Mogħdija tan-navigazzjoni

FAQs - Membri tal-familja li mhumiex ċittadini tal-UE

  • Jien Svediża. Żewġi mill-Peru u jinħtieġlu viża biex jivvjaġġa fil-pajjiżi tal-UE. Nixtiequ mmorru s-Slovakkja. Għandu jħallas għall-viża?

    LE - Ma għandux għalfejn, il-membri tal-familja taċ-ċittadini tal-UE jingħataw il-viżi tad-dħul bla ħlas.

  • Jien ċittadin ta' pajjiż li mhux fl-UE li ngħix ir-Rumanija ma’ żewġi Latvjan.  X’dokumenti jkolli bżonn biex nivvjaġġa lejn il-Portugall?

    Jekk għandek karta ta’ residenza maħruġa fir-Rumanija skont il-liġi tal-UE u qed tippjana li tivvjaġġa lejn il-Portugall ma’ żewġek jew biex tingħaqad miegħu, jew kwalunkwe membru tal-familja ieħor tal-UE, inti tista’ tidħol il-Portugall sempliċement fuq preżentazzjoni tal-passaport u l-karta ta’ residenza tiegħek.

    Madankollu, jekk tivvjaġġa lejn il-Portugall waħdek u ma tkunx qed tippjana li tingħaqad ma’ membri tal-familja mill-UE hemmhekk, tkun teħtieġ viża anki jekk ikollok karta ta’ residenza valida.

  • Jien ċittadin ta’ pajjiż li mhux fl-UE miżżewġa lil ċittadin Irlandiż u ngħix miegħu fl-Irlanda.  Jien għandi permess tar-residenza Irlandiża.   Qed nippjanaw li nivvjaġġaw lejn Franza flimkien aktar tard din is-sena.  Għandi bżonn viża biex nidħol fi Franza jew biżżejjed li jkolli l-karta tar-residenza Irlandiża tiegħi?

    Se jkollok bżonn viża biex tidħol Franza.  Il-permess ta’ residenza tiegħek ġie maħruġ skont il-liġi Irlandiża u mhux skont il-liġi tal-UE peress li inti miżżewġa lil ċittadin Irlandiż u tgħix fl-Irlanda, (jiġifieri m’intix qed teżerċita d-drittijiet tat-Trattat tal-UE).  Madankollu, peress li se tivvjaġġa ma’ żewġek lejn Franza, il-viża għandha tingħata malajr u bla ħlas.

  • Jien ċittadin ta’ pajjiż li mhux fl-UE miżżewġa lil ċittadin Grieg u ngħix miegħu fl-Italja.  Dan l-aħħar ġejt promossa u r-rwol ġdid tiegħi se jinvolvi vjaġġar lejn ir-Renju Unit u l-Irlanda.  Biżżejjed li nuri l-karta ta’ residenza Taljana tiegħi biex nidħol f'pajjiżi oħra tal-UE jew se jkolli bżonn viża wkoll?

    Peress li se tivvjaġġa barra ż-żona ta’ Schengen u mhux se tkunu qed tivvjaġġa ma’ membru tal-familja tal-UE jew biex tingħaqad ma' membru tal-familja mill-UE, il-karta ta’ residenza tiegħek mhux se tkun biżżejjed.  Se jkollok bżonn viża valida biex tidħol f'dawn il-pajjiżi.  Skont l-għadd ta' drabi li jkollok bżonn tivvjaġġa lejn dawn il-pajjiżi, għandek tikkunsidra li tapplika għal viża ta’ dħul multiplu għal kull pajjiż.

  • Jiena l-ġenitur mhux mill-UE ta’ wild ta’ nazzjonalità Irlandiża.  Ngħixu l-Irlanda iżda qed nippjanaw li nivvjaġġaw flimkien lejn ir-Renju Unit għal żjara qasira.  Se jkolli nħallas għall-viża tiegħi biex nidħol fir-Renju Unit?

    LE - Jekk tkun qed tivvjaġġa ma' uliedek Irlandiżi jew tkun se tiltaqa' magħhom fir-Renju Unit, ma jkollokx tħallas għall-viża u l-awtoritajiet tar-Renju Unit għandhom joħorġulek viża malajr u bla ħlas.

Għajnuna u pariri

Għajnuna u pariri

Ma sibtx dak li kont qed tfittex? Għandek problema xi ssolvi?

Ikseb parir dwar drittijietek fl-UE

Solvi l-problemi ma' awtorità pubblika