Għodod għall-aċċessibilità
Għodod tas-servizz
Selettur tal-lingwa
Mogħdija tan-navigazzjoni
- EUROPA
- L-Ewropa tiegħek
- Ċittadini
- Konsumaturi
- Drittijietek onlajn
- Xiri minn fuq l-internet
Drittijietek onlajn
Aġġornat : 10/2012
Xiri minn fuq l-internet
Informazzjoni qabel ma tixtri
Għandek id-dritt li tirċievi tagħrif importanti ċar, korrett u li jinftiehem mingħand il-bejjiegħ tal-prodott jew tas-servizzi qabel tixtri.
Eżempji ta' dan jinkludu:
- il-karatteristiċi ewlenin tal-prodott
- il-prezz bit-taxxi - u l-perjodu kemm idum validu
- l-ispejjeż tal-kunsinna
- l-arranġament għall-ħlas, kunsinna jew rendiment
- l-identità tal-bejjiegħ kif ukoll l-indirizz ġeografiku u tal-email
- jekk għandekx id-dritt għall-irtirar
- fil-każ ta' kuntratti - id-dewmien minimu.
Dan japplika għax-xiri minn bejjiegħa fuq l-internet irreġistrati fl-UE, iżda MHUX għal xiri minn fuq siti web tal-irkant.
Dejjem tajjeb li tiċċekkja jekk il-bejjiegħ huwiex irreġistrat. Indirizz tal-internet li jispiċċa ".eu", ".ie", jew ".co.uk", eċċ, ma jfissirx bilfors li l-bejjiegħ huwa bbażat – u rreġistrat – fl-UE.
Storja bħala eżempju
Andrzej mill-Polonja xtara xi kotba mingħand bejjiegħ onlajn – iżda l-karta ta' kreditu tiegħu ġiet iċċarġjata aktar mill-ammont totali muri fil-punt tal-bejgħ tas-sit web tal-bejjiegħ.
Minħabba li l-liġi tal-UE ġġiegħel lill-bejjiegħa juru l-informazzjoni dwar il-prezz sħiħ u korrett qabel ma xerrej jagħmel akkwist onlajn, Andrzej irrapporta l-kwistjoni kemm lill-kumpanija kif ukoll lill-awtoritajiet Pollakki. Wara l-intervenzjoni tal-awtoritajiet, ingħata lura d-differenza.
Informazzjoni li għandha tidher fil-kuntratt tiegħek
Meta tidħol f'kuntratt ma' fornitur tas-servizz, il-fornitur irid jipprovdik b'din l-informazzjoni (jew jiżgura li tista' tiksibha malajr u bla problemi fi kwalunkwe ħin):
- l-isem u l-indirizz ġeografiku
- l-email jew is-sit web
- in-numru ta’ reġistrazzjoni tal-kumpanija
- it-titlu professjonali u d-dettalji tal-VAT (jekk applikabbli)
- l-assoċjazzjoni professjonali li qiegħed fiha l-fornitur (jekk applikabbli)
- kwalunkwe informazzjoni oħra li tippermetti l-kuntatt malajr u effettiv magħhom.
Il-kuntratti jridu jkunu miktubin b'lingwa normali li tinftiehem u ma jistax ikun fiha
termini ta' kuntratt inġusti
English.
Abbonamenti tal-internet
Il-fornitur irid jagħtik tagħrif dwar:
- il-prezzijiet, ir-rati u l-miżati applikabbli, inklużi l-għażliet u l-pakketti
- it-termini u kondizzjonijiet standard
- il-kwalità tas-servizz (pereżempju, il-veloċità tad-downloads).
Storja bħala eżempju
Laura mir-Rumanija riedet iddaħħal konnessjoni tal-internet fid-dar imma ma kinetx ċerta dwar il-kwalità tas-servizzi pprovduti mill-pakketti varji li kienu qed jiġu offruti.
B'xorti tajba - kif meħtieġ bil-liġi - il-fornituri kollha tas-servizz taw biżżejjed dettalji fis-siti tagħhom. U Laura setgħet tikseb aktar tagħrif mill-awtoritajiet regolatorji nazzjonali Rumeni għall-komunikazzjonijiet elettroniċi.
Il-fornitur għandu wkoll:
- javżak sew minn qabel jekk ikun irid jibdel il-kuntratt (bħal pereżempju jgħolli r-rati)
- jippermettilek toħroġ mill-kuntratt mingħajr ma tiġi ppenalizzat jekk ma taċċettax il-kondizzjonijiet il-ġodda
- joffri perjodi tal-kuntratt minimi raġjonevoli - pereżempju sena. Kuntratti minimi ta' sentejn jew aktar huma illegali.
Storja bħala eżempju
Eric xtaq idaħħal l-internet fl-appartament waqt is-sena skambju universitarju li kellu f'Londra - iżda bosta fornituri qalulu li l-abbonament minimu kien ta' sentejn.
Wara li kkonsulta l-awtorità nazzjonali għall-komunikazzjonijiet elettroniċi u li tgħarraf dwar drittijietu, Eric reġa' kkuntattja l-fornituri u rnexxilu jagħmel abbonament ta' sena biss.