Mogħdija tan-navigazzjoni

FAQ - Problemi

  • Fil-pajjiż li bħalissa naħdem fih, ma għandix dritt għal benefiċċji tal-mard sakemm ma jkunx ili inxurjat fih għal 6 xhur. Dan il-perjodu ta' stennija japplika xorta waħda jekk immedjatament qabel inkun ħdimt f'pajjiż ieħor tal-UE?

    LE — Ir-regoli tal-UE jiżguraw li jkollok dritt għall-benefiċċji tal-mard mill-bidu tal-perjodu ta' assigurazzjoni fil-pajjiż ġdid tiegħek li qed taħdem fih jekk qabel kont kopert għal 6 xhur jew iktar f'pajjiż ieħor tal-UE.

    Aktar tagħrif dwar:

  • Jien naqsam il-fruntiera biex naħdem. Jista' min iħaddimni jobbligani niftaħ kont bankarju fil-pajjiż fejn naħdem?

    Dan jiddependi jekk tgħix u taħdimx fiż-żona tal-ewro, i.e. il-grupp tal-pajjiżi li adottaw l-ewro bħala l-munita tagħhom.

    Jekk iż-żewġ pajjiżi ta' residenza u fejn taħdem jinsabu fiż-Żona tal-ewro :

    LE — Min iħaddmek kulma jeħtieġlu biex ikun jista' jittrasferixxi s-salajru tiegħek — bla ebda spejjeż addizzjonali — hu n-numru IBAN u BIC tal-kont tal-bank tiegħek. Il-banek ma jistgħux jitolbu miżati ogħla għal trasferimenti internazzjonali f'ewro minn trasferimenti nazzjonali. Jekk it-trasferiment bejn il-fruntieri jaqbez il-limitu ta' €50,000, il-bank jista' jitlob ħlas.

    Jekk tgħix jew taħdem f'pajjiż barra ż-Żona tal-ewro:

    IVA — Jista' jkun leġittmu għal min iħaddmek li jobbligak li jkollok kont bankarju lokali jekk ikun jista' juri li se jiswielu aktar biex jittrasferixxi s-salarju tiegħek barra l-pajjiż.

    Aktar tagħrif dwar:

  • Ħdimt għal ftit ta' żmien fid-Danimarka u ġemmajt pensjoni hemm. Attwalment ninsab 100% inkapaċitat għax-xogħol skont l-awtoritajiet Ġermaniżi tal-pensjoni iżda l-awtoritajiet Daniżi qed jirrifjutaw li jħallsuli sehemhom għall-pensjoni tal-invalidità. L-ewwel iridu jeżaminawni. Għandhom dritt li jagħmlu dan?

    IVA — Jekk titlob pensjoni tal-invalidità, kull pajjiż li jkollu jħallsek pensjoni tal-invalidità jista' jeżaminak. Hu possibbli li pajjiż wieħed jikkunsidrak 70% inkapaċitat filwaqt li pajjiż ieħor jista' jikkunsidra li int tajjeb biex taħdem.

    Aktar tagħrif dwar:

  • Jien ħaddiem bejn il-fruntieri u ħdimt ukoll fil-pajjiż ta' residenza tiegħi fil-bidu tal-karriera tiegħi. Se nibda nirċievi pensjoni tax-xjuħija minn pajjiżi meta nagħlaq is-60 iżda l-pajjiż fejn naħdem iħallas il-pensjonijiet mill-età ta' 65 sena. X'jiġri jekk nieqaf naħdem mas-60?

    Importanti li  tkun taf minn qabel x'se tkun is-sitwazzjoni tiegħek jekk tibdel id-data meta tressaq it-talba tiegħek għall-pensjoni.

    Jekk tieħu xi pensjoni qabel oħra, tista' taffettwa l-ammonti li tirċievi.

    Għandek tfittex parir mill- awtorità tal-pensjoni fil-pajjiż fejn taħdem.

    Aktar tagħrif dwar:

Għad għandek bżonn l-għajnuna?