Fostaíocht agus gnóthaí sóisialta

Le go n-éireoidh go maith leis an Eoraip san iomaíocht le geilleagair nua atá ag teacht chun cinn, ní mór di na poist a theastaíonn ó shochaí dhinimiciúil eolasbhunaithe a chruthú. Chuige sin, tá gá le hinfheistíocht san oideachas, san eolaíocht, agus i mbeartais fostaíochta atá in acmhainn cos a choinneáil leis an ráta athraithe agus an AE a thabhairt slán as an ngéarchéim eacnamaíoch.

Léigh an téacs iomlánLéigh an téacs iomlán

Tá an fhreagracht as na beartais i réimse na fostaíochta, na ngnóthaí sóisialta agus an chuimsithe roinnte idir an AE agus a Bhallstáit. Déanann an AE:

comhordú agus faireachán ar bheartais náisiúnta
comhroinnt dea-chleachtais a chur chun cinn i réimsí amhail fostaíocht, bochtaineacht agus eisiamh sóisialta agus pinsin
dlíthe a rith agus faireachán a dhéanamh ar chur chun feidhme na ndlíthe sin i réimsí amhail cearta ag an obair agus comhordú scéimeanna slándála sóisialta.

Breis post agus poist níos fearr

I gcomhréir leis an straitéis fáis Eoraip 2020, tugtar spreagadh i straitéis fostaíochta na hEorpa gníomhaíochtaí a dhéanamh chun:

poist a chruthú
na margaí saothair a neartú agus a chothromú
faireachán a dhéanamh ar bheartais fostaíochta i gcomhar le tíortha an AE

trí na tionscnaimh seo a leanas:

Pacáiste fostaíochta – bearta le poist a spreagadh
Bearta le fostaíocht i measc na n-óg a chur chun cinn
Tionscnaimh Eoraip 2020: fostaíocht, gnóthaí sóisialta & cuimsiú

Cearta ag an obair

Bhí tionchar mór i gcónaí ag an AE ar chearta oibrithe. Mar shampla, tá dlíthe AE ann anois a chuireann srian ar uaireanta oibre, a dhéanann na dálaí oibre níos sábháilte agus a chinntíonn cúiteamh i gcás gortú ag an obair.

Oibríonn an AE i gcomhar le réimse leathan comhpháirtithe, mar shampla fostóirí agus ceardchumainn, lena chinntiú go dtugann na dlíthe sin faoi na saincheisteanna is tábhachtaí ar bhealach éifeachtach.

Cosaint shóisialta agus cuimsiú sóisialta

Cuireann an AE cosaint shóisialta agus cuimsiú sóisialta chun cinn trí mhaoiniú a chomhordú, a chothú agus a chur ar fáil mar thacaíocht do na Ballstáit leis an eisiamh sóisialta agus an bhochtaineacht a chomhrac agus le hathchóiriú a dhéanamh ar a gcórais chosanta sóisialta.

Ag maireachtáil agus ag obair thar lear

Tá an AE agus a Bhallstáit ag obair as lámha a chéile ionas go mbeidh sé níos fusa do dhaoine maireachtáil agus oibriú thar lear, trí chomhordú a dhéanamh ar scéimeanna slándála sóisialta ar fud an AE agus le go bhféadfaidh oibrithe a bpinsin agus a sochair slándála sóisialta a fháil fiú má athraíonn siad post nó má théann siad ag obair i dtíortha éagsúla san AE.

Maoiniú ó chláir an AE

Is iad seo a leanas na príomhchláir don fhostaíocht agus don bheartas sóisialta:

Ciste Sóisialta na hEorpa (CSE)
Clár PROGRESS
An Ciste Eorpach um Choigeartú don Domhandú (CECD)
Micreamhaoiniú Progress.

Is ar na rialtais náisiúnta atá an príomhchúram as an bhfostaíocht agus as an mbeartas sóisialta. Níl i gceist le maoiniú an AE sa réimse seo ach tacú agus cur lena n-iarrachtaí.

Barr

Institiúidí agus comhlachtaí an AE

An Coimisiún Eorpach
- Fostaíocht, gnóthaí sóisialta agus cuimsiú
- Ciste Sóisialta na hEorpa
Parlaimint na hEorpa
- An Coiste um Fhostaíocht agus um Ghnóthaí Sóisialta
Comhairle an Aontais Eorpaigh
- Fostaíocht, beartas sóisialta, sláinte agus gnóthaí tomhaltóirí
Coiste Eacnamaíoch agus Sóisialta na hEorpa
- Fostaíocht, gnóthaí sóisialta agus saoránacht
Coiste na Réigiún
- An Coimisiún um an mBeartas Eacnamaíoch agus Sóisialta (ECOS)
An Banc Eorpach Infheistíochta
- An Banc Eorpach Infheistíochta
- An Ciste Eorpach Infheistíochta
Gníomhaireachtaí an AE
- An Foras Eorpach chun Dálaí Maireachtála agus Oibre a Fheabhsú
- An Ghníomhaireacht Eorpach um Shábháilteacht agus Sláinte ag an Obair