Is-sekondar tal-ħaddiema barra pajjiżhom

Aġġornat : 12/2012

Is-Sigurtà Soċjali

Bħala ċittadin tal-UE, tista' tgħix u taħdem temporanjament f'pajjiż ieħor tal-UE u tibqa' kopert bis-sistema tas-sigurtà soċjali ta' pajjiżek (is-sistema tal-pajjiż fejn normalment taħdem).

Meta tintbagħat taħdem f'pajjiż ieħor tal-UE – kemm jekk int impjegat jew taħdem għal rasek – dan ma għandu jħalli ebda impatt fuq id-drittijiet tas-sigurtà soċjali tiegħek jew ta' familtek (il-kopertura tas-saħħa, il-benefiċċji tal-familja, id-diżabbiltà jew id-dritt għal pensjoni tax-xjuħija, eċċ.).

Qabel ma titlaq

Se tmur tgħix barra pajjiżek int u taħdem fil-pajjiż barrani?

Staqsi lill-awtorità tal-kura tas-saħħa f'pajjiżek biex tingħata formola S1 (dik li qabel kienet l-E 106). Din tagħti d-dritt lilek u lil familtek għal kura tas-saħħa waqt li tkunu qed tgħixu fih.
Agħti l-S1 lill-awtorità tal-kura tas-saħħa tal-pajjiż ospitanti meta tasal.

Qiegħed fuq żjajjar qosra?

Kull ma għandek bżonn hu tal-karta Ewropea tal-assigurazzjoni fuq is-saħħa. Tista' takkwista waħda mingħand il-provveditur tal-kura tas-saħħa ta' pajjiżek jew mingħand l-awtorità tas-sigurtà soċjali.

Id-differenzi fis-sistemi tas-sigurtà soċjali

Biex tevita l-problemi u nuqqasijiet ta' ftehim li jistgħu jħallu konsegwenzi serji, qabel ma titlaq, informa ruħek dwar is-sistema tas-sigurtà soċjali tal-pajjiż li sejjer fih:

Is-sistemi nazzjonali tal-benefiċċji skont il-pajjiż

Storja bħala eżempju

Il-pajjiż li taħdem fih jista' jiċċekkja jekk il-lif mediku hux ġustifikat.

Sergio mill-Italja ntbagħat jaħdem il-Lussemburgu bħala ħaddiem fil-kostruzzjonji. It-tabib tiegħu fil-Lussemburgu tah ċertifikat tal-mard għal xahar minħabba ferita f'sebgħu. Iżda l-assigurazzjoni Taljana tikkunsidra li ferita ta' din ix-xorta ma tiġġustifikax li għandu jingħata ċertifikat tal-mard għal xahar u ma aċċettatx li tħallas il-benefiċċji.

Biex is-sitwazzjoni tkun ikkjarifikata, l-assigurazzjoni Taljana tista' tqabbad tabib magħżul minnha biex jeżamina lil Sergio u biex jivverifika jekk il-lif tal-mard hux iġġustifikat. It-tabib imbagħad jibgħat rapport lill-assigurazzjoni ta' Sergio, li tintrabat b'dak li jsibu ż-żewġ tobba.

Tlift xogħlok meta mibgħut taħdem f'pajjiż barrani?

Il-benefiċċji tal-qgħad għandhom jitħallsu minn pajjiżek (minn dak li minnu tkun intbagħat taħdem f'pajjiż barrani – li hu responsabbli mill-kopertura tas-sigurtà soċjali tiegħek).