Għodod għall-aċċessibilità
Għodod tas-servizz
Selettur tal-lingwa
Impjieg barra pajjiżek bħala impjegat taċ-Ċivil
Aġġornat : 12/2012
Drittijiet relatati max-xogħol
Meta taħdem u tgħix f'pajjiż ieħor tal-UE
Int impjegat taċ-Ċivil f'pajjiż tal-UE u ssekondat biex taħdem f'pajjiż ieħor (f'ambaxxata, konsulat jew istituzzjoni uffiċjali oħra barra pajjiżek). B'mod alternattiv, int taħdem bħala impjegat taċ-Ċivil f'pajjiż iżda għal raġunijiet personali int tgħix (għandek id-dar permanenti tiegħek) f'ieħor.
Taħdem
Bħala ċittadin tal-UE, tista' tgħix u taħdem f'pajjiż ieħor tal-UE bla ma jkun jeħtieġlek permess tax-xogħol.
Eċċezzjoni – Iċ-ċittadini Bulgari u Rumeni għadhom jiffaċċjaw restrizzjonijiet temporanji fuq ix-xogħol fl-UE.
Restrizzjonijiet temporanji fuq ix-xogħol fl-UE għaċ-ċittadini Bulgari u r-Rumeni
Residenza
Jekk tgħix f'pajjiż ieħor tal-UE, int u familtek għandkom awtomatikament id-dritt li tgħixu hemm anki jekk ma tkunux qed taħdmu b'impjieg sħiħ jew qed taħdmu b'kuntratt għal żmien fiss.
Il-formalitajiet amministrattivi jvarjaw jiddependi għal kemm żmien tkun se toqgħod.
Drittijiet ta' residenza/formalitajiet meta taħdem barra pajjiżek
Trattament u benefiċċji ugwali
Bħala ħaddiem migrant, int u familtek għandkom l-istess drittijiet bħaċ-ċittadini tal-pajjiż fejn mortu tgħixu. Dan ifisser li għandkom dritt għall-istess benefiċċji mill-ewwel jum li tibda taħdem hemm.
Għaldaqstant intom intitolati tieħdu benefiċċji:
- mogħtija liċ-ċittadini tal-pajjiż minħabba li huma impjegati hemm
- mogħtija lill-ħaddiema u lil familthom minħabba li jgħixu fil-pajjiż
- mhux marbutin direttament mal-impjieg (id-dritt li tkun akkumpanjat minn partners mhux miżżewġin, skemi ta' tnaqqis fil-prezz tal-ferroviji għal familji numerużi, sussidji għar-rinnovazzjoni tad-dar, eċċ.).
Tista' tkun eleġibbli wkoll għal benefiċċji mhux finanzjarji (pereżempju d-dritt għall-interpretazzjoni waqt proċeduri legali).
Storja bħala eżempju
Skopri liema benefiċċji int intitolat għalihom fil-pajjiż il-ġdid tiegħek
Rosita hi mill-Italja, iżda tgħix u taħdem fi Franza bħala impjegata taċ-Ċivil. Għandha 3 itfal. Applikat għall-iskont tal-ferroviji rriservat għall-familji numerużi, iżda ġiet miċħuda minħabba li la hi u lanqas ulieda ma huma Franċiżi.
Rosita għandha tinsisti u, jekk ikun hemm bżonn titlob l-għajnuna mis-servizzi ta' parir tal-UE. Il-ħaddiema kollha tal-UE li jkollhom familja numeruża (f'ħafna pajjiżi dan ifisser, tlitt itfal jew aktar) huma intitolati għal roħs fuq l-ivvjaġġar bil-ferroviji fil-pajjiż fejn jaħdmu mill-ewwel jum li jibdew jaħdmu – jekk dan ir-roħs jeżisti u offrut liċ-ċittadini ta' dak il-pajjiż.
Residenza barra wara li tieħu s-sensja
Jekk tieħu s-sensja meta tkun qed tgħix f'pajjiż ieħor, int xorta waħda intitolat li tgħix hemm u li jkollok l-istess benefiċċji bħaċ-ċittadini jekk int:
- ma tistax taħdem temporanjament minħabba mard jew aċċident
- reġistrat mal-uffiċċju tax-xogħol rilevanti bħala bla xogħol b'mod involontarju wara li kont impjegat:
- għal sena sħiħa fuq kuntratt indefinit – jew
- għal inqas minn sena (f'dan il-każ, iżżomm id-dritt għal trattament ugwali bħaċ-ċittadini għal mhux inqas minn 6 xhur)
- tibda taħriġ vokazzjonali (jekk ma tkunx bla xogħol b'mod involuntarju, it-taħriġ irid ikun marbut mal-aħħar impjieg tiegħek).
Għad għandek bżonn l-għajnuna?
Ma sibtx dak li kont qed tfittex? Għandek problema xi ssolvi?
Footnote
F'dan il-każ, 27 Stat Membru tal-UE + l-Islanda, il-Liechtenstein, in-Norveġja u l-Isvizzera
F'dan il-każ, 27 Stat Membru tal-UE + l-Islanda, il-Liechtenstein, in-Norveġja u l-Isvizzera
F'dan il-każ, 27 Stat Membru tal-UE + l-Islanda, il-Liechtenstein, in-Norveġja u l-Isvizzera
F'dan il-każ, 27 Stat Membru tal-UE + l-Islanda, il-Liechtenstein, in-Norveġja u l-Isvizzera