Mogħdija tan-navigazzjoni

FAQs - Ċittadini tal-UE

  • Jien Portugiż u sejjer Ċipru s-sajf li ġej għall-btala. Nista' nuża l-liċenżja flok il-karta tal-identità mal-fruntiera?

    LE - Liċenzja tas-sewqan mhix dokument tal-ivvjaġġar. Jinħtieġlek karta tal-identità nazzjonali jew passaport validu.

  • Jien Ġermaniż u qed nippjana vjaġġ lejn ir-Renju Unit.  Peress li dan mhuwiex membru taż-żona ta’ Schengen, nista’ nidħol fir-Renju Unit b’karta tal-identità Ġermaniża jew għandi nippreżenta l-passaport tiegħi?

    Bħala ċittadin tal-UE, tista' tidħol fir-Renju Unit, jew kwalunkwe pajjiż ieħor tal-UE, billi tippreżenta l-karta tal-identità Ġermaniża uffiċjali tiegħek.  M'hemmx għalfejn tippreżenta l-passaport tiegħek.

  • F’liema ċirkostanzi nista', bħala ċittadin tal-UE, niġi miċħud id-dħul f’pajjiż ieħor tal-UE?

    Tista’ tiġi miċħud id-dħul f’pajjiż Ewropew ieħor jekk tippreżenta theddida serja għall-politika pubblika, is-sigurtà pubblika jew is-saħħa pubblika.  Jekk jiġri dan, inti trid tiġi informat bir-raġuni u kif tista' tappella d-deċiżjoni.

  • X’nista’ nagħmel jekk d-dritt tiegħi li nidħol f’pajjiż ieħor tal-UE jkun miċħud fil-punt ta’ dħul?

    Jekk id-dritt tiegħek li tidħol f’pajjiż ieħor tal-UE jiġi miċħud, għandek tikkuntattja ambaxxata jew konsulat ta’ pajjiżek fil-pajjiż fejn tixtieq tidħol.

Għajnuna u pariri

Għajnuna u pariri

Ikkuntattja s-servizzi ta' assistenza speċjalizzata

Ikseb parir dwar drittijietek fl-UE / Solvi l-problemi ma' awtorità pubblika