Is-sekondar tal-ħaddiema barra pajjiżhom

Aġġornat : 12/2012

Kondizzjonijiet u formalitajiet – dawk li jaħdmu għal rashom

Bħala ħaddiem jaħdem għal rasu stabbilit skont il-liġi f'kull pajjiż tal-UE, għandek id-dritt li taħdem f'kull pajjiż tal-UE x'ħin trid. Ma jkunx jeħtieġlek permess tax-xogħol.

Għal sentejn, tista' taħdem f'pajjiż ieħor tal-UE u tibqa' kopert mis-sistema tas-sigurtà soċjali ta' "pajjiżek" – ċertament dan hu l-eħfef mod biex timminimizza l-mili ta' karti.

Jekk tiddeċiedi li taqleb għas-sistema tas-sigurtà soċjali tal-pajjiż fejn tintbagħat taħdem, ikollok tħallas il-kontribuzzjonijiet fih.

Biex tibqa' fis-sistema tas-sigurtà soċjali ta' pajjiżek

Jekk tixtieq tagħmel dan, jeħtieġlek tapplika għal formola A1 (dik li qabel kienet il-formola E 101). Din il-formola turi li int u d-dipendenti tiegħek għadhom koperti mis-sistema ta' pajjiżek int u taħdem f'pajjiż barrani – sa sentejn.

Biex tkun taf liema entità tista' toħroġ dan id-dokument, ikkuntattja l-uffiċċju ta' koordinament għall-ħaddiema mibgħutin jaħdmu barra l-pajjiż f'pajjiżek.

Biex tingħata l-formola, trid tipprova li l-attivitajiet li biħsiebek twettaq fil-pajjiż barrani huma "simili" għal dawk li twettaq f'pajjiżek. Kif? Ara l-gwida tal-UE dwar ir-regoli tas-sekondar barra l-pajjiż [690 KB] English.

Tista' tibqa' kopert bis-sistema ta' pajjiżek għal sentejn. Imbagħad, tkun tista' taħdem barra pajjiżek, iżda jkollox taqleb għas-sistema tas-sigurtà soċjali lokali u tħallas il-kontribuzzjoni hemmhekk.

Jekk ma tixtieqx li tibdel is-sistemi, ikun jeħtieġlek tieqaf taħdem għal tal-anqas xahrejn.

Ħlief — jekk ma stajtx tispiċċa x-xogħol minħabba ċirkostanzi li ma kellekx kontroll fuqhom (mard, il-qagħda tat-temp, dewmien fit-twassil ta' materjal, eċċ), int tista' titlob estensjoni tal-perjodu inizjali li fih kont se taħdem fil-pajjiż barrani sakemm ix-xogħol jitlesta, mingħajr ma jkollok tosserva l-waqfa ta' xahrejn.

Madankollu, it-tul ta' żmien li fih tkun tista' taħdem fil-pajjiż ospitanti iżda tibqa' fis-sistema tas-sigurtà soċjali ta' pajjiżek xorta waħda hu limitat għal sentejn.

Biex tingħata estensjoni, jeħtieġlek titlobha mingħand l-awtorità li ħarġitlek il-formola A1 qabel it-tmiem tal-perjodu inizjali li fih ħdimt barra pajjiżek.

Meta toqgħod għal aktar minn sentejn

Meta jidher ċar mill-bidu nett li s-sekondar se jdum aktar minn sentejn, tista' titlob eżenzjoni, li tippermettilek li tibqa' kopert mis-sistema tas-sigurtà soċjali ta' pajjiżek matul il-perjodu li tkun qed taħdem f'pajjiż barrani.

Eżenzjonijiet ta' din ix-xorta, li jvarjaw minn każ għal każ, jeħtiġilhom il-kunsens tal-awtoritajiet rilevanti f'kull pajjiż ikkonċernat u huma validi biss għal perjodu definit.

Dikjarazzjoni minn qabel

Għandu mnejn ikollok timla wkoll dikjarazzjoni minn qabel fejn tiddikjara li biħsiebek taħdem fil-pajjiż ospitanti.

Għal dettalji, ikkuntattja l-uffiċċju għall-koordinament tal-ħaddiema mibgħutin jaħdmu barra pajjiżhom jew il-punt ta' kuntatt uniku fil-pajjiż li sejjer fih.

Kwalifiki professjonali

Biex taħdem temporanjament f'pajjiż ieħor tal-UE, jeħtieġlek tapplika biex il-kwalifiki tiegħek jingħatalhom għarfien.

Jista' jkun jeħtieġlek, madankollu, li tagħmel dikjarazzjoni bil-miktub (fuq karta jew b'mod elettroniku) fil-pajjiż li sejjer fih jekk:

• din hi l-ewwel darba li tkun qed tipprattika l-professjoni tiegħek fih u/jew
• xogħlok jista' jkollu impatt serju fuq is-saħħa jew is-sikurezza tal-klijenti.

Biex tkun taf jekk dan hux meħtieġ, iċċekkja mal-awtoritajiet nazzjonali fil-pajjiż ospitanti.

Madankollu, fil-biċċa l-kbira tal-każijiet tista' tibda' taħdem immedjatament fil-pajjiż barrani (ma għandex għalfejn tistenna l-approvazzjoni).

Għal aktar għajnuna jew informazzjoni dwar il-formalitajiet meħtieġa biex tipprattika l-professjoni tiegħek, ikkuntattja l-punt ta' kuntatt għall-kwalifiki professjonali English tal-pajjiż ospitanti.

Dikjarazzjonijiet

Jekk tkun meħtieġa dikjarazzjoni, għandek tippreżentaha:

• direttament lill-awtorità tal-pajjiż ospitanti responsabbli għal professjoni tiegħek (biex tkun taf liema hi l-awtorità, staqsi lill-punt ta' kuntatt nazzjonali tiegħu English hemmhekk).
• kull waqt qabel ma tibda taħdem fil-pajjiż ospitanti (anki jekk m'intix ċert jekk fil-fatt intix sejjer taħdem hemm).
• darba f'sena biss (mhux kull meta tkun tixtieq tipprovdi servizz partikulari).

Din għandha jkollha dawn li ġejjin:

• l-isem, il-kunjom u d-dettalji ta' kuntatt
• in-nazzjonalità
• il-professjoni fil-pajjiż fejn normalment taħdem u l-professjoni li tixtieq tipprattika fil-pajjiż barrani li sejjer fih
• l-informazzjoni dwar l-assigurazzjoni għar-responsabbiltà professjonali tiegħek: min qed jinxurjak, in-numru ta' kuntatt (staqsi lil min iħaddmek)
• ir-referenza għal kull dikjarazzjoni ppreżentata qabel fl-istess pajjiż.

U d-dokumenti li juru dan li ġejjin:

• l-evidenza tan-nazzjonalità tiegħek
• l-evidenza li int stabbilit skont il-liġi f'pajjiż tal-UE:
• l-evidenza ta' kwalifiki professjonali
• l-evidenza li ilek tipprattika l-professjoni msemmija għal tal-anqas 2 mill-aħħar 10 snin (meta la l-professjoni u lanqas it-taħriġ għaliha ma kienu regolati fil-pajjiż fejn tinsab legalment stabbilit)
• l-evidenza li qatt ma kont misjub ħati ta' offiża kriminali serja (jekk taħdem fil-qasam tas-sigurtà).

Professjonijiet b'impatt fuq is-saħħa jew is-sikurezza tal-klijenti.

Jekk il-professjoni li tkun tixtieq tipprattika tinvolvi theddida għas-saħħa jew is-sikurezza tal-pubbliku, il-pajjiż ospitanti jista' jiċċekkja l-kwalifiki tiegħek minn qabel.

Il-professjoni tiegħek jeħtiġilha dan l-iċċekkjar minn qabel? Staqsi l-punt ta' kuntatt għall-kwalifiki professjonali English tal-pajjiż ospitanti.

Jekk dan ikun meħtieġ, jaf joħodlok minn 1 sa 4 xhur aktar (wara li l-awtorità tirċievi d-dikjarazzjoni tiegħek) biex tingħata l-awtorizzazzjoni meħtieġa.

Biex tħaffef l-awtorizzazzjoni, kun żgur li d-dikjarazzjoni tiegħek fiha l-informazzjoni u d-dokumenti meħtieġa kollha. Dokumenti neqsin jew żbalji jistgħu jikkawżaw dewmien mhux meħtieġ.

L-awtorità tal-pajjiż ospitanti tista' timponi wkoll kondizzjonijiet addizzjonali pereżempju jistaqsuk biex tagħmel eżami jew biex tibda billi jkollok perjodu ta' xogħol taħt superviżjoni.

Normalment, mistenni li tikkonforma ma dawn il-kondizzjonijiet xahar wara li tkun ġejt informat. Jekk dan mhux possibbli (pereżempju jkollok tgħaddi minn eżami, iżda ebda eżamijiet ma jkunu organizzati f'dak il-perjodu), tista' tistaqsi lis-servizzi ta' għajnuna tagħna.

Traduzzjonijiet iċċertifikati

Jekk il-kwalifiki huma ċċekkjati – minħabba impatt potenzjali fuq is-saħħa jew is-sikurezza tal-klijenti – tista' tintalab biex tipprovdi traduzzjoni ċċertifikata tad-dokumenti tiegħek.

Madankollu, ir-regoli tal-UE jiddikjaraw li:

• dan ir-rekwiżit japplika biss għal dokumenti ewlenin, pereżempju l-kwalifiki nfishom.
• L-awtoritajiet huma obbligati li jaċċettaw traduzzjonijiet iċċertifikati minn pajjiżi oħrajn tal-UE.

Barra minn hekk, il-professjonisti li ġejjin ma għandhomx għalfejn jipprovdu traduzzjoni ċċertifikata tal-kwalifiki tagħhom:

• it-tobba
• l-infirmiera ġenerali
• il-majjistri
• il-kirurgi veterinarji
• il-kirurgi dentisti
• l-ispiżjara
• il-periti.

Għad għandek bżonn l-għajnuna?

Footnote