Persunal

Aġġornat 05/2011

Suq tax-xogħol madwar l-UE

Il-moviment ħieles tal-ħaddiema huwa prinċipju ewlieni għall-UE. Dan jippermetti lil kull ċittadin tal-UE jaħdem fi kwalunkwe pajjiż tal-UE mingħajr permess tax-xogħol.

Dan jgħin lil min iħaddem biex isib staff bi profil adegwat, speċjalment jekk ikun hemm nuqqas ta' kandidati f'pajjiżhom. Il-reklutaġġ ta' ħaddiema barranin jista' wkoll joħloq ambjent kreattiv fin-negozju.

Min jimpjega għandu japplika l-istess regoli għall-ħaddiema minn pajjiżi oħra tal-UE – pereżempju aċċess għax-xogħol, kundizzjonijiet ta' xogħol li jinkludu paga u liv annwali mħallas u tkeċċija - hekk kif japplikaw għall-istaff nazzjonali. Ma jistgħux jimponu kundizzjonijiet ulterjuri.

Moviment ħieles tal-ħaddiema
Artikolu 45 tat-Trattat dwar il-funzjonament tal-UE. [842 KB]

Ħaddiema mill-pajjiżi l-ġodda tal-UE jistgħu jaffrontaw restrizzjonijiet temporanji, iżda mhux għal aktar minn seba' snin wara li pajjiżhom ikun issieħeb fl-Unjoni, jiġifieri sal-31 ta' Diċembru 2013 għaċ-ċittadini Bulgari u Rumeni:

Il-pajjiżi l-ġodda tal-UE - restrizzjonijiet temporanji għas-suq tax-xogħol mal-adeżjoni

Ħaddiema mibgħuta jaħdmu barra minn pajjiżhom

Meta jkun hemm servizz provdut barra l-pajjiż, min iħaddem jista' jibgħat xi ftit mill-istaff biex jaħdmu f'pajjiż ieħor tal-UE.

Ir-regoli tal-UE jħarsu d-drittijiet u l-kundizzjonijiet tax-xogħol ta' dawn il-ħaddiema u jevitaw "dumping soċjali". Għaldaqstant, il-kundizzjonijiet tax-xogħol għal ħaddiema mibgħuta barra l-pajjiż għandhom jirriflettu dawk tal-ħaddiema fil-pajjiż li jospitahom.

Filwaqt li għandu jitneħħa kull ostaklu għall-moviment ħieles tas-servizzi, għandu jinżamm il-ħarsien tal-ħaddiema mibgħuta barra mill-pajjiż.

Kundizzjonijiet minimi tal-ħaddiema mibgħuta barra

Rikonoxximent ta' kwalifiki professjonali

Meta jintgħażel l-istaff fis-suq tax-xogħol madwar l-UE, jista' jkun hemm bżonn ta' kwalifiki professjonali, diploma, esperjenza jew għarfien ta' ċerta lingwa. L-UE ddefinixxiet sett ta' regoli għar-rikonoxximent tal-kwalifiki professjonali, notevolment dan jippermetti r-rikonoxximent awtomatiku f'xi setturi – tobba, infermiera, dentisti, qwiebel, veterinarji, spiżjara, periti - jew ir-rikonoxximent reċiproku.

Rikonoxximent ta' kwalifiki professjonali

L-awtoritajiet għandhom jirrikonoxxu l-esperjenza tax-xogħol miksuba f'pajjiżi oħra tal-UE skont l-istess kundizzjonijiet bħall-esperjenza miksuba fil-pajjiż oriġinarju.

Sigurtà soċjali

L-obbligi u d-drittijiet nazzjonali fir-rigward tas-sigurtà soċjali japplikaw għall-istaff kollu, kemm jekk huma mill-pajjiż jew pajjiż ieħor tal-UE. Kull pajjiż tal-UE għandu s-sistema tas-sigurtà soċjali tiegħu għax dan huwa dominju nazzjonali esklużiv.

Madankollu, bis-saħħa tal-koordinazzjoni ta' dawn is-sistemi nazzjonali, il-ħaddiem jew l-irtirati u persuni oħra koperti mis-sigurtà soċjali jistgħu jżommu d-drittijiet tagħhom għas-sigurtà soċjali, li jinkludu l-pensjonijiet u l-kura tas-saħħa, meta jimxu minn pajjiż tal-UE għal ieħor.

Drittijiet tas-sigurtà soċjali fl-UE

Nilħqu r-regoli minimi soċjali

L-amministrazzjoni tal-istaff tfisser ukoll li jintlaħqu r-regoli soċjali minimi speċjalment in-nondiskriminazzjoni, l-ugwaljanza bejn is-sessi kif ukoll is-saħħa u s-sigurtà.

Osservazzjoni tar-regoli soċjali - L-Unjoni Ewropea

Riżorsi

EURES, il-portal Ewropew dwar il-mobilità fix-xogħol, joffri tagħrif lil min iħaddem u appoġġ dwar ir-reklutaġġ madwar l-UE. Jagħti wkoll appoġġ lil min qed ifittex xogħol, jgħin lill-intraprendituri jsibu ħaddiema minn madwar l-UE. Fir-reġjuni tal-fruntieri, EURES jipprovdi tagħrif dwar l-ivvjaġġar transkonfinali u jgħin lill-ħaddiema u lil min iħaddem bil-problemi li jistgħu jiffaċċjaw.

Dwar EURES
EURES - punti ta' kuntatt

Ara wkoll il-leġiżlazzjoni fuq dan is-suġġett fi:

Għad għandek bżonn l-għajnuna?

Aktar għajnuna

Enterprise Europe Network jipprovdi tagħrif u pariri lin-negozji u l-istaff amministrattiv.

Dwar Enterprise Europe Network
Enterprise Europe Network – punti ta’ kuntatt

SOLVIT jgħin lin-negozji jsolvu l-problemi li jqumu meta l-awtoritajiet nazzjonali japplikaw b'mod ħażin ir-regoli tas-suq tal-UE.