Università

Aġġornat : 3/2013

Skambji ta' studenti

Erasmus l-istudju f'pajjiż barrani

Jekk int student, jista' jkollok l-opportunità li tmur fuq skambju f'pajjiż barrani tal-programm Erasmus bħala parti mill-istudji tiegħek, jew li tispiċċa apprendistat f'kumpanija.

Meta tistudja permezz ta' skambju ta' Erasmus:

ma jkollokx tħallas il-miżati għar-reġistrazzjoni jew għat-tagħlim lill-università li tospitak
l-istudji f'pajjiż barrani jgħoddu bħala parti integrali tal-grad tiegħek
tingħata għotja mill-UE għall-ispejjeż ta' kuljum u tal-ivvjaġġar.

L-għarfien tal-perjodu ta' studju tiegħek barra pajjiżek

L-università f'pajjiżek għandha tagħti għarfien lill-perjodu tiegħek ta' studju f'pajjiż barrani bħala parti mill-grad tiegħek, bil-kundizzjoni li int tispiċċa l-programm ta' studju miftiehem minn qabel tal-iskambju tiegħek.

Programm bi grad konġunt

B'Erasmus Mundus, tista' tirreġistra għal programm ta' grad postuniversitarju offrut b'mod konġunt minn universitajiet ibbażati f'diversi pajjiżi tal-UE – f'ċerti każijiet, anki f'pajjiżi barra l-Ewropa. Tista' tistudja jew twettaq riċerka f'tal-anqas żewġ pajjiżi – u tingħata grad konġunt, doppju jew multipli bħala riżultat. Il-boroż ta' studju għal Erasmus Mundus huma disponibbli għall-istudenti mill-Ewropa u madwar id-dinja kollha.

interessat? Iċċekkja onlajn il-programmi tal-Master's u tal-PhD li jieħdu sehem f'Erasmus Mundus.

Partenarjati lil hinn mill-fruntieri tal-UE

Il-boroż ta' studju Erasmus Mundus jistgħu jappoġġaw ukoll partenarjati ma' universitajiet minn firxa ta' pajjiżi u ta' reġjuni mad-dinja kollha.

Dawn il-boroż ta' studji jgħinu lill-istudenti Ewropej jistudjaw f'pajjiżi li mhumiex fl-UE, u lil dawk li mhumiex Ewropej biex jiġu f'universitajiet tal-UE. Sib aktar tagħrif dwar il-partenarjati li joffru boroż ta' studju liċ-ċittadini ta' pajjiżek.

Interessat fil-kooperazzjoni akkademika tal-UE mal-Awstralja, il-Ġappun, in-New Zealand u r-Repubblika tal-Korea? Iċċekkja l-Programm ta' Kooperazzjoni.

Żur l-uffiċċju tar-relazzjonijiet internazzjonali tal-università tiegħek

Forsi l-università li tattendi fiha tipparteċipa fi programmi ta' skambju internazzjonali oħrajn. Tista' ssib aktar informazzjoni dwar Erasmus u opportunitajiet ta' skambju oħrajn mill-uffiċċju tar-relazzjonijiet internazzjonali tal-università tiegħek.

Għad għandek bżonn l-għajnuna?

Ma sibtx dak li kont qed tfittex? Għandek problema xi ssolvi?