Komunikazzjoni

Kif tgħid grazzi lin-nies li joqogħdu fi Bratislava? X'inhuma l-prefissi internazzjonali tat-telefown? Kemm tħallas biex tuża mowbajl lejn pajjiżi oħra? Skopri dan kollu f'din it-taqsima.

Lingwi

L-Ewropa hi għanja fl-ilsna. Il-familji lingwistiċi ewlenin fl-UE jinkludu dawk tal-lingwi Ġermaniċi, Romanzi, Slavi, Baltiċi u Ċeltiċi. L-istituzzjonijiet tal-UE għandhom 23 lingwa uffiċjali iżda hemm ħafna oħrajn inqas mitkellma. Hemm aktar informazzjoni dwar il-lingwi Ewropej, il-ħiliet lingwistiċi tal-popli Ewropej u l-programmi tal-Kummissjoni għat-tħeġġiġ tat-tagħlim tal-lingwi fil-websajt tal-Kummissjoni dwar il-lingwi. Tista' tisma' wkoll eżempji ta' kif jinstemgħu l-lingwi meta mitkellma.

Ħafna Ewropej jitkellmu mill-anqas lingwa oħra barra mil-lingwa nattiva tagħhom u 'l fuq minn kwart tal-popolazzjoni adulta titkellem mill-anqas żewġ lingwi barranin. Madankollu, matul il-vjaġġi tiegħek fl-Ewropa, ipprova uża xi frażijiet tal-lingwa lokali meta titkellem man-nies lokali. Hawn għandek issib kif tgħid "grazzi":

Bulgaru Blagodarya Ċek Děkuji Daniż Tak Olandiż Bedankt Ingliż Thank you Estonjan Aitäh Finlandiż Kiitos Franciż Merci Germaniż Danke Grieg Efkaristo Ungeriż Köszönöm Irlandiż Go raibh maith agat

Taljan Grazie Latvjan Paldies Litwan Ačiū Malti Grazzi Pollakk Dziękuję Portugiż Obrigado Rumen Mulţumesc Slovakk Ďakujem Sloven Hvala Spanjol Gracias Svediż Tack

Telefown

Hemm biss prefiss wieħed biex tagħmel telefonati internazzjonali tkun fejn tkun fl-UE. Dan hu 00.

Il-kowds tal-pajjiżi huma:

L-Awstrija 43 Il-Belġju 32 Il-Bulgarija 359 Ċipru 357 Ir-Repubblika Ċeka 420 Il-Ġermanja 49 Id-Danimarka 45 Spanja 34 L-Estonja 372 Franza 33 Il-Finlandja 358 Ir-Renju Unit 44 Il-Greċja 30 L-Ungerija 36

L-Italja 39 L-Irlanda 353 Il-Lussemburgu 352 Il-Litwanja 370 Il-Latvja 371 Malta 356 Il-Pajjiżi l-Baxxi 31 Il-Portugall 351 Il-Polonja 48 Ir-Rumanija 40 L-Isvezja 46 Is-Slovakja 421 Is-Slovenja 386

Telefowns ċellulari

Tista' tuża t-telefown ċellulari tiegħek kullimkien fl-Ewropa u f'ħafna naħat tad-dinja minħabba l-istandard tekniku tal-GSM tal-UE. Bis-saħħa tar-regoli dwar ir-roaming tal-UE, il-prezz biex iċċempel meta tkun barra pajjiżek fl-UE issa hu 68% orħos mill-2006 u l-prezz ta' sejħiet li tkun qed tirċievi niżel b'81%. Sadattant, il-prezz biex tibgħat messaġġi qosra bir-roaming naqas b'60% mill-2009 meta ġew introdotti l-limiti tal-prezzijiet. Ħlas għal kull sekonda ġie introdott wara l-ewwel 30 sekonda ta' sejħiet li jsiru u mill-ewwel sekonda ta' sejħiet li jittieħdu.

Massimu ta' Ewrotariffa fil-minuta għall-prezz tar-roaming f'ewro (mingħajr VAT)

	Ħlas medju Sajf 2006	L-1 ta' Lulju 2011 – it-30 ta' Ġunju 2012
Sejħiet b'vuċi rrikordjata barra pajjiżek	€ 1.10	€ 0.35
Sejħiet b'vuċi rrikordjata li jaslulek waqt li tkun barra pajjiżek	€ 0.58	€ 0.11
SMS mibgħut minn barra pajjiżek	-	€ 0.11
SMS li jasalek meta tkun barra pajjiżek	-	Bla ħlas

L-operaturi huma liberi li joffru rati orħos, jiġifieri fittex l-aħjar prezzijiet.

Il-konsumaturi issa jirċievu messaġġ awtomatiku tal-prezzijiet li japplikaw għat-telefonati, messaġġi u servizzi ta' dejta roaming bħal tfittix fuq l-internet jew tniżżil ta' films. Ġew introdotti pakketti ta' sejħiet bl-ingrossa għall-prezzijiet mitluba bejn operaturi li għandhom iwasslu għat-tnaqqis fil-ħlas mill-konsumaturi. Ġie introdott mekkaniżmu biex jipproteġi lill-konsumaturi milli "jieħdu xokk minħabba l-kont" ta' servizzi ta' dejta roaming, dan ifisser li wara li tingħata twissija, il-konnessjoni mal-internet tal-mowbajl tal-konsumatur meta jkun barra pajjiżu tinqata' meta l-kont tiegħu jilħaq limitu speċifikat. Jekk il-konsumatur ma jispecifikax limitu, qtugħ b'difolt b'limitu ta' €50 fix-xahar jiġi applikat.

Teżisti websajt tal-UE li telenka l-Ewrotariffi offruti mill-operaturi f'27 pajjiż tal-UE u li għandha links għall-websajts tagħhom. It-tariffi meta tibgħat il-messaġġi jew tuża s-servizzi tad-dejta wkoll jistgħu jitqabblu.

Ċarġer komuni

Bħala riżultat tal-inizjattiva tal-UE, kważi l-manifatturi kollha tal-mowbajls li jikkollegaw id-dejta segwew standard ġdid Ewropew billi pprovdew kompatibilità ma' ċarġer komuni. Mowbajls u ċarġers kompatibbli qed ikunu gradwalment introdotti fis-suq Ewropew fl-2011.

Posta

Il-bolol jistgħu jintużaw biss fil-pajjiż fejn tixtrihom, anki jekk ikollhom il-prezz bl-ewro.

Elettriku

L-Ewropa kollha tuża kurrent ta' 220-240 volt, b'50 ċiklu jalterna. Ċipru, l-Irlanda, Malta u r-Renju Unit għandhom plaggijiet ta' bi tlieta, iżda, b'mod ġenerali, il-pajjiżi l-oħra kollha jużaw plaggijiet ta' bi tnejn. Jista' jkun li dawn ma jkunux kullimkien l-istess iżda suppost li tkun tista' tuża l-apparat li jkollok, bħalma huma hairdryers u magni tal-leħja, kullimkien. Fl-ajruporti u f'postijiet turistiċi normalment tkun tista' ssib tixtri adapters apposta.