Tistabbilixxi negozju ġdid

Aġġornat 05/2011

L-Artikolu 49 tat-Trattat dwar il-Funzjonament tal-UE (il-prinċipju tal-libertà ta' stabbiliment) jippermetti lill-intraprendituri jiftħu kumpanija f'kull pajjiż tal-UE.

Libertà tal-istabbiliment (l-Artikolu 49 tat-TFKE) [144 KB]

L-UE qed tagħmilha eħfef u irħas li wieħed jiftaħ kumpanija ġdida bis-saħħa ta' "punti ta' kuntatt wieħed" elettroniċi u ta' "uffiċċji fiżiċi għall-qadi kollu".

Punti ta’ kuntatt wieħed

Id-Direttiva Ewropea tas-Servizzi tobbliga lill-pajjiżi tal-UE jissimplifikaw il-proċeduri kollha involuti fil-bidu u fit-twettiq ta' attività ta' servizz. Minn Diċembru 2009 l-kumpaniji u l-individwi jistgħu jimlew onlajn il-formalitajiet kollha meħtieġa, bħall-awtorizzazzjoni, in-notifiki, il-liċenzji ambjentali, permezz ta' "punti ta' kuntatt wieħed".

Il-"punti ta' kuntatt wieħed" huma portali tal-gvern-e li kellhom jiġu stabbiliti f'kull pajjiż mill-amministraturi pubbliċi. Tista' tuża l-"punti ta' kuntatt wieħed":

biex takkwista informazzjoni dettaljata dwar kif tinnegozja barra pajjiżek jew f'pajjiżek;
biex timla l-formalitajiet amministrattivi li jikkonċernaw l-istabbiliment ta' negozju jew ta' għoti ta' servizzi bejn il-fruntieri.
Punti ta’ kuntatt wieħed fil-pajjiżi tal-UE
Direttiva tas-Servizzi
Għoti ta' servizzi - Unjoni Ewropea

Uffiċċji għall-qadi kollu:

Matul il-Kunsill tar-Rebbiegħa tal-2006, il-gvernijiet nazzjonali qablu dwar sensiela ta' simplifikazzjonijiet biex kumpanija tkun tista' titwaqqaf aktar malajr u b'anqas spejjeż kullimkien fl-Ewropa. Dawn is-simplifikazzjonijiet jirrikjedu proċeduri b'anqas spejjeż u aktar mgħaġġlin u l-implimentazzjoni ta' uffiċċju għall-qadi kollu tal-proċeduri amministrattivi kollha għall-ftuħ ta' kumpanija.

Konklużjonijiet tal-Kunsill tar-Rebbiegħa 2006 (23/-24 ta' Marzu) [253 KB]

Dan l-impenn kien imġedded fl-Att dwar in-Negozji ż-Żgħar fejn, barra dan, il-pajjiżi tal-UE ukoll ikkommettew ruħhom biex inaqqsu ż-żmien meħtieġ biex jinkisbu l-liċenzji ta' negozju.

Att dwar in-Negozji ż-Żgħar

Il-Kunsill Ewropew ta' Diċembru 2008 adotta l-Pjan Ewropew għall-Irkupru Ekonomiku li jitlob tnaqqis addizzjonali fil-proċeduri tal-ftuħ ta' kumpanija.

Il-Konklużjonijiet tal-Kunsill - Diċembru 2008 [197 KB]

Finalment il-komunikazzjoni dwar ir-reviżjoni tal-Att dwar in-Negozji ż-Żgħar għall-Ewropa żiedet ċerti miri speċifiċi.

Reviżjoni tal-Att dwar in-Negozji ż-Żgħar għall-Ewropa [122 KB]

Attwalment il-miri rikjesti mill-pajjiżi tal-UE huma li:

jistabbilixxu xi forma ta' uffiċċju għall-qadi kollu għat-twaqqif ta' negozji ġodda biex b'hekk l-intraprendituri jkunu jistgħu jwettqu l-proċeduri kollha meħtieġa (pereżempju r-reġistrazzjoni, it-taxxi, il-VAT u s-sigurtà soċjali) permezz ta' punt ta' kuntatt amministrattiv wieħed, jew fiżiku (uffiċċju), virtwali (web), jew it-tnejn li huma;
inaqqsu żmien biex jiġi reġistrat negozju ġdid għal 3 ijiem ;
inaqqsu l-ħlasijiet għall-ftuħ ta' negozju għal anqas minn €100.

Għalkemm il-konformità tjiebet, il-livell tal-kisbiet ivarja sew minn pajjiż għal ieħor.

Proċeduri għall-ftuħ ta' negozju: progress fl-2010

L-UE se tissorvelja t-twettiq ta' dawn l-impenji mill-gvernijiet nazzjonali.

Minbarra proċeduri għall-ftuħ ta' negozji bla problemi, kwalunkwe negozju ġdid li jrid jagħmel suċċess jeħtieġ strateġija kummerċjali tajba u finanzjament sikur.

Aċċess għall-finanzi

Ara wkoll il-leġiżlazzjoni fuq dan is-suġġett fi:

Tistabbilixxi negozju ġdid

Punti ta’ kuntatt wieħed

Uffiċċji għall-qadi kollu:

Għad għandek bżonn l-għajnuna?

Aktar għajnuna

Tistabbilixxi negozju ġdid

Punti ta’ kuntatt wieħed

Uffiċċji għall-qadi kollu:

Testi legali

Dokumenti ewlenin

Għad għandek bżonn l-għajnuna?

Aktar għajnuna