Reġistrazzjoni

Maħruġ mill-manifattur - juri li l-karatteristiċi tekniki tal-vettura jissodisfaw l-istandards tas-sigurtà u l-ambjent. Jista' jkun ċertifikat Ewropew (KE) jew nazzjonali.

Ċertifikat ta' konformità tal-KE - validu fil- pajjiżi tal-UE.

Jekk il-karozza għandha ċertifikat tal-KE validu, l-awtoritajiet nazzjonali ma jistgħux jitolbu dokumentazzjoni teknika addizzjonali - sakemm il-karozza tiegħek ma ġietx modifikata wara li ħarġet mill-fabbrika (f'dak il-każ jistgħu jitolbuk għal approvazzjoni ġdida).

Ċertifikat nazzjonali ta' konformità - validu biss fil-pajjiż li ħarġu.

Ġeneralment għal kowċis, trakkijiet, vannijiet, trejlers u vetturi individwali ta' qabel Mejju 2009 jew karozzi antiki.

Jekk il-karozza diġà rreġistrata u teħodha f'pajjiż ieħor tal-UE, l-awtoritajiet fil-pajjiż il-ġdid normalment jitolbu verifiki tekniki addizzjonali jew ċertifikati qabel jirreġistrawha.

Meta tixtieq tirreġistra karozza li diġà kienet irreġistrata (minnek u jew mis-sid ta' qablek) f'pajjiż ieħor tal-UE, għandek tippreżenta ċ-ċertifikat l-antik lill-awtoritajiet ta' reġistrazzjoni.

Dan iċ-ċertifikat fih informazzjoni utli dwar il-karozza, għalhekk ir-reġistrazzjoni tkun aktar maljar u effiċjenti.

Meta tirreġistra, trid tippreżenta prova li għandek kopertura tal-assikurazzjoni.

L-awtoritajiet għandhom jaċċettaw il-kopertura mingħand kwalunkwe kumpanija tal-assikurazzjoni:

• ibbażata f'dak il-pajjiż jew li għandha uffiċċju hemm;
• mingħajr uffiċċju f'dak il-pajjiż iżda awtorizzata li tipprovdi s-servizzi hemm.

Għandek imnejn tintalab tipprova li inti d-dentetur legali tal-vettura. Invojsis użati bħala prova ta' xiri għandhom jindikaw b'mod ċar in-numru tal-VAT tal-bejjiegħ tal-karozza.

L-awtoritajiet nazzjonali huma intitolati jiċċekkjaw, meta jirreġistraw vetturi, jekk il-VAT kinetx imħallas kif suppost.

Ir-regoli tal-VAT ivarjaw skont jekk il-karozza hijex ġdida jew użata u jekk tixtrihex mingħand dealer professjonali jew individwu privat.

Għal finijiet tal-VAT, vettura hi meqjusa użata jekk ikollha aktar minn 6 xhur minn meta ħarġet fit-triq l-ewwel darba u jekk tellgħet aktar minn 6,000 km.

Jekk tixtri karozza ġdida mingħand dealer f'wieħed mill-pajjiżi tal-UE, imma se tmur tirreġistraha f'pajjiż ieħor tal-UE fejn tgħix jew fejn sejjer tgħix, għandek tħallas il-VAT biss fil-pajjiż ta' residenza tiegħek.

Jekk se tixtri karozza użata mingħand individwu privat, ma għandek għalfejn tħallas il-VAT f'ebda pajjiż.

Jekk se tixtri karozza użata mingħand negozju tal-karozzi użati, teħel il-VAT imma fuq il-profitt biss li sar fuq il-bejgħ tal-karozza użata. Din il-VAT ma tidhirx fl-invojs. Ix-xiri ma jkunx suġġett għall-VAT fil-pajjiż tad-destinazzjoni.

L-awtoritajiet fil-pajjiż fejn trid tirreġistra l-vettura tiegħek jistgħu l-ewwel jirrekjedu li tagħmel it-test tal-VRT.

Madankollu, huma obbligati jirrikonoxxu ċertifikat ta' affidabbiltà stradali maħruġ minn pajjiż ieħor tal-UE.

Ma hemmx liġi komuni għall-UE kollha dwar ir-reġistrazzjoni tal-vetturi u t-taxxa tat-triq. Dawn it-taxxi jkollok tħallashom skont il-liġi tal-pajjiż fejn tgħix jew sejjer tgħix.

Franka l-flus billi tagħmel l-affarijiet qabel ma jiskadu!