Trid tieħu sehem fit-tfassil tal-politiki Ewropej? Hemm diversi modi kif tista' tagħmel dan:

• Inizjattiva Ewropea taċ-Ċittadini
• Konsultazzjonijiet pubbliċi
• Petizzjonijiet lill-Parlament Ewropew
• Reġistru għat-Trasparenza
• Ilmenti formali

Inizjattiva Ewropea taċ-Ċittadini

Sejjaħ lill-Kummissjoni Ewropea sabiex tipproponi leġiżlazzjoni dwar kwistjoni li tinteressak - permezz ta' ECI. Sabiex turi li għandha appoġġ wiesa', jinħtieġ li l-inizjattiva tiegħek tiġi ffirmata minn miljun ċittadin tal-UE, minn tal-inqas kwart tal-pajjiżi membri tal-UE (7 minn 27).

• Aktar dwar l-inizjattiva Ewropea taċ-ċittadini
• Skopri kif taħdem il-Kummisjoni Ewropea

Konsultazzjonijiet pubbliċi

Meta l-Kummissjoni tibda taħdem fuq inizjattiva ta' politika ġdida jew tirrevedi leġiżlazzjoni li diġà teżisti, ġeneralment tiftaħ konsultazzjoni pubblika.

Individwi, negozji u organizzazzjonijiet oħra li għandhom interess jew għarfien espert dwar xi suġġett jistgħu jgħinu fit-tiswir tal-abbozz tal-proposta tal-Kummissjoni qabel ma tgħaddi lill-Kunsill u lill-Parlament Ewropew għad-diskussjoni u l-adozzjoni.

• Ara l-konsultazzjonijiet pubbliċi kollha (Il-Vuċi Tiegħek fl-Ewropa)
• Ikseb aktar tagħrif dwar il-konsultazzjonijiet pubbliċi
• SINAPSE e-communities - ngħaqqdu l-esperjenza u t-tfassil tal-politiki Ewropej
• Il-Kummissjoni Ewropea u s-soċjetà ċivili: konsultazzjoni skont il-qasam politiku

Petizzjonijiet lill-Parlament Ewropew

Iċ-ċittadini u r-residenti tal-UE, kif ukoll kumpaniji u organizzazzjonijiet oħra li għandhom il-kwartieri ġenerali tagħhom fl-UE jistgħu jagħmlu petizzjoni lill-Parlament dwar kwistjonijiet relatati ma' politika tal-UE li taffettwahom direttament.

• Ikseb aktar tagħrif dwar il-petizzjonijiet lill-Parlament Ewropew
• Skopri kif jaħdem il-Parlament Ewropew
• Ikkuntattja l-Membru tal-Parlament Ewropew tiegħek

Reġistru għat-Trasparenza

Organizzazzjonijiet u individwi li jaħdmu għal rashom jistgħu juru l-impenn tagħhom li "jimxu skont ir-regoli" meta jagħmlu l-lobbying fl-UE billi jidhru fir-Reġistru għat-Tasparenza komuni bejn il-Parlament u l-Kummissjoni.

• Ikseb aktar tagħrif dwar ir-Reġistru għat-Trasparenza

Ilmenti formali

Inti tista':

• tagħmel ilment lill-Kummissjoni Ewropea - jekk taħseb li pajjiż partikolari tal-UE mhux qed jimplimenta l-liġi tal-UE kif suppost.
• tagħmel ilment lill-Ombudsman Ewropew - jekk taħseb li waħda mill-istituzzjonijiet tal-UE aġixxiet b'mod illegali jew għamlet żball amministrattiv.
• tirrapporta frodi dwar il-finanzjament tal-UE / l-impjegati tal-UE lill-Uffiċċju Ewropew ta' Kontra l-Frodi (OLAF) .
• tikkuntattja lil Europe Direct jekk għandek xi dubju dwar liem hu l-aħjar mod biex tilmenta.