Fonn ort a bheith páirteach i gceapadh an bheartais Eorpaigh? Tá go leor slite ann le déanamh amhlaidh:

• Tionscnamh Eorpach na Saoránach
• Comhairliúcháin phoiblí
• Achainíocha ar Pharlaimint na hEorpa
• Clár na Trédhearcachta
• Gearáin fhoirmiúla

Tionscnamh Eorpach na Saoránach

Iarr ar an gCoimisiún Eorpach reachtaíocht a mholadh ar shaincheist is mór agat - trí TES. Le léiriú go bhfuil tacaíocht leathan aige, caithfidh milliún saoránach de chuid an AE ón gceathrú cuid de bhallstáit an AE ar a laghad (7 gcinn as an 27 ballstát) do thionscnamh a shíniú.

• Breis eolais faoi Thionscnamh Eorpach na Saoránach
• Faigh amach conas a oibríonn an Coimisiún Eorpach

Comhairliúcháin phoiblí

Nuair a thosaíonn an Coimisiún ag obair ar thionscnamh beartais nua nó ar reachtaíocht atá ann faoi láthair a athbhreithniú, seolann sé comhairliúchán poiblí, de ghnáth.

Daoine, lucht gnó agus eagrais eile a bhfuil suim acu in ábhar ar leith nó saineolas air, is féidir leo cuidiú leis an dréacht-togra ón gCoimisiún a mhúnlú sula dtéann sé ar aghaidh chuig an gComhairle agus chuig Parlaimint na hEorpa chun go bpléifear agus go nglacfar é.

• Féach gach comhairliúchán poiblí (Do Ghuth-sa san Eoraip)
• Breis eolais faoi chomhairliúcháin phoiblí
• Pobail fhíorúla SINAPSE - saineolas a nascadh le ceapadh an bheartais Eorpaigh
• An Coimisiún Eorpach is an tsochaí shibhialta:  comhairliúcháin de réir réimse beartais

Achainíocha ar Pharlaimint na hEorpa

Saoránaigh agus cónaitheoirí de chuid an AE chomh maith le cuideachtaí agus eagrais eile a bhfuil a gceanncheathrú san AE, féadfaidh siad achainí a dhéanamh ar an bParlaimint ar shaincheisteanna a bhaineann le beartas an AE a dhéanann difear dóibh go díreach.

• Breis eolais faoi achainíocha ar Pharlaimint na hEorpa
• Faigh amach conas a oibríonn Parlaimint na hEorpa
• Téigh i dteagmháil le do bhall-sa de Pharlaimint na hEorpa

Clár na Trédhearcachta

Is féidir le heagrais is le daoine féinfhostaithe a dtiomantas do "gach rud a dhéanamh de réir rialach" a léiriú agus brústocaireacht á déanamh acu ar an AE trí chlárú i gComhchlár na Trédhearcachta a ghlac an Pharlaimint agus an Coimisiún.

• Breis eolais faoi Chlár na Trédhearcachta

Gearáin fhoirmiúla

Is féidir leat:

• gearán leis an gCoimisiún Eorpach – más dóigh leat ná fuil tír AE ar leith ag cur dhlí an AE chun feidhme i gceart.
• gearán leis an Ombudsman Eorpach – más dóigh leat go bhfuil ceann d'institiúidí an AE tar éis gníomhú go mídhleathach nó tar éis botún riaracháin a dhéanamh.
• calaois le maoiniú ón AE/le foireann de chuid an AE a thuairisciú chuig an Oifig Eorpach Frith-Chalaoise (OLAF) .
• dul i dteagmháil le Europe Direct má tá amhras ort faoin gcaoi is fearr le gearán.