Mogħdija tan-navigazzjoni

Aġġornat : 02/05/2016

travel

Spejjeż tar-roaming tal-mowbajl

Meta tuża l-mowbajl tiegħek f'pajjiżi oħra tal-UE – biex iċċempel, tibgħat SMS jew tuża l-internet – hemm limitu fuq kemm tista' tiġi ċċarġjat.

Madwar l-UE, l- "Ewrotariffa" għar-roaming English tfisser li l-ispejjeż għall-użu ta' dawn is-servizzi għandhom limitu – biex twaqqaf prezzijiet eċċessivi.

It-tariffi massimi għal sejħiet, SMSs u internet (dawnlowd ta' dejta) huma:

 

1 ta' Lulju 2014

30 ta' April 2016

15 ta' Ġunju 2017**

Telefonati li tagħmel (kull minuta)

€0.19

l-istess bħar-rata nazzjonali + sa €0.05

ebda tarifa żejda tar-roaming, l-istess bħar-rata nazzjonali







 

Telefonati li tirċievi (kull minuta)

€0.05

l-istess bħar-rata nazzjonali + sa €0.0114

SMS li tibgħat (għal kull SMS)

€0.06

l-istess bħar-rata nazzjonali + sa €0.02

Onlajn (dawnlowd ta' dejta, għal kull MB*)

€0.20

l-istess bħar-rata nazzjonali + sa €0.05

* Il-limitu huwa għal kull MB iżda se tiġi ċċarġjat għal kull Kilobyte li tuża.

Il-prezz ma jinkludix il-VAT.

** L-ispejjeż tar-roaming mhux se jibqgħu japplikaw, sakemm inti tuża t-telefown ċellulari tiegħek barra minn pajjiżek temporanjament. Il-fornituri xorta jistgħu jitolbu ħlas jekk tuża s-SIM kard f'pajjiż ieħor b'mod permanenti.

Dawn il-limiti ta' prezzijiet japplikaw għal kulħadd – sakemm ma għażiltx xi servizz jew pakkett speċifiku. Ovvjament, l-operatur tiegħek jista' joffrilek rati iktar baxxi, għalhekk tajjeb li tqabbel ftit l-offerti.

Għal aktar informazzjoni dettaljata dwar kwistjonijiet speċifiċi għal pajjiż, tista' tikkuntattja l- awtorità regolatorja nazzjonali English .

Notifika tal-prezzijiet

Meta taqsam il-fruntieri tal-UE, l-operatur tal-mowbajl tiegħek irid jibgħatlek messaġġ dwar il-prezz biex iċċempel jew tirċievi telefonata, tibgħat il-messaġġi, u tuża l-internet (dawnlowd ta' dejta) fil-pajjiż tal-UE fejn għadek kif dħalt.

Ħarsien mill-"kontijiet xukkanti"

Biex tkun protett minn kontijiet eċċessivi ta' roaming tad-dejta, il-volum ta' dejta ddawnlowdjat fuq mowbajl huwa limitat, mad-dinja kollha, għal valur ta' €50 (jew l-ekwivalenti f'munita oħra) sakemm ma jkollokx ftehim ieħor mal-operatur tiegħek. Għandek ukoll tirċievi twissija meta tilħaq 80% ta' dan il-limitu miftiehem.

Storja bħala eżempju

Daqshekk se ttella' kontijiet kbar bla ma biss tinduna.

Aniko, mill-Ungerija, tuża skoss apps fuq l-ismartphone tagħha: servizzi ta' streaming tal-mużika, netwerks soċjali biex iżżomm kuntatt ma' sħabha u mapep biex issib ħwienet u stabbilimenti. Fuq btala fil-Greċja, insiet titfi l-aġġornamenti awtomatiċi fuq l-ismartphone tagħha. Iżda m'għandhiex għalfejn tinkwieta li jaslilha kont enormi: sakemm ma kellhiex ftehim differenti mal-operatur tagħha, l-ispiża tad-dejta bir-roaming għandha limitu massimu ta' €50 (u l-VAT).

X'tagħmel jekk l-affarijiet ma jmorrux tajjeb

Jekk taħseb li l-fornitur tas-servizz tiegħek kiser drittijietek fir-rigward ta' dawn il-prezzijiet u kundizzjonijiet għas-servizzi tar-roaming:

  • ikkuntattja lill-fornitur/bejjiegħ tas-servizz tiegħek u indika d-drittijiet u l- obbligi English tagħhom u itlobhom isolvu l-problema qabel ma jkollok tieħu passi iktar serji.
  • jekk ma tkunx kuntent bit-tweġiba tal-fornitur, tista' tikkuntattja l- awtoritajiet regolatorji nazzjonali English rilevanti. Jista' jkollhom is-setgħa jsolvu t-tilwima. F'ħafna każi, ħolqu proċeduri speċjali u jsolvu l-affarijiet b'mod ġust u malajr. Tista' tibgħatilhom ilmenti dwar it-termini u l-kondizzjonijiet, il-kwalità tas-servizz, l-aċċess għan-netwerks u s-servizzi, u s-servizzi tar-roaming.

Storja bħala eżempju

Tħallix lil fornitur tiegħek jisolħok

Wara vakanza fl-Italja, Birgit mid-Danimarka rċeviet kont għoli talli użat l-ismartphone biex iżżomm kuntatt man-nies waqt il-btala. Ikkuntattjat lill-fornitur tagħha u qaltlu dwar il-limiti u l-prezzijiet massimi skont ir-regoli tal-UE u talbitu jirrevedi t-tariffi. Imbagħad irċeviet kont ġdid mingħand il-fornitur tagħha bit-tariffi riveduti kif imiss.

Leġiżlazzjoni tal-UE
Konsultazzjonijiet pubbliċi
    Teħtieġ l-għajnuna mis-servizzi ta’ assistenza?
    Sib għajnuna u pariri

    Sib għajnuna u pariri

    L-Awtoritajiet Regolatorji Nazzjonali

    Ikkuntattja r-regolatur nazzjonali fil-pajjiż tal-UE fejn l-operatur tal-mowbajl tiegħek huwa bbażat għal problemi jew mistoqsijiet marbutin mal-limiti l-ġodda.