Mogħdija tan-navigazzjoni

FAQs - Is-sikurezza/is-sigurtà tal-ajru

  • M'iniex ċert liema kosmetiċi huma kklassifikati bħala likwidi. Fuq kollox nista' nieħu kosmetiċi fil-kabina tal-ajruplan?

    IVA - Sakem l-oġġett mhux akbar minn 100 ml. Oġġetti akbar għandhom jitqiegħdu fil-bagalja li tittieħed fl-istiva tal-ajruplan. Innota li l-krims u l-ġellijiet jitqiesu bħala likwidi.

  • Qed nippjana li nivvjaġġa mill-Kanada lejn Londra b’ibni ta' ħames xhur.  Nista' nġib l-ikel tat-trabi miegħi mill-Kanada jew se jiġi sekwestrat fil-punt ta’ dħul?

    Int permess li ġġib kwantità limitata ta’ ikel tat-trabi sakemm ma jkunux jeħtieġ refriġerazzjoni qabel jinfetaħ, li hu ikel ippakkjat tad-ditta mibjugħ direttament lill-konsumatur u li l-imballaġġ ma nfetaħx sakemm mhux qed tużah bħalissa.

  • Jien ikolli nieħu medikazzjoni likwida kull erba’ sigħat.  Nista' ntella' din il-medikazzjoni abbord it-titjira tiegħi minn Ateni lejn Londra?  Irrid inqiegħdha f’borża trasparenti?

    It-tweġiba għal dawn il-mistoqsijiet hija iva.   Mediċini essenzjali huma permessi fi kwantitajiet ta’ aktar minn 100 ml, iżda għall-użu matul il-vjaġġ biss u tista’ tintalab tipprova l-awtentiċità tagħhom.

  • Qed nippjana li nivvjaġġa minn Lisbona lejn Brussell b'tarbija ta' sitt xhur.  Se jkollha bżonn tixrob matul it-titjira u teħtieġ aktar minn 100ml ta' ħalib.  Nista' ntella' dan abbord it-titjira?

    Iva, l-ikel u l-ħalib tat-trabi huma permessi fi kwantitajiet ta’ aktar minn 100 ml, iżda għall-użu matul il-vjaġġ biss u tista’ tintalab tipprova l-awtentiċità tiegħu.   Il-fllixkun għandu jitqiegħed f’borża trasparenti separata u ppreżentat separatament fiż-żona tal-iskrining tas-sigurtà tal-passiġġieri.

 

Għajnuna u pariri

Għajnuna u pariri

Ma sibtx dak li kont qed tfittex? Għandek problema xi ssolvi?

Ikseb parir dwar drittijietek fl-UE

Solvi l-problemi ma' awtorità pubblika