytendaréttindi. Sem dæmi um efnisflokka mætti nefna matvæli, tryggingar, orkumál, gjafabréf og inneignarnótur.
  • Á heimasíðu Neytendasamtakanna má finna töluvert af upplýsingum, m.a. varðandi kaup á utanlandsferðum, réttindi leigjenda og innihaldslýsingar á matvælum. Hægt er að skrá sig í samtökin og öðlast þannig ákveðin hlunnindi. Frekari upplýsingar um þjónustu sem félagsmenn fá má nálgast á heimasíðu samtakanna.
  • Á síðunni Ísland.is er einnig kafli um neytendamál http://www.island.is/neytendamal. Þar má finna ýmsar upplýsingar í fjórum málaflokkum: kaup og samningar, vöruöryggi, ráðgjöf, kvörtun og réttaraðstoð, og verðlag og verðmerkingar.
 

Hvert er hægt að senda fyrirspurnir og ábendingar er varða neytendamál?

  • Ef fólk telur að brotið hafi verið á rétti sínum en finnur ekki upplýsingar um það á netsíðunum hér að ofan er hægt að senda fyrirspurn til Talsmanns neytenda.
  • Ef fólk verður vart við eitthvað sem gæti brotið á rétti neytenda er einnig hægt að senda nafnlausar ábendingar til Neytendastofu. 
 
 
Þessi grein er unnin í samstarfi við Áttavitann