Ewropa mingħajr fruntieri (suq waħdieni)

Għalkemm issa ma tantx għadna nagħtu kasu, is-'suq waħdieni' (xi kultant imsejjaħ ukoll is-'suq intern') huwa wieħed mill-akbar kisbiet tal-UE. Minflok isibu ostakli minħabba l-fruntieri nazzjonali, in-nies, il-prodotti, is-servizzi u l-flus jiċċaqalqu fl-UE bl-istess mod ħieles li bih jiċċaqalqu f'pajjiżhom.

Nivvjaġġaw kemm irridu bejn il-fruntieri interni tal-UE għal negozju u divertiment jew, jekk nagħżlu, nistgħu nibqgħu d-dar u ngawdu minn firxa kbira ta' prodotti mill-Ewropa kollha.

Aqra t-test sħiħAqra t-test sħiħ

Daqshekk fruntieri nazzjonali

Il-biċċa l-kbira tad-djar fl-Ewropa huma liberi li jagħżlu minn għand min jixtru l-elettriku.

Biex inħoloq dan is-suq unifikat, mijiet ta' ostakli tekniċi, legali u burokratiċi li kienu joħonqu l-kummerċ ħieles u l-moviment ħieles bejn il-pajjiżi membri tal-UE ġew aboliti f'serje ta' riformi, li leħqu l-quċċata fl-1993.

Skont il-Kummissjoni dawn ir-riformi ħolqu 2.75 miljun impjiegi iktar u tkabbir ta' 1.85% bejn l-1992 i l-2009.

Ħielsa li jagħmlu negozju mal-blokk ekonomiku kollu, il-kumpaniji espandew l-operat tagħhom, bil-kompetizzjoni li rriżultat li kemm naqqset il-prezzijiet kif ukoll żiedet l-għażla tal-konsumatur.

It-telefonati fl-Ewropa jqumu farka ta' kemm kienu 10 snin ilu, bosta titjiriet roħsu sew u nfetħu rotot ġodda. Ħafna djar u negozji issa jistgħu jagħżlu huma stess minn għand min jieħdu d-dawl u l-gass.

Fl-istess ħin l-UE taħdem biex tiżgura li dawn il-libertajiet ma jaħdmux kontra l-ġustizzja,il-protezzjoni tal-konsumatur jew is-sostenibbiltà tal-ambjent - megħjuna mill-bosta awtoritajiet regolatorji u tal-kompetizzjoni tal-Ewropa.

Spinta għan-negozju fl-Ewropa

Intrapiżi Ewropej li jbigħu fl-UE għandhom aċċess bla restrizzjonijiet għal kważi 500 miljun konsumatur - li jagħtihom bażi solida biex jibqgħu kompetittivi fl-ekonomija dinjija. Mingħajr ma nsemmu l-attrazzjoni ta' suq unifikat daqshekk vast għall-investituri barranin.

U l-integrazzjoni ekonomika tista' tkun difiża imprezzabbli kontra riċessjonijiet perjodiċi, u tippermetti lill-pajjiżi tal-UE jkomplu l-kummerċ bejntihom minflok ma jkollhom imorru għal miżuri protezzjonisti li jġibu l-kriżi għall-agħar.

Għad hemm xi ostakli

Il-professjonisti jistgħu jaħdmu fejn iridu fl-UE.

L-intergrazzjoni tista' tmur iktar 'il quddiem, madanakolllu - għad hemm ħafna oqsma b'potezjal li għadu ma ntmiss.

L-ewwel nett, In-natura frammentata tas-sistemi ta’ taxxa nazzjonali xxekkel ukoll l-integrazzjoni u l-effiċjenza tas-suq.

U s-settur tas-servizzi, pereżempju, fetaħ aktar bil-mod mis-swieq għall-prodotti, għalkemm fl-2006 ġiet adottata liġi ġdida ewlenija li tippermetti lill-kumpaniji joffru firxa ta' servizzi bejn fruntiera u oħra minn fejn huma bbażati.

Id-dewmien affettwa wkoll is-servizzi finanzjarji u dak tat-trasport, fejn għadhom jeżistu swieq nazzjonali separati.

Fir-rigward tas-servizzi finanzjarji, l-UE qed tipprova tevia li tirrepeti ruħha l-kriżi tal-2009 billi tibni settur finanzjarju iktar sod u sikur, permezz ta' miżuri li jinkludu s-superviżjoni tal-istituzzjonijiet finanzjarji, ir-regolamentazzjoni ta' prodotti finanzjarji kumplessi u l-ħtieġa li l-banek ikollhom iktar kapital.

Moviment ħieles, iżda mhux mingħajr kontrolli

Il-maġġoranza tal-pajjiżi tal-UE qablu li ma jibqgħux jiċċekkjaw il-passporti fuq il-fruntieri ma' pajjiżi oħra tal-UE meta wieħed jivvjaġġja fit-triq (passieġieri tal-ajru għadhom iridu juri xi forma ta' identità).

L-eċċezzjonijiet huma l-5 pajjiżi li żammew il-kontrolli tal-fruntiera nazzjonali: Ċipru, l-Irlanda, Ir-Renju Unit, il-Bulgarija u r-Romanija.

Madanakollu, hemm ritorn għal kontrolli iktar stretti fuq il-fruntieri esterni tal-UE - biex ikun evitat li l-kriminali jieħu vantaġġ mis-sistema. Dawn il-kontrolli huma megħjuna minn:

sistema tal-UE ta' kooperazzjoni tal-polizija u fil-qasam tal-ġustizzja kriminali
Europol , il-forza tal-pulizija Ewropea
sistema biex il-pulizija nazzjonali taqsam l-informazzjoni dwar kriminali riċerkati jew dawk suspettati.
Eurojust – issekondar ta' prosekuturi, pulizija u avukati nazzjonali għal tim ċentrali li jiġġieled il-kriminalità organizzata.

Fuq

Istituzzjonijiet u entitajiet tal-UE

Kummissjoni Ewropea
- Id-dipartiiment tas-suq waħdieni
Parlament Ewropew
- Il-Kumitat dwar is-Suq Intern u l-Ħarsien tal-Konsumatur
Il-Kunsill tal-Unjoni Ewropea
- kompetittività: Is-Suq Intern, l-Industrija u r-Riċerka
Il-Kumitat Ekonomiku u Soċjali Ewropew
- Taqsima tas-suq uniku, il-produzzjoni u l-konsum

Il-Kumitat tar-Reġjuni

Kummissjoni għall-politika ekonomika u soċjali (ECOS)

Aġenziji tal-UE
- L-Uffiċċju tal-Armonizzazzjoni fis-Suq Intern (ismijiet tad-ditta u disinji)
- Awtorità Bankarja Ewropea (ABE)
- Awtorità Ewropea tat-Titoli u s-Swieq (AETS)