Mogħdija tan-navigazzjoni

Aġġornat : 12/07/2016

vehicles

Kiri ta' karozza f'pajjiż ieħor

Tirriserva minn qabel

Jekk irriservajt karozza bl-internet, bit-telefown jew bil-posta fl- UE, m'għandekx awtomatikament id-dritt tikkanċella u titlob flusek lura, għalkemm it-termini u l-kundizzjonijiet tal-kumpanija tal-karozzi tal-kiri jistgħu jippermettulek tagħmel dan.

Il-kiri ta' karozza mhuwiex kopert bir-regoli tal-UE li jintitolawk għal perjodu ta' 14-il jum fejn tista' tibdel il-fehma meta tordna oġġetti u servizzi minn fuq l-internet, bit-telefown jew bil-posta.

Kiri ta' karozza minn pajjiż mhux fl-UE

Jekk inti tgħix fl-UE u tikri karozza f'pajjiż mhux tal-UE, bħall-Iżvizzera, japplikaw regoli speċjali waqt li tużaha fil-pajjiżi tal-UE.

Jekk qed tippjana li tivvjaġġa bil-karozza tal-kiri kemm fil-pajjiżi tal-UE u kemm f'dawk li mhumiex – pereżempju mill-Iżvizzera sa Franza, il-Ġermanja, l-Awstrrija jew l-Italja – jeħtieġ li tgħid lill-kumpanija tal-kiri minn qabel. Jistgħu jipprovduk b' karozza rreġistrata fl-UE sabiex tkun kompatibbli mal-liġijiet doganali tal-UE. Il-biċċa l-kbira tal-kumpaniji tal-kiri tal-karozzi fl-Iżvizzera jipprovdu karozzi bi pjanċi ta' reġistrazzjoni tal-UE għar-residenti tal-UE biex jimxu skont ir-regoli doganali tal-UE, iżda għandek tiċċekkja mal-kumpanija tal-kiri tal-karozza tiegħek.

Il-kumpanija tal-kiri tal-karozzi trid tiżgura li l- karozza tkun kompatibbli mar-regoli doganali u tat-traffiku tal-pajjiż fejn se tivvjaġġa. Pereżempju, fi Franza, il-karozzi jrid ikollhom kitt tat-testijiet obbligatorji tal-breathalyser, filwaqt li fil-Ġermanja u l-Awstrija t-tajers tax-xitwa huma rekwiżiti matul ċerti xhur fis-sena.

Kiri fit-tul ta' karozza

Kiri fit-tul - kiri fit-tul bil-possibbiltà li tixtri l-karozza fl-aħħar tal-kuntratt - tista' tkun diffiċli jekk qed tippjana li tmur f'pajjiż ieħor bil-karozza tat-twellija

Minħabba li inti obbligat tassigura u tirreġistra l-karozza fil-pajjiż fejn tgħix, tista' tiltaqa' ma' xi problemi jekk l-assigurazzjoni tiegħek ma tkunx valida fil-pajjiż fejn tixtieq tmur tgħix.

Min jikri fit-tul jista' wkoll iżomm lura milli jaqbel li tirreġistra l-karozza f'pajjiż ieħor tal-UE.

Validità tal-liċenzja tas-sewqan

Jekk qed tippjana li tikri u ssuq karozza f'pajjiż ieħor tal-UE, tkun trid ukoll tara li l-liċenzja tas-sewqan tiegħek tkun valida hemm.

Konsultazzjonijiet pubbliċi
Teħtieġ l-għajnuna mis-servizzi ta’ assistenza?
Sib għajnuna u pariri

F'dan il-każ, 27 stat membru tal-UE + l-Iżlanda, il-Liechtenstein u n-Norveġja

Retour au texte en cours.