Mogħdija tan-navigazzjoni

Aġġornat : 04/09/2014

travel

Is-sikurezza/is-sigurtà tal-ajru

Il-lagiġ tal-idejn u l-lagiġ tal-istiva

Meta tivvjaġġa bl-ajruplan minn ajruport fl-UE, għandek tiftakar ċerti rekwiżiti tas-sigurtà meta tippakkja u titla' fuq l-ajruplan:

  • Il-likwidi li jinġarru fil-kabina tal-ajruplan bħal xorb, toothpaste, krims kożmetiċi jew ġels għandhom jinġarru f'borża tal-plastik trasparenti - kapaċità massima ta' litru wieħed - u ebda kontenitur ma għandu jżomm fih aktar minn 100 ml. Il-kontenituri tal-likwidi akbar minn 100 ml għandhom jitqiegħdu f'bagalji li jiġu ċċekkjati. Ir-restrizzjoni tal-volum ma tapplikax għal mediċini u l-ikel tat-tfal.
  • Il-likwidi li ma jitħallasx dazju fuqhom mixtrijin minn ajruport jew minn kumpanija tal-ajru jistgħu jinġarru bħala lagiġ tal-idejn sakemm l-oġġett u l-irċevuta jibqgħu ssiġillati fil-borża tas-sigurtà (b'xifer aħmar) mogħtija waqt ix-xiri. Ma tistax tiftaħ il-borża tas-sigurtà qabel ma tasal fid-destinazzjoni finali tiegħek. Madankollu, l-uffiċjali tas-sigurtà jaf ikollhom bżonn jiftħulek il-borża u l-fliexken biex jiġu skrinjati. Jekk dan iseħħ, u jkollok titjira marbuta ma' ajruport ieħor, għid lill-uffiċjal tas-sigurtà sabiex il-likwidi jkunu jistgħu jiġu ssiġillati mill-ġdid f'borża tas-sigurtà ġdida.
  • L-oġġetti kollha li jaqtgħu li jistgħu jintużaw bħala armi ma jitħallewx fil-kabina tal-ajruplan. Dawn jistgħu jkunu oġġetti ta' kuljum bħal trabuxijiet, skieken u mqassijiet ta' ċertu daqs, li għandhom jiġu ppakkjati fil-lagiġ tal-istiva tiegħek.
  • Il-limiti fuq id-daqs tal-bagalji tal-kabina u l-għadd ta' oġġetti li titħalla tieħu miegħek fuq l-ajruplan huma stabbiliti mil-linji tal-kumpaniji għalhekk iċċekkja mal-linja tal-kumpanija tiegħek meta tivvjaġġa.
  • Splużivi u oġġetti li jieħdu n-nar - logħob tan-nar jew żebgħa f'bottijiet tal-isprej pereżempju, u sustanzi oħrajn li jieħdu n-nar u li huma tossiċi bħall-aċidi - huma pprojbitu waqt titjiriet. Ma jistgħux jinġarru la fil-bagalji tal-kabina u lanqas f'dawk iċċekkjati.
  • Ebda arma ta' kwalunkwe għamla ma titħalla fuq l-ajruplan.

Ara r-regoli dwar l-oġġetti pprojbiti fil-lagiġ tal-idejn u tal-istiva tiegħek.

Iċċekkja l-websajt tal-ajruport tiegħek għal lista ddettaljata ta' oġġetti pprojbiti jew staqsi l-kumpanija tal-ajru tiegħek qabel tivvjaġġa.

Għas-sikurezza ġenerali, l-oġġetti kollha tal-ivvjaġġar huma skenjati jew inkella ċċekkjati qabel ma jitħallew fiż-żoni ta' sigurtà tal-ajruport.

Il-bibien tal-kokpit jinżammu msakkrin sabiex persuni mhux awtorizzati ma jitħallux jidħlu fil-kabina tan-navigazzjoni.

Il-kumpaniji tal-ajru pprojbiti fl-UE

Il-kumpaniji tal-ajru li joperaw titjiriet li jibdew jew jispiċċaw fl-UE għandhom jissodisfaw ċerti standards ta' sikurezza. Uħud mill-kumpaniji madwar id-dinja joperaw f'kundizzjonijiet taħt il-livelli ta' sikurezza Ewropej u għalhekk għandu mnejn jew:

  • jiġu pprojbiti milli joperaw għalkollox fl-ispazju Ewropew
  • jitħallew joperaw biss taħt ċerti kundizzjonijiet speċifiċi

Jekk imħasseb dwar is-sikurezza tal-ajruplan, tista' tiċċekkja l-lista tal-kumpaniji tal-ajru pprojbiti fl-UE English.

Għajnuna u pariri

Footnote

F'dan il-każ, 28 stat membru tal-UE + l-Islanda, in-Norveġja u l-Isvizzera

Retour au texte en cours.

F'dan il-każ, 27 stat membru tal-UE + l-Islanda, in-Norveġja u l-Isvizzera

Retour au texte en cours.