Mogħdija tan-navigazzjoni

Iftaħ fergħa

Aġġornat 09/2011

Kull negozju stabbilit b’mod legali f’pajjiż tal-UE jista’ jiftaħ stabbiliment sekondarju (uffiċċju, aġenzija, fergħa jew sussidjarja) f’pajjiż ieħor tal-UE.

Tipi ta’ stabbilimenti sekondarji

In-negozji jistgħu jwaqqfu tipi differenti ta’ stabbilimenti sekondarji:

  • uffiċċju - jirrappreżenta l-kumpanija u jagħti informazzjoni dwar il-prodott iżda fit-teorija ma jwettaqx attivitajiet kummerċjali;
  • aġenzija – tagħmilha ta’ rappreżentant għall-kumpanija;
  • fergħa – hi entità aktar indipendenti li twettaq kummerċ f’isimha iżda li taġixxi f’isem il-kumpanija;
  • sussidjarja - hi entità inkorporata mwaqqfa fil-pajjiż ospitanti tal-UE, b’konformità ma’ waħda mill-forom legali ta’ kummerċ nazzjonali, li l-kapital tagħha jkun jew kollu fil-pussess tal-kumpanija ewlenija (kumpanija b'membru wieħed rikonoxxuta fil-pajjiż kollha tal-UE) jew ikkontrollata mid-ditta ewlenija b’kollaborazzjoni ma’ soċji lokali b’minorità (sussidjarja konġunta).

Filwaqt li l-uffiċċji, l-aġenziji u l-fergħat ma għandhomx personalità legali, is-sussidjarji huma legalment indipendenti mill-kumpanija ewlenija.

Rekwiżiti

Sabiex jitwaqqaf stabbiliment sekondarju f’pajjiż ieħor tal-UE, in-negozji għandhom:

  • jirrispettaw il-kodiċijiet professjonali ta’ etika;
  • jakkwistaw l-awtorizzazzjonijiet meħtieġa;
  • jivverifikaw il-kwalifiki meħtieġa;
  • jivverifikaw ir-rekwiżiti tat-taxxa.

Fil-pajjiżi tal-UE kollha, il-fergħat għandhom:

  • jirreġistraw fir-reġistri tal-kumpaniji, mal-awtoritajiet tat-taxxa u tal-VAT u mal-uffiċċji tas-sigurtà soċjali;
  • jippubblikaw informazzjoni – li tkun l-istess fil-pajjiżi tal-UE kollha – dwar il-kumpanija li tikkontrolla u l-attivitajiet tagħhom.

Is-sussidjarji għandhom ukoll jgħaddu mill-proċeduri legali ta' reġistrazzjoni fil-pajjiż ospitanti.

Il-maniġers tal-uffiċċji u tal-aġenziji għandhom jirreġistraw mal-kmamar tal-kummerċ, jiksbu l-awtorizzazzjoni u jivverifikaw l-obbligi tat-taxxa u tas-sigurtà soċjali fil-pajjiż ospitanti.

Punti ta’ kuntatt uniku

Il-"punti ta' kuntatt uniku" huma portali tal-gvern-e li kellhom jiġu stabbiliti f'kull pajjiż mill-amministraturi pubbliċi. Tista' tuża l-"punti ta' kuntatt uniku":

Ara wkoll il-leġiżlazzjoni fuq dan is-suġġett fi:

Tgħix u tiċċaqlaq fl-Ewropa

Mistoqsijiet dwar l-UE?
  • 00 800 6 7 8 9 10 11
  • Email
  • Ċentri tal-Europe Direct
  • web chat
Għad għandek bżonn l-għajnuna?

Għad għandek bżonn l-għajnuna?

Aktar għajnuna

Enterprise Europe Network jagħti informazzjoni u pariri lin-negozji dwar tipi differenti ta’ stabbilimenti sekondarji.

  • Dwar Enterprise Europe Network English
  • Enterprise Europe Network – punti ta’ kuntatt English

SOLVIT jgħin lin-negozji jittrattaw problemi li jinħolqu meta l-awtoritajiet nazzjonali japplikaw b’mod ħażin ir-regoli tas-suq tal-UE.

Jekk tixtieq tistabbilixxi negozju jew toffri servizzi temporanji f'pajjiżi differenti fiż-żona tal-UE/ŻEE (is-27 stat membru tal-UE, flimkien mal-Islanda, il-Liechtenstein u n-Norveġja), żur it-taqsima 'Punti ta' Kuntatt Waħdieni (PKW)' - Membri tan-Netwerk EUGO - li jgħinuk timla’ l-proċeduri amministrattivi meħtieġa onlajn! Ikseb  it-tagħrif li teħtieġ u ssottometti onlajn l-applikazzjonijiet tiegħek lill-awtoritajiet responsabbli. M’għandekx għalfejn tħabbel rasek li trid toqgħod tikkuntattja bosta awtoritajiet differenti waħda waħda - il-PKW se jagħmel dan għalik!