Għodod tas-servizz

Selettur tal-lingwa

Il-bandiera tal-UE

Mogħdija tan-navigazzjoni

Menu

Aġġornat : 25/04/2017

Alkoħol, tabakk, flus kontanti

Alkoħol u tabakk

Meta tkun qed tivvjaġġa minn pajjiż tal-UE għal ieħor, tista' tieħu prodotti tat-tabakk u tal-alkoħol miegħek għall-użu personali iżda mhux biex jergġħu jinbiegħu.

Skont il-liġi tal-UE, ma għandekx għalfejn tipprova li l-prodotti huma għall-użu personali tiegħek jekk tkun qed iġġorr anqas minn:

  • 800 sigarett
  • 400 sigarillo
  • 200 sigarru
  • 1 kg tabakk
  • 10 litri ta' spirtu
  • 20 litru ta' nbid normali
  • 90 litru nbid (li jkunu jinkludu massimu ta' 60 litru ta' nbid spumant)
  • 110 litri birra

Il-pajjiżi tal-UE jistgħu jillimitaw l-għadd ta' sigaretti li int tista' ġġib miegħek minn ċerti pajjiżi oħrajn tal-UE li għadhom mhumiex jitolbu li jitħallas il-livell minimu tad-dazju tas-sisa. Dan il-limitu ma jistax ikun anqas minn 300 sigarett.  Iċċekkja mal-awtoritajiet tad-dwana  tal-pajjiż fejn int sejjer qabel ma tivvjaġġa.

Jekk qed iġġorr aktar tabakk jew alkoħol mill-ammonti li tista' awtomatikament iġġorr għall-użu personali, tista' tintalab:

  • tipprova li dawn huma għall-użu personali tiegħek
  • tagħti prova tax-xiri (riċevuta jew invojs).

Jekk tkun qed tivvjaġġa bit-tabakk jew bl-alkoħol u ma taqbiżx l-ammonti għall-użu personali, ma jkunx jinħtieġlek tħallas dazju tas-sisa fil-pajjjiż tal-UE li sejjer fih.

Dawn ir-regoli ma japplikawx għall-vjaġġaturi taħt is-17-il sena, li ma jistgħux iġorru alkoħol jew tabakk ikun xi jkun l-ammont. Ma jeżistux ħwienet bla dazju għall-vjaġġaturi li jkunu sejrin minn pajjiż għal ieħor fl-UE.

Flus kontanti

Jekk tixtieq tivvjaġġa bejn pajjiżi tal-UE  b'10,000 ewro jew aktar fi flus kontanti jew l-ekwivalenti tagħhom f'valuta oħra, għandek tiċċekkja jekk għandekx tiddikjarahom mal-awtoritajiet tad-dwana fil-pajjiżi li qed titlaq, tidħol jew tgħaddi minnhom.

Jekk qed tippjana li tidħol jew li tħalli l-UE b'10,000 ewro jew aktar fi flus kontanti (jew l-ekwivalenti tagħhom f'valuta oħra) għandek tiddikjara danfrançaisDeutschEnglish lill-awtoritajiet tad-dwana.

Dazji tas-sisa

Jekk tkun dieħel fl-UE minn barrafrançaisDeutschEnglish, tista' ddaħħal miegħek prodotti mingħajr VAT u dazji tas-sisa għall-użu personali sal-limiti stabbilit hawn taħt. L-istess jgħodd jekk tkun ġej mill-Gżejjer Kanarji, iċ-Channel Islands, Ġibiltà jew territorji oħrajn fejn ir-regoli tal-UE dwar il-VAT u s-sisa ma jgħoddux.

Xorb alkoħoliku

  • 1 litru ta' spirti b'aktar minn vol. ta' 22 % jew 2 litri ta' nbid imsaħħaħ jew inbid frizzanti
  • 4 litri ta' nbid normali
  • 16-il litru birra

Prodotti tat-tabakk

Jeżisti limitu ogħla jew aktar baxx dan jiddipendi mill-pajjiż li qed iżżur jekk ġej minn pajjiż barra l-UE. Jekk pajjiż tal-UE jiddeċiedi li japplika l-limiti aktar baxxi, hu jista' jagħżel li japplikahom biss għal dawk li jkunu qed jivvjaġġaw bl-art u bil-baħar (il-Bulgarija, il-Greċja, l-Ungerija, il-Latvja, il-Litwanja, il-Polonja u s-Slovakja) jew għall-vjaġġaturi kollha (l-Estonja u r-Rumanija).

Limitu ogħla

Limitu aktar baxx

200 sigarett jew
100 sigarru żgħir jew
50 sigarri jew
250 g tabakk

40 sigarett jew
20 sigarru żgħir jew
10 sigarri jew
50 g tabakk

Prodotti oħra inklużi l-fwejjaħ

Sa valur ta' EUR 300 għal kull vjaġġatur jew EUR 430 għall-vjaġġaturi bl-ajru jew bil-baħar. Xi pajjiżi tal-UE japplikaw limitu aktar baxx ta' EUR 150 għall-vjaġġaturi ta' taħt il-15-il sena.

Leġiżlazzjoni tal-UE
Konsultazzjonijiet pubbliċi
    Teħtieġ l-għajnuna mis-servizzi ta’ assistenza?
    Sib għajnuna u pariri