Ħlas tat-taxxi

Aġġornat 09/2011

It-taxxi jistgħu jkunu diretti (mingħand il-kontributuri tat-taxxa) jew indiretti (miġbura minn intermedjarju li mbagħad japplikahom fuq il-kontributur li jmiss fil-katina ta' produzzjoni jew il-konsumatur finali).

Tassazzjoni diretta

Il-pajjiżi tal-UE huma ħielsa b'mod wiesa' li jfasslu s-sistema ta' taxxa diretta sabiex jilħqu l-għanijiet u l-ħtiġijiet tal-politika domestika. Huwa importanti li jżommu f'moħħhom li għandhom jirrispettaw il-moviment ħieles tal-prodotti, il-persuni, is-servizzi u l-kapital u l-prinċipju kontra d-diskriminazzjoni.

Dan minħabba l-fatt tal-ħtieġa tal-unanimità għall-adozzjoni ta' leġiżlazzjoni simili.

Taxxa fuq id-dħul

Tassazzjoni tal-kumpaniji

Fil-qasam tat-tassazzjoni tal-kumpaniji, ġew adottati tliet direttivi u għaddejja diskussjoni dwar oħra:

id-Direttiva dwar is-Sussidjarja Ewlenija tiżgura li l-pagament tad-dividendi transkonfinali fi ħdan l-istess grupp ta' kumpaniji stabbiliti f'pajjiżi differenti tal-UE ma jġarrbux tassazzjoni ekonomika doppja;
id-Direttiva tal-UE dwar is-Sussidjarja Ewlenija
id-Direttiva tal-Funzjonijiet għandha l-għan li tnaqqas il-konsegwenzi negattivi tat-taxxa li jirriżultaw minn ristruttrar tan-negozji bejn il-fruntieri fi ħdan l-UE;
id-Direttiva tal-UE dwar l-Inkorporazzjoni
id-Direttiva dwar id-Drittijiet fuq ir-Royalties tipprovdi għat-tneħħija tat-tassazzjoni doppja tal-interessi u r-royalties bejn il-kumpaniji assoċjati li huma residenti f'pajjiżi differenti tal-UE billi teżentahom mit-tassazzjoni fl-istat ta' sors;
It-tassazzjoni tal-Interessi u Royalty fuq pagamenti Transkonfinali fl-UE
id-Direttiva dwar il-Bażi Komuni Konsolidata tat-Taxxa Korporattiva (CCCTB) ġiet proposta mill-Kummissjoni Ewropea fis-16 ta' Marzu 2011. Id-Direttiva għandha l-għan li jitwarrbu l-ostakoli tat-taxxa li jfixklu t-tħaddim tas-Suq Uniku.
id-Direttiva dwar il-Bażi Komuni Konsolidata tat-Taxxa Korporattiva

Minbarra dawn id-direttivi, il-Konvenzjoni ta' Arbitraġġ tindirizza l-problema tal-prezzijiet ta' trasferiment ta' prodotti, servizzi u intanġibbli.

Prezzijiet ta' trasferiment u Konvenzjoni tal-UE dwar l-Arbitraġġ

Inizjattivi oħra tal-Kummissjoni

Inizjattivi reċenti tal-Kummissjoni għandhom l-għan li jippromwovu ż-żieda fil-koordinazzjoni tas-sistemi ta' taxxa diretta fil-pajjiżi tal-UE biex ineħħu l-ostakoli fiskali attwali li jxekklu l-ħidma mingħajr problemi tas-suq uniku.

Il-prinċipji ewlenin tal-koordinazzjoni f'dan il-qasam jikkonsistu:

fl-eliminazzjoni tad-diskriminazzjoni u t-tassazzjoni doppja;
fil-prevenzjoni ta' tassazzjoni mhux maħsuba u l-abbuż;
fit-tnaqqis tal-infiq tal-konformità assoċjata mal-fatt li tkun soġġett għal aktar minn sistema waħda ta' taxxa.

L-għan li jiġu kkoordinati s-sistemi mhux armonizzati ta' taxxa diretta tal-pajjiżi tal-UE huwa li jagħmilhom aktar kompatibbli mhux biss mal-liġi tal-UE iżda wkoll ma' xulxin.

Komunikazzjoni dwar il-koordinazzjoni tas-sistemi ta' taxxa diretta tal-pajjiżi tal-UE [142 KB]

S'issa l-Kummissjoni nediet inizjattivi speċifiċi dwar il-koordinazzjoni fil-qasam tat-tassazzjoni tal-ħruġ, trattament ta' taxxa għat-telf bejn il-fruntieri għal kumpaniji u gruppi, kif ukoll il-miżuri kontra l-abbuż, fil-qasam tat-tassazzjoni diretta – fi ħdan l-UE u f'relazzjoni mal-pajjiżi li mhumiex membri tal-UE.

Inizjattiva oħra hi r-rakkomandazzjoni dwar il-proċeduri għall-ħelsien mit-taxxa minn ras il-għajn, li tikkonċerna l-proċeduri applikati mill-pajjiżi tal-UE biex jingħata ħelsien mit-taxxa minn ras il-għajn fuq titoli ta' dħul ta' flus transkonfinali.

Rakkomandazzjoni dwar il-proċeduri għall-ħelsien mit-taxxa minn ras il-għajn [29 KB]

Inforza drittijietek

Kull minn jaħseb li kien soġġett għal imġiba diskriminatorja fir-rigward tat-taxxi, li mhix kompatibbli mal-liġi tal-UE, jista' jressaq ilment lill-Kummissjoni Ewropea.

Jekk l-ilment ikun fattibbli, il-Kummissjoni tista' tiftaħ proċedimenti ta' ksur. Madankollu, proċedimenti simili se jservu biss biex ineħħu l-aspetti diskriminatorji mil-leġiżlazzjoni nazzjonali jew il-prattika in kwistjoni.

L-ilmenti, irrispettivament mir-riżultat ta' kwalunkwe azzjoni Komunitarja, ma jħarsux id-drittijiet ta' min iressaq l-ilment fuq livell nazzjonali. Għaldaqstant, għandhom jagħmlu użu mill-proċedimenti nazzjonali biex iżommu l-każijiet tagħhom miftuħin.

Ksur tal-liġi
Ressaq ilment

Tassazzjoni indiretta

Skont it-Trattat dwar il-Funzjonament tal-Unjoni Ewropea, l-UE għandha l-kompetenza li tarmonizza t-taxxa indiretta. Din tinkludi t-taxxa bażika u r-rati biex ikunu evitati żbilanċi fis-suq tal-UE.

Artikolu 113 tat-Trattat dwar il-funzjonament tal-UE. [842 KB]

VAT

L-UE għandha sistema komuni ta' VAT. Madankollu, il-pajjiżi tal-UE għandhom ċertu ammont ta' flessibilità inkluż l-issettjar tar-rati tal-VAT.

Sistema komuni ta' taxxa fuq il-valur miżjud
VAT u negozju

Taxxi tas-sisa

L-UE armonizzat l-istruttura u stabbilixxiet għadd ta' rati minimi għad-dazji tad-dwana - it-taxxi indiretti dwar il-konsum jew l-użu ta' ċerti prodotti – fuq l-alkoħol, it-tabakk u l-enerġija.

Dazji tas-sisa fuq l-alkoħol, it-tabakk u l-enerġija

Riżorsi

L-UE żviluppat għadd ta' bażijiet tad-dejta speċifiċi dwar it-taxxa, li joperaw flimkien mad-dwana u s-servizzi ta' tassazzjoni nazzjonali.

Bażijiet tad-dejta tal-UE dwar it-taxxa

Programmi

Il-programm Fiscalis 2013 jgħin lill-amministrazzjonijiet tat-taxxa fil-pajjiżi tal-UE biex jimplimentaw u jtejbu s-sistemi ta' tassazzjoni indiretta.

B'baġit ta' €156.9 miljun għall-perjodu 2008-2013, il-programm għandu l-għan li jagħmel lill-awtoritajiet tat-taxxa aktar effiċjenti permezz ta' żieda fil-kooperazzjoni u t-tnaqqis tal-piżijiet amministrattivi fuq persuni u kumpaniji taxxabbli.

Programm Fiscalis

Ara wkoll il-leġiżlazzjoni fuq dan is-suġġett fi: