UNJONI EWROPEA		MT
Brussell, 2 ta' Mejju 2013 (OR. en)
9212/2/13 REV 2
PRESSE 180
Dikjarazzjoni mir-Rappreżentant Għoli, Catherine Ashton, f'isem l-Unjoni Ewropea dwar l-abolizzjoni tal-piena tal-mewt f'Maryland, l-Istati Uniti tal-Amerika

L-Unjoni Ewropea tilqa' bil-qalb l-iffirmar tal-lum mill-Gvernatur Martin O'Malley tal-leġislazzjoni li tabolixxi l-piena tal-mewt fl-Istat ta' Maryland.

L-Unjoni Ewropea tifraħ lill-Gvernatur, lis-Senat u lill-Kamra tad-Delegati għal din id-deċiżjoni storika, li permezz tagħha Maryland sar it-18-il Stat fl-Istati Uniti li abbanduna l-piena kapitali.

L-Unjoni Ewropea tittama bil-qawwa li din id-deċiżjoni tinkoraġġixxi Stati oħrajn tal-Istati Uniti biex isegwu dan l-eżempju u jingħaqdu mal-moviment nazzjonali u dinji li qed jikber favur l-abolizzjoni tal-użu tal-piena kapitali."

Il-Pajjiż Aderenti l-Kroazja^*, il-Pajjiżi Kandidati t-Turkija, dik li kienet ir-Repubblika Jugoslava tal-Maċedonja*, il-Montenegro*, l-Islanda⁺ u s-Serbja*, Il-Pajjiżi tal-Proċess ta' Stabbilizzazzjoni u Assoċjazzjoni u kandidati potenzjali l-Albanija u l-Bosnja-Ħerzegovina u l-pajjiżi tal-EFTA l-Liechtenstein u n-Norveġja, membri taż-Żona Ekonomika Ewropea, kif ukoll l-Ukraina, ir-Repubblika tal-Moldova, l-Armenja, l-Azerbajġan u l-Ġeorgja, jallinjaw ruħhom ma' din id-dikjarazzjoni.

______________________