Mogħdija tan-navigazzjoni

Aġġornat : 18/03/2016

L-assigurazzjoni tal-karozza barra minn pajjiżek – Malta

Agħżel il-pajjiż

Agħżel il-pajjiż

Drittijiet komuni fil-pajjiżi tal-UE


* Informazzjoni li għadha ma ġietx ipprovduta mill-awtoritajiet nazzjonali

Jekk ikollok inċident waqt li tkun Malta, ir-responsabbiltà għal tali inċident se tiġi ddeterminata skont il-Liġi Maltija; inti obbligat bil-liġi li ċċempel lill-pulizija biex tiġi fil-post tal-inċident, fiċ-ċirkostanzi li ġejjin:

  • korriment fiżiku mġarrab mill-partijiet involuti fl-inċident;

  • ħsara materjali lil proprjetà pubblika.

Il-proċedura għal talba għal kumpens mingħand il-kumpanija tal-assigurazzjoni tas-sewwieq l-ieħor tinvolvi:

  •  is-sottomissjoni ta' talba (b'dettalji kompluti – ara hawn taħt) lir-Rappreżentant tat-Talbiet Awtorizzati f'pajjiżek tal-Assiguratur Malti li jkopri l-vettura l-oħra involuta fl-inċident;

  •  l-identità u d-dettalji ta' kuntatt ta' dan ir-Rappreżentant tat-Talbiet tista' ġġibhom miċ-Ċentru ta' Informazzjoni nazzjonali f'pajjiżek;

  • jekk ma jeżisti ebda Rappreżenant tat-Talbiet, allura t-talba għal kumpens tista' tkun sottomessa lill-Korp ta' Kumpens nazzjonali f'pajjiżek li mbagħad jikkoordina mal-Korp ekwivalenti f'Malta.

  • Għandek tuża l-Formola ta' Dikjarazzjoni dwar Inċident tat-Traffiku uffiċjali; din jeħtiġilha tkun biss iffirmata fil-post tal-inċident (flimkien mas-sewwieq l-ieħor involut fl-inċident) jekk int taqbel b'mod sħiħ mal-kontenuti tagħha.

Din il-Formola ta' Dikjarazzjoni dwar Inċident tat-Traffiku tiġi pprovduta lilek mill-Assiguratur tiegħek qabel ma tħalli pajjiżek.

Jekk int ma għandekx il-Formola ta' Dikjarazzjoni dwar Inċident tat-Traffiku, jeħtieġlek tniżżel il-fatti li ġejjin waqt li tkun għadek fil-post tal-inċident:

  • id-data u l-post u l-ħin tal-inċident;

  • il-kundizzjoni ta' wiċċ it-triq (imxarrba / xotta);

  • id-dettalji kemm ta' kwalunkwe korriment kif ukoll ta' kwalunkwe ħsara materjali;

  • l-identità u d-dettalji ta' kuntatt tas-sewwieq tal-vettura l-oħra involuta fl-inċident;

  • l-identità u d-dettalji ta' kuntatt ta' kwalunkwe xhud (xhieda) tal-inċident;

  • l-identità u d-dettalji ta' kuntatt tal-Kumpanija tal-Assigurazzjoni tal-vettura l-oħra involuta fl-inċident;

  • id-dettalji tal-vettura l-oħra involuta fl-inċident – għamla / mudell, pjanċa ta' reġistrazzjoni, pajjiż ta' reġistrazzjoni eċċ ...);

  • l-identità u d-dettalji ta' kuntatt tal-Awtorità li kienet preżenti fil-post tal-inċident (Pulizija jew Gwardjani tat-Traffiku).

Ikun prattiku u ta' assistenza kbira jekk xi wħud mill-punti msemmijin hawn fuq huma appoġġjati b'ritratti meħudin fil-post tal-inċident (pereżempju, billi tuża l-mowbajl tiegħek).

Il-kopertura assigurata minima f'Malta hi:

għall-korrimenti personali:

  • għal kull talba: EUR 5.6 miljun (irrispettivament min-numru ta' persuni korruti).

għall-ħsarat fi proprjetà:

  • għal kull talba: EUR 1.12 miljun (irrispettivament min-numru ta' pretendenti).

Konsultazzjonijiet pubbliċi
Bżonn ta' aktar tagħrif dwar ir-regoli f'pajjiż speċifiku?
Staqsi l-amministrazzjonijiet nazzjonali
Teħtieġ l-għajnuna mis-servizzi ta’ assistenza?
Sib għajnuna u pariri