Navigation path

Left navigation

Additional tools

L-Unjoni Ewropea tapprova EUR 264 miljun biex tgħin 19-il Stat tal-Afrika, il-Karibew u l-Paċifiku jaffaċċjaw il-konsegwenzi tal-kriżi ekonomika

European Commission - IP/10/1091   02/09/2010

Other available languages: EN FR DE DA ES NL IT SV PT FI EL CS ET HU LT LV PL SK SL BG RO

IP/10/1091

Brussell, it-2 ta’ Settembru 2010

L-Unjoni Ewropea tapprova EUR 264 miljun biex tgħin 19-il Stat tal-Afrika, il-Karibew u l-Paċifiku jaffaċċjaw il-konsegwenzi tal-kriżi ekonomika

Il-Kummissjoni Ewropea approvat l-ewwel deċiżjonijiet ta' ffinanzjar fl-ambitu tal-allokazzjoni tal-2010 ta' EUR 264 miljun għall-hekk imsejjaħ mekkaniżmu FLEX għall-Vulnerabbiltà biex tingħata għajnuna lill-aktar pajjiżi vulnerabbli tal-Afrika, il-Karibew u l-Paċifiku b'mod li dawn ikunu jistgħu jaffaċċjaw l-impatt tal-kriżi finanzjarja u tar-reċessjoni ekonomika globali. Il-mekkaniżmu V-FLEX huwa strument għal perjodu qasir li fuq perjodu ta' sentejn ipprovda EUR 500 miljun (2009-2010).

"Il-pajjiżi li qed jiżviluppaw għadhom qed iħabbtuha ma' diffikultajiet konsiderevoli, li jinkludu nuqqas ta' fondi fil-baġits tal-gvernijiet tagħhom, bħala konsegwenza diretta tal-kriżi finanzjarja globali. Din is-sena, dan il-mekkaniżmu tal-UE se jgħin lil 19-il pajjiż biex isostnu l-livell tagħhom ta' infiq pubbliku f'oqsma ta' prijorità, u għalhekk jittaffa l-impatt soċjali tat-tnaqqis fir-ritmu ekonomiku," qal Andris Piebalgs, il-Kummissarju għall-Iżvilupp.

Il-mekkaniżmu FLEX għall-Vulnerabbiltà (V-FLEX) jippermetti lill-Unjoni Ewropea li tintervjeni malajr biex tingħata għajnuna lil dawk il-pajjiżi l-aktar milquta mir-reċessjoni ekonomika minħabba li ma jkunux b'saħħithom biżżejjed biex jilqgħu għal skossi ġejjin minn barra. Fl-2010 dan il-mekkaniżmu se jagħti sostenn, fuq talba tagħhom, lil: Antigwa u Barbuda, il-Benin, il-Burundi, Burkina Faso, il-Kap Verde, ir-Repubblika Ċentru-Afrikana, Grenada, il-Ginea Bissaw, Ħaiti, il-Lesoto, il-Liberja, il-Malawi, ir-Repubblika Demokratika tal-Kongo, Samoa, Sjerra Leone, it-Togo, Tonga, Tuvalu u ż-Żimbabwe. Id-deċiżjoni ta' ffinanzjar favur Burkina Faso (EUR 14-il miljun) u Grenada (EUR 3.5 miljun) ġew adottati llum. Id-deċiżjonijiet finanzjarji favur pajjiżi oħra se jsegwu matul il-ħarifa tal-2010.

Qabel dan, 15-il pajjiż ibbenefikaw minn iffinanzjar ta' EUR 236 miljun taħt il-V-FLEX: Benin, Burundi, ir-Repubblika Ċentro-Afrikana, il-Komoros, Dominika, il-Gana, Grenada, il-Ginea Bissaw, Ħaiti, il-Malawi, il-Mawrizju, is-Seychelles, Sjerra Leone, il-Gżejjer Solomon u ż-Żambja.

Il-kuntest:

L-istrument V-FLEX jaħdem b'mod preventiv fuq il-bażi ta' tbassir ta' telf fiskali u ta' kriterji oħra ta' vulnerabbiltà u jgħin biex jittaffa l-impatt, aktar milli billi jaġixxi wara li tkun saret il-ħsara. Huwa jipprovdi malajr għotjiet immirati u qed jaġixxi b'mod kumplimentari għall-assistenza mill-Bank Dinji li bbażata fuq is-self, mill-Fond Monetarju Internazzjonali u mill-banek ta' żvilupp reġjonali li bl-appoġġ tagħhom huwa ġie żviluppat.

Intervent permezz tal-V-Flex isir wara li jkun hemm talba għalih, u huwa mmirat lejn pajjiżi li għandhom livell għoli ta' vulnerabbiltà ekonomika, soċjali u politika, il-linji politiċi t-tajba biex jiġġieldu l-kriżi, kapaċità suffiċjenti li jassorbu l-fondi, kif ukoll li jkollhom nuqqas ta' fondi fil-baġits tagħhom fejn is-sostenn mill-UE jkun jista' jagħmel id-differenza billi jelimina jew iċekken b'mod sinifikanti dan in-nuqqas.

Il-V-FLEX ta' EUR 500 miljun qed jingħata b'żieda mal-EUR 1 biljun tal-Faċilità tal-Ikel adottata fit-30 ta' Marzu 2009, kif ukoll l-allokazzjoni ta' EUR 200 miljun taħt il-FEŻ fl-2008 biex pajjiżi fit-triq ta' żvilupp jkunu jistgħu jlaħħqu ma' prezzijiet ogħla għall-ikel. Fil-livell nazzjonali, huwa kumplimentari għal strumenti finanzjarji oħra taħt il-baġit tal-UE u tal-Fond Ewropew għall-Iżvilupp.

Anness:

Lista tal-pajjiżi u ammonti maqbula għall-iffinanzjar fl-2009-2010 b'reazzjoni għall-kriżi ekonomika

(f'miljuni ta' euro)

VFLEX

Allokazzjoni għall-2009

VFLEX

Allokazzjoni għall-2010

(ipprogrammata)

Total

Antigwa u Barbuda

/

9

9

Benin

25

13

38

Il-Burundi

13,6

15

28,6

Burkina Faso

/

14

14

Il-Kap Verde

/

9

9

Ir-Repubblika Ċentr-Afrikana

7,6

13

20,6

Il-Komoros

4,7

/

4,7

Dominika

5

/

5

Ir-repubblika Demokratika tal-Kongo

/

50

50

Il-Gana

35

/

35

Grenada

5

3,5

8,5

Il-Ginea Bissaw

8

8,5

16,5

Ħaiti

30

26

56

Il-Lesoto

/

21

21

Il-Liberja

/

12,5

12,5

Il-Malawi

25

19

44

Il-Mawrizju

10,9

/

10,9

Samoa

/

5,5

5,5

Is-Seychelles

9

/

9

Sjerra Leone

12

10

22

Il-Gżejjer Solomon

15,2

/

15,2

It-Togo

/

12

12

Tonga

/

5,5

5,5

Tuvalu

/

1,5

1,5

Iż-Żambja

30

/

30

Iż-Żimbabwe

/

16

16

Total

236

264

500

VFLEX= L-istrument FLEX dwar il-vulnerabbiltà


Side Bar

My account

Manage your searches and email notifications


Help us improve our website