Daqshekk serq fil-prezzijiet tar-roaming: it-tariffi tal-messaġġi, tas-sejħiet, u tal-użu tal-internet waqt is-safar għandhom jorħsu sew mil-lum bis-saħħa tal-azzjoni tal-UE.

IP/09 /1064

Brussell, l-1 ta’ Lulju 2009

Daqshekk serq fil-prezzijiet tar-roaming: it-tariffi tal-messaġġi, tas-sejħiet, u tal-użu tal-internet waqt is-safar għandhom jorħsu sew mil-lum bis-saħħa tal-azzjoni tal-UE .

Mil-lum stess, il-prezz ta' messaġġ testwali mibgħut minn barra l-pajjiż fl-UE jiswa massimu ta' €0.11, kważi tliet darbiet inqas mill-medja ta' qabel fl-UE ta' €0.28 (mingħajr il-VAT). Sejħa bir-roaming għal pajjiż ieħor tal-UE ma għandhiex tiswa iktar minn €0.43 kull minuta, u mhux iktar minn €0.19 biex tirċievi sejħa. Mil-lum, it-tariffi tas-sejħiet li jsiru bir-roaming, se jiġu ddebitati bis-sekonda, wara l-ewwel 30 sekonda, minflok bil-minuta, u t-tariffi tas-sejħiet riċevuti se jiġu ddebitati bis-sekonda mill-ewwel sekonda Persuni li qegħdin vaganza u dawk li jivvjaġġaw minħabba n-neġozju jistgħu jużaw l-internet ukoll, iniżżlu films jew jibagħtu ritratti bil-mowbajl tagħhom bir-roaming mingħajr il-biża li jieħdu qatgħa meta jasal il-kont, bis-saħħa tal-limitu massimu għall-operaturi ekonomiċi. Dawn il-miżuri kollha huma mistennija li jnaqqsu t-tariffi tar-roaming għall-konsumaturi tal-UE b'60% iktar u li jżidu l-użu tal-mowbajl. L-UE ħadet l-ewwel azzjoni fuq ir-roaming fl-2007 meta naqqset il-prezz tas-sejħiet bir-roaming bil-vuċi b'70%.

"Mil-lum, l-Ewropej kollha li jċemplu jew jibagħtu messaġġi bil-mowbajls tagħhom jistgħu jesperjenzaw is-suq uniku tal-UE mingħajr fruntieri. Is-serq fil-prezzijiet tar-roaming issa wasal biex jispiċċa bis-saħħa tal-azzjoni determinata mill-Kummissjoni Ewropea, il-Parlament Ewropew u s-27 Stat Membru kollha tal-UE." qalet il-Kummissarju tat-Telekomunikazzjonijiet Viviane Reding. "Nistenna li r-regoli l-ġodda tar-roaming se jnaqqsu bil-ħafna l-ispiża tal-użu tal-internet mill-mowbajl meta wieħed ikun barra 'l pajjiż fl-UE. Għalissa, ir-regoli tal-UE huma limitati għat-tnaqqis tat-tariffi bejn l-operaturi. Inħeġġeġ lill-industriji tal-mowbajls biex dan l-ffrankar jgħadduh malajr lill-konsumaturi tad-dejta bir-roaming. Il-Kummissjoni u r-regolaturi nazzjonali se jimmontorjaw b'attenzjoni t-tariffi tar-roaming tad-dejta u s-sena d-dieħla se jivvalutaw jekk is-suq tar-roaming finalment huwiex qed isir kompetittiv jew le"

Ir-regoli ġodda tal-UE dwar ir-roaming li huma applikabbli mil-lum:

• Limitu ta' €0.11 (mingħajr VAT) għall-prezz ta' konsumatur li jibagħat messaġġ testwali minn barra l-pajjiż, imqabbel mal-medja attwali ta' €0.28.

• Iktar tnaqqis fil-prezzijiet għal sejħiet bil-mowbajl bir-roaming. Mil-lum, il-limiti massimi huma ta' €0.43 għal sejħiet li jsiru u €0.19 għal sejħiet imwieġba waqt is-safar, li jinżlu għal €0.39 u €0.15 fl-1 ta' Lulju 2010 u għal €0.35 u €0.11 fl-1 ta' Lulju 2011 (prezzijiet kull minuta mingħajr VAT). Sal-bieraħ, il-prezz massimu kien ta' €0.46 għal-sejħiet li jsiru u €0.22 għal sejħiet riċevuti waqt is-safar. Fis-sajf tal-2005, qabel ittieħdet l-azzjoni tal-UE, sejħa bir-roaming fl-UE kellha mnejn tiswa madwar €1.70 kull minuta għal Ġermaniż li juża r-roaming fl-Awstrija, €1.47 għal ċittadin tar-Renju Unit li juża r-roaming fl-Italja u €2.50 għal Belġjan li jċempel minn Ċipru ( MEMO/05/247 ).

• L-introduzzjoni tal-prinċipju tal-kont bis-sekonda għall-ewwel 30 sekonda għal sejħiet roaming magħmula u mill-ewwel sekonda għas-sejħiet riċevuti waqt is-safar. Sa issa, il-konsumaturi qed iħallsu madwar 24% aktar mill-ħin li fil-fatt jikkunsmaw meta jagħmlu jew iwieġbu s-sejħiet.

• Tnaqqis sostanzjali fit-tariffi tal-użu tal-internet u biex jitniżżlu fims jew programmi bil-vidjos b'mowbajl meta wieħed ikun imsiefer b'limitu massimu għall-operaturi ekonomiċi ta' €1 għal kull megabyte imniżżel, meta mqabbel mal-prezz medju għall-operaturi ekonomiċi ta' of €1.68 il-megabyte, bl-ogħla tariffi fl-Irlanda (€6.82), il-Greċja (€5.30) u l-Estonja (€5.10). Il-limitu massimu għall-operaturi ekonomiċi għad-downloading se jonqos matul is-sentejn li ġejjin : sa €0.80 fl-2010 u €0.50 fl-2011. Il-konsumaturi se jkunu informati dwar x'se jħallsu għas-servizzi tad-dejta, minħabba li r-regoli l-ġodda se jirrikjedu lill-operaturi tal-mowbajls jipprovdu (permezz ta' sms jew pop-up window) informazzjoni speċifika għal pajjiż dwar it-tariffi tar-roaming, bla ħlas lill-konsumaturi tagħhom meta dawn jidħlu fi Stat Membru ieħor u jużaw is-servizzi tad-dejta. Ir-regoli l-ġodda se jipproteġu lill-konsumaturi mill-"qtajja' tal-kontijiet" bl-introduzzjoni mekkaniżmu li jaqta' s-servizz meta l-kont jitla' sa €50, sakemm il-konsumatur ma jagħżilx limitu ta' qtugħ ieħor (reċentament Ġermaniż li kien qed iniżżel programmi mit-televiżjoni bir-roaming fi Franza kellu jħabbat wiċċu ma' kont ta' €46,000). L-operaturi għandhom sa Marzu 2010 biex idaħħlu fis-seħħ il-limitu ta' qtugħ tas-servizz.

Ir-regoli l-ġodda dwar ir-roaming, li jżidu mal-ewwel Regolament tal -UE dwar ir-Roaming ( IP/07/870 ), se japplikaw sas-Sajf tal-2012. Il-Parlament Ewropew u l-Kunsill talbu lill-Kummissjoni biex tirrapporta, sas-Sajf 2010, dwar kif ikunu qegħdin jaħdmu r-regoli l-ġodda. Il-Kummissjoni tista' mbagħad tipproponi aktar regoli, jekk meħtieġa, sa tmiem Ġunju 2011.

Sfond:

Ir-Regolament tal-UE dwar ir-Roaming 2007 , ( 2007 EU Roaming Regulation ) , introduċa l-limiti massimi tal-"Euro tariff" għal sejħiet li saru u dawk riċevuti waqt l-ivjaġġar fl-Ewropa. Bħala riżultat, konsumaturi tar-roaming bl-Euro tariff iffrankaw medja ta' 70% mqabbla mal-2005, qabel ma ħadet azzjoni l-UE.

Fl-2008, wara r-reviżjoni tar-regoli tar-roaming, il-Kummissjoni pproponiet li testendihom għal 3 snin, b'regoli ġodda għall-messaġġi testwali u għas-servizzi tad-dejta . F'April tal-2009 l-Parlament Ewropew approva, b'maġġoranza kbira, ir-regoli l-ġodda tar-roaming tal-UE ( IP/09/620 ), u wara fit-8 ta' Ġunju segwa wkoll il-Kunsill tal-Ministri tat-Telekomunikazzjoniet tal-UE ( IP/09/880 ).

Minn mindu fl-2004 l-Kummissjoni preżenti ħadet il-kariga tagħha, l-użu tat-telefonija mobbli fl-UE kiber minn 84.6% għal 119% tal-popolazzjoni totali tal-UE ( IP/09/473 ) .

Għal ħarsa ġenerali fuq it-tariffi tar-roaming ta' kull pajjiż tal-UE, ara l- Websajt tar-Roaming tal-UE:

http://ec.europa.eu/information_society/activities/roaming/index_en.htm

MEMO/09/ 309

ANNEX

Retail caps for roamed voice calls without VAT ( € cents) – as of 1 July 2009

Voice calls

SMS

Roamed calls made

Roamed calls received

Roamed SMS

Prices for making a roamed call including VAT

(1 minute)

Prices for receiving a roamed call including VAT

(1 minute)

Prices for sending a text message including VAT