FAQ - Taxxi

• Naħdem maċ-Ċivil fl-amministrazzjoni ta' pajjiż tal-UE u naħdem f'pajjiż ieħor tal-UE. Fejn għandi nħallas it-taxxa fuq id-dħul?

  Dan jiddependi mill-ftehim bilaterali dwar it-taxxa bejn il-pajjiż li jħaddmek u l-pajjiż fejn qed taħdem (il-pajjiż "ospitanti"). Il-parti l-kbira tal-pajjiżi tal-UE għażlu din ir-regola li biha, bħala impjegat taċ-Ċivil, għandek tħallas biss fil-pajjiż li jimpjegak.

  Eċċezzjoni: Jista' jkun jeħtieġlek tħallas taxxi fil-pajjiż "ospitanti" jekk min iħaddmek jeħtieġlek li taħdem hemm u lanqas:

  • int ċittadin tal-pajjiż "ospitanti" jew
  • ma mortx tgħix hemm biss għall-iskop ta' xogħol bħala impjegat taċ-Ċivil.

  Din mhix ħlief taqsira tal-aktar regola komuni. Jistgħu jeżistu eċċezzjonijiet għal din ir-regola f'ċerti konvenzjonijiet internazzjonali dwar it-taxxa. Staqsi lill-uffiċċju tat-taxxa tiegħek jew konsulent dwar l-impjiegi Ewropej u ikkonsulta l-ftehim bilaterali dwar it-taxxa rilevanti.

  Aktar tagħrif dwar:

  • Taxxi

• Jien impjegat taċ-Ċivil li attwalment qed naħdem barra pajjiżi. Għandi l-istess dritt għat-tnaqqis fit-taxxa bħall-kollegi tiegħi li ma kinux issekondati barra pajjiżhom bħali?

  IVA — Għandek id-dritt li tingħata l-istess tnaqqis fit-taxxa bħar-residenti tal-pajjiż "ospitanti" tiegħek – jekk is-salarju tiegħek bħala impjegat taċ-Ċivil hu kważi d-dħul kollu ta' flus ta' familtek.

  Pereżempju:

  • jekk il-pajjiż "ospitanti" jippermettilek tnaqqis mit-taxxa għal spejjeż relatati mal-kura tat-tfal, għandu jkun possibbli għalik li tnaqqas l-ammont korrispondenti għal kull spejjeż relatati mal-kura tat-tfal li tħallas fil-pajjiż "ospitanti".
  • jekk "pajjiżek" jippermettilek tnaqqis mit-taxxa fuq l-interessi li tħallas għal self ta' flus fuq id-dar, tista' titlob tnaqqis korrispondenti għal kull interessi fuq self ta' flus fuq id-dar li int tħallas għad-dar li xtrajt fil-pajjiż "ospitanti".

  Madankollu, jekk żewġek/martek j/taħdem ukoll u għandu/ha dħul ta' flus sinifikanti fil-pajjiż "ospitanti", dan jista' jħassarlek id-dritt għal tnaqqis f'pajjiżek. F'dan il-każ, it-tnaqqis li għandu jiġi applikat għad-dħul ta' flus totali ta' familtek ikun dak disponibbli skont il-liġi tal-pajjiż ospitanti.

  Ma għandekx, ikun xi jkun il-każ, dritt għal żewġ skemi ta' tnaqqis.

  Jekk tħoss li tkun qed tiġi diskriminat, għandek tfittex kumpens mingħand l-awtoritajiet nazzjonali. Skont in-natura tal-problema, għandhek tfittex ukoll għajnuna mis-servizzi ta' għajnuna għaċ-ċittadini tal-UE.

  Aktar tagħrif dwar:

  • Taxxi