Ir-Rokna tal-Għalliema

Materjal tat-tagħlim interessanti dwar l-Unjoni Ewropea

Merħba fir-Rokna tal-Għalliema! Dan hu l-post ewlieni fejn issib firxa wiesgħa ta' materjal tat-tagħlim dwar l-Ewropa. Il-materjal ġie provdut minn istituzzjonijiet differenti tal-UE kif ukoll minn entitajiet governattivi jew non-governattivi biex jgħin lit-tfal u ż-żgħażagħ jitgħallmu dwar l-Unjoni Ewropea u l-politiki tagħha.

Dawn il-websajts, fuljetti, kotba, mapep u powsters jispjegaw x'inhi l-UE u x'tagħmel. Jindirizzaw ħafna mill-mistoqsijiet u l-isfidi li tiffaċċja s-soċjetà llum, ngħidu aħna, x'nistgħu nagħmlu biex inħarsu l-ambjent? Kif nistgħu ngħixu flimkien fil-paċi u s-sigurtà?

Kemm jekk qed tfittex ispirazzjoni għal-lezzjonijiet tiegħek u kemm jekk trid tagħrif dwar l-istorja tal-Ewropa, iċ-ċittadinanza jew xi ħaġa speċifika bħal kif tista' tnaqqas il-konsum individwali tal-enerġija, għandek issib xi ħaġa utli apposta skont il-grupp ta’ età tal-istudenti tiegħek. Kemm tikklikkja fuq il-grupp ta' età tal-klassi hawn taħt u ssib il-materjal l-iktar adattat għall-ħtiġijiet ta' tagħlim tiegħek.

Inti mħeġġeġ/mħeġġa wkoll li tgħidilna dak li taħseb dwar il-materjal għat-tagħlim fir-Rokna tal-Għalliema. Ikklikkja fuq “Ir-reviżjoni tiegħek” u mbagħad ikklassifika jew ikkummenta fuq materjal. Inti żviluppajt materjal ta’ tagħlim dwar l-UE? Jekk hu hekk, għaliex ma tikklikjax fuq “Ibgħat” u tibgħatielna? Jekk din tissodisfa l-kriterji tagħna għall-inklużjoni, aħna nippubblikawha fuq is-sit elettroniku.

Gawdi ż-żjara tiegħek!

‘Iklikkja hawn biex issib l-aqwa materjal għal studenti tal-primarja u tas-sekondarja - magħżul minn esperti fl-edukazzjoni minn madwar l-Ewropa kollha.’

COMENIUS - il-programm ta' skambju tal-iskejjel tal-UE

Magħqudin fid-diversità

Introduzzjoni tal-pajjiżi u l-kulturi tal-UE bl-istampi.

Ejja nesploraw l-Ewropa!

Vjaġġ ikkulurit madwar l-Ewropa, li jkopri l-istorja u l-ġeografija.

L-istabbiltà tal-prezzijiet: għaliex hija importanti għalik?

Dan il-kartun animat, il-fuljetti għat-tfal tal-iskola u l-ktejjeb għall-għalliema li jiġu miegħu, huma maħsubin sabiex jagħtu fehim bażiku liż-żgħażagħ dwar l-importanza ta' prezzijiet stabbli.

L-Ewropa fi 12-il lezzjoni

Xi skop għandha l-UE? Għaliex u kif ġiet stabbilita? Kif taħdem?