X'jiġri jekk ikolli aċċident meta nkun barra pajjiżi? L-assigurazzjoni fuq is-saħħa tiegħi hi valida?
Bħala ħaddiem taċ-Ċivil, meta tkun issekondat barra pajjiżek minn min iħaddmek, jeħtieġlek tapplika għal formola S1 (dik li qabel kinet l-E 106) mill-assigurazzjoni fuq is-saħħa tiegħek sabiex int u familtek jingħatalkom aċċess għal kura fuq is-saħħa matul iż-żmien li tkunu qed toqogħdu fih. Hekk kif issibu post fejn toqogħdu, issottomettu l-formola S1 (dik li qabel kinet l-E 106) lill-awtorità tal-assigurazzjoni fuq is-saħħa tal-għażla tiegħek (jekk teżisti l-għażla) fil-pajjiż il-ġdid tiegħek.
Twissija
Fittex dwar is-sistema tal-kura tas-saħħa fil-pajjiż fejn qed taħdem bħalissa: din tista' tkun ferm different mill-istrutturi li int familjari magħhom f'pajjiżek.
X'jiġri jekk ikolli aċċident fuq il-post tax-xogħol meta nkun naħdem barra pajjiżi? Għal liema benefiċċji għandi d-dritt?
Biex tirċievi trattament mediku lokalment (fil-pajjiż fejn tinsab issekondat), jeħtieġlek titlob lill-assigurazzjoni tiegħek (fil-pajjiż fejn normalment taħdem) id-dokument DA1 fejn tagħti d-dettalji tal-aċċident jew il-mard. Imbagħad jeħtieġlek tippreżenta d-dokument DA1 lill-awtorità tal-assigurazzjoni fil-pajjiż li fih int issekondat.
L-għoti ta' dħul ta' flus li jagħmel tajjeb għal kwalinkwe żmien li fih ma taħdimx jitħallas mill-awtorità tal-assigurazzjoni tiegħek (fil-pajjiż li normalment taħdem fih).
Jien ħaddiem maċ-Ċivil u nixtieq napplika għal xogħol bħala uffiċjal taċ-Ċivil f'pajjiż ieħor tal-UE. L-esperjenza professjonali tiegħi se tkun rikonoxxuta?
IVA — Il-pajjiż ġdid li se jimpjegak ma jistax jagħtik anqas meritu għall-esperjenza professjonali tiegħek sempliċement minħabba li tkun akkwistajtha f'pajjiż ieħor tal-UE. Esperjenza li tista' titqabbel għandha tingħata l-istess mertu meta jiġi deċiż is-salarju, il-gradi u kundizzjonijiet oħrajn tax-xogħol. L-istess japplika għall-aċċess għal impjiegi fis-servizz pubbliku
Teoretikament, għalkemm jien minn Ċipru nista' nitħalla napplika għal pożizzjoni speċifika fis-settur pubbliku Grieg. Madankollu, l-awtoritajiet Griegi qed jgħiduli li jeħtieġli nkun residenti fil-Greċja għal tal-anqas 3 snin biex inkun nista' nikkwalifika. Dan legali?
LE — Kull regola li teħtieġlek tgħix fil-pajjiż il-ġdid tiegħek qabel ma titħalla taħdem f'servizz pubbliku partikulari tkun illegali, sakemm ma tkunx iġġustifikata bi ħtiġijiet speċifiċi li jirrigwardaw il-kariga involuta.